Uzeu copene:Lucyin/Egurniyaedjes 2019

JNyn

Dins trezôr. Gn a bén on François Nyns (rahouca FNyn), mins J. ? Reptilien.19831209BE1 (copene) 3 d' djanvî 2019 a 16:39 (UTC)

Oyi, c' est ene måcule; c' est ene fråze da sinne, sins manke.

--Lucyin (copene) 3 d' djanvî 2019 a 19:56 (UTC)

d’ estra / destra

Dins (F)O4 et FO94, on trove d’ èstra (eto scrît dèstra dins (F)O4) po les adviebes F. très et extraordinairement : « c’est boun dèstra » u « c’est dèstra boun » = F. « c'est très bon » u « c'est extraordinairement bon ». Cwè fé avou ça, el mete come djivion, u bén mete dins estra ene note dins li dzo hagnon piceures di croejhete ? Dji n' a rén trové dins O90 ni O0 (mins dji n' a k' el tome 1). Avoz ddja veyou çoula dins des scrijhaedjes ? Reptilien.19831209BE1 (copene) 6 di djanvî 2019 a 19:55 (UTC)

Come po dabôrd, dadrame,... on pôreut fé èn ôte sifwait djivion. Les noûmotîs des fiesse ås lingaedjes walons l' ont minme fwait po "dospitå" (po nosocomial) (dj' inmreu mî li trova da Pablo ospitalrece.

Mins gn a eto des ôtes mots insi fwait dins l' Coûtchant walon tot-z abetchtant on d- a on mot; kécfeye pa assaetchance di «daler» (ki lu, pout esse ritrové pa «endaler» => *èddaler => daler. (dawè, dinsi k' a l' air d' awè passé e rfondou)

cial, on pôreut tuzer a èn aplacaedje a pårti do shuvion: c' est ene sacwè d' estra.

dji n' l' a nén dins mes djivêyes di fråzes d' oteur; si n' a dj' nole sovnance di l' awè lî.

"stra" est eto dins O0 a "S"; Bal l' eployive (li fråze so «estra» vént dandjreus di «Djonnesse a målvåt», mins Djermwin n' l' a nén rprins dins O90.

Si vos vloz, fijhoz l' pådje «destra» avou les egzimpes FO4 (av ene copeye pdf di FO4?; dji n' l' a k' foyou pa foyou). Dji m' va fé l' cene di «stra».

--Lucyin (copene) 6 di djanvî 2019 a 21:16 (UTC)

Vos trovroz l' PDF di FO4 sol waibe da Jean-Jacques Chapelle : https://sites.google.com/site/nivelleslewallonaclot2/ (lº 4), gråces a lu. Reptilien.19831209BE1 (copene) 6 di djanvî 2019 a 21:35 (UTC)

Fwait «stra» et metou les 3 dins R10 a estra : R10.

--Lucyin (copene) 6 di djanvî 2019 a 21:52 (UTC)

-suamz-f

Cwè fé avou ç' modele la, nén eployî : el rilomer "Modele:-suzgh-f" u bén l' disfacer ? Reptilien.19831209BE1 (copene) 9 di djanvî 2019 a 09:42 (UTC)

Dji l' a disfacé. C' esteut po on modele di femrin «ⵢⴰⵏ» (on) => «ⵢⴰⵜ» (ene) ki n' m' a nén l' air corant.

--Lucyin (copene) 9 di djanvî 2019 a 11:13 (UTC)

Modele:PVspc

Li modele n'est nén eployî, et dji n' a rén trové so Wikipedia so ci sourdant la. P. Villers ? Reptilien.19831209BE1 (copene) 9 di djanvî 2019 a 19:32 (UTC)

C' est on bea scrijhaedje d' après Måmdey (lu spire dol cinse), k' a stî rdjouwé e 2017 come pîce di teyåte di marionetes, si djel tén bén. Mins dji m' dimande si dji såreu rtrover l' tecse po rmete des fråzes. Djel va disfacer. Po fé on sifwait sourdant, fåreut, al boune 5 fråzes di ç' live la. Si dji rtome dissu, on l' rapexhrè bén.

A! dji voe k' ça stî eplaidî dins l' BSW 27, 1889, p. 374-394. Ça divreut awè stî scané pa Google, çoula?

Dji waite si dj' a l' live e m' bibioteke. Djô ! Dji l' a. Dji vos fwai cénk fråzes.

--Lucyin (copene) 9 di djanvî 2019 a 21:19 (UTC)

Paul Villers, Li spér del cinse.

Dj' a fwait shijhoe; dji frè ls ôtes dimwin.

Dj' a fwait Module:Sourdant/PVspc; i dmeure les raloyaedjes.

--Lucyin (copene) 9 di djanvî 2019 a 21:59 (UTC)

Gråces, il est so Archive.org. Dj' el va poleur mete so Wikisourd. Reptilien.19831209BE1 (copene) 10 di djanvî 2019 a 09:47 (UTC)

ⴰⵃⵡⴰⵛ

Dji n' croe nén k' el sene « š » est dins l' AFE, sorlon Wikipedia francès et inglès ci sreut soeyti « ʂ », soeyti « ʃ ». Reptilien.19831209BE1 (copene) 15 di djanvî 2019 a 09:47 (UTC)

Oyi, biesse di gregne ki dj' so! (dji vneu djusse d' î rsondjî å matén). Proficiate po vosse felesse !

--Lucyin (copene) 15 di djanvî 2019 a 10:35 (UTC)

Etroclaedje di « d’ l’ »

Tchaeke côp ki dj' escrî « d’ l’ » (foirt pezant) dins ene fråze, dji mi dmande pocwè n' nén l' escrîre « dl ». Gn a-t i on risse del maxhî avou èn ôte mot, u del prononcî come i n' fåreut nén ?

• mot d’ l’ inlgès / mot dl inglès
• mot d’ l’ imprimreye / mot dl imprimreye
• il a dvou ndaler so l’ etrindjir po trover d’ l’ ovraedje / il a dvou ndaler so l’ etrindjir po trover dl ovraedje

Deus cossounes totès seules n' est nén etrindjir do walon : ls, ds, ns, vs, nd, gn. Reptilien.19831209BE1 (copene) 21 di djanvî 2019 a 07:59 (UTC)

oyi, c' est ene idêye k' aveut ddja stî aplikêye pa Louwis Baidjot dins l' Coutcouloudjoû. Mins come c' est tolminme consecant come candjmints a fé pattavå, fåreut motoit ratinde ki Giscard Reventlov si rewoeye, et Pablo nos dire:

• s' i sereut d' acoird; s' i l' est, nole rujhe; mi, dji vou bén. Ôtrumint, i fåreut co dmander cwè a onk u deus uzeus do rfondou (Tiri Dumont, Djôr Sfasie, Djan Cayron).
• s' i pout rcandjî tos les avnaedjes do mot sol Wikipedia et l' Wiccionaire (et kécfeye ossu so les tecses di l' Aberteke). Fåt k' il åye ene miete di tins da sinne.

=> si on ratindreu l' moes d' måss po decider et apliker? Dji sayrè d' co passer ene djournêye avou lu a môde di "raploû des rfondeus".

--Lucyin (copene) 21 di djanvî 2019 a 09:23 (UTC)

Oyi, bén seur, c' esteut ene idêye come çoula, gn a rén ki presse ! Mins fåreut i vormint candjî tos les avnaedjes, on preut tot ossu bén wårder « d’ l’ » et otorijhî « dl » come sipotcheye cogne, dji di çoula dji n' di rén :-) Pitite kesse, ki n' a rén a vey : Laurent Hendschel n' est pus dins l' ekipe des rfondeus ? Reptilien.19831209BE1 (copene) 21 di djanvî 2019 a 10:03 (UTC)

Cråne idêye di mete les deus come «dobès rfondowes». Come çoula, on pout tcheryî sins aroke. Dji sayrè di rtrover des fråzes da Louwis Baidjot, po mete come egzimpes. Dji croe minme ki dj' a veyou des ôtes sicrijheus fé parey.

Lorint a leyî ouve avou l' walon "actif" dispu 2002. I rind co sacwants siervices et djel va co trover di tenawete, mins el våt mî leyî rivni a l' ovroe, s' il a håsse, on djoû (s' i plait-st a Diu).

--Lucyin (copene) 21 di djanvî 2019 a 11:51 (UTC)

Fwait: del#Walon 1, do, di l’, d’ l’ = dl

--Lucyin (copene) 21 di djanvî 2019 a 13:35 (UTC)

Sourdant:AR1

Porîz mete el vraiy tite po ci sourdant la ? Dji nel trove nén sol Daegntoele. Reptilien.19831209BE1 (copene) 22 d' djanvî 2019 a 19:45 (UTC)

Dji n' l' a nén dizo l' mwin. Djel frè dmwin.

--Lucyin (copene) 22 d' djanvî 2019 a 20:46 (UTC)

Fwait.

--Lucyin (copene) 23 d' djanvî 2019 a 19:52 (UTC)

Gråces, èm-n amisse. Reptilien.19831209BE1 (copene) 23 d' djanvî 2019 a 20:06 (UTC)

grammaire

Sorlon les ortografeyes ki sont dnêyes, on direut bén k' c' est l' son /e/ k' est l' pus spårdou, nén l' son /ɛ/. Ça n' shonne nén responde å betchessî ai. Mins gn a ptete ene sacwè ki m' eschape… Reptilien.19831209BE1 (copene) 25 di djanvî 2019 a 06:36 (UTC)

C' est ene flotche: li prononçaedje est /ɛː/ so Lidje, Basse Årdene, et Nameur (scrît ê so Lîdje et Bastogne et aî après Nameur); /e/ sol Coûtchant walon (scrit é), eyet /æ:/ (?) li son tipike del Hôte Årdene (scrît ê e Feller, mins ê pa Remacle), do Roman payis (scrît ē dins C65 et Gaziaux) et après Moustî (scrît ë dins C106) et Sint-Houbert (scrît in pa Emile Pecheur). C' est po çoula k' on a wårdé l' ortografeye did divant Feller ai, come betchfessî ai.

Dji croe k' ci n' est måy /ɛ/ come e parizyin.

--Lucyin (copene) 25 di djanvî 2019 a 22:19 (UTC)

JCou ?

Eployî dins årvô come sourdant, mins dji såreu dire kî c' est. Reptilien.19831209BE1 (copene) 26 di djanvî 2019 a 19:26 (UTC)

J(eanine?) Counson, k' a scrît so les rowes di Måmdiy dins l' pitite gazete, feye da Robert Counson, k' a fwait des tchansons (metans "Måmdiy e l' esté" k' on a ddja studyî ezès Scoles di Bive). Dj' aveuri tot çoula mårdi.

Et SgBe, dins hatrea ? Reptilien.19831209BE1 (copene) 26 di djanvî 2019 a 22:03 (UTC)

Dji n' voe nén. Djel ricatche.

Et ABer dins ciete ? Reptilien.19831209BE1 (copene) 26 di djanvî 2019 a 22:25 (UTC)

A(ndré?) Berly, dins l' sitroete plake «Paskeyes». Dji sayrè del diswalper (li stroete plake) so Wikipedia. Pår ki cisse tchanson la a stî rprinjhe pa Willy Marchal.

--Lucyin (copene) 27 di djanvî 2019 a 11:20 (UTC)

Et DVS dins al dadaye ? Reptilien.19831209BE1 (copene) 27 di djanvî 2019 a 11:27 (UTC)

Dominique Vanderstoken.

--Lucyin (copene) 27 di djanvî 2019 a 13:16 (UTC)

Et MoCS dins as : Motî ... ? Reptilien.19831209BE1 (copene) 27 di djanvî 2019 a 15:46 (UTC)

Motî d' Courcele et d' Souvret ({{s|O101}})

--Lucyin (copene) 27 di djanvî 2019 a 16:30 (UTC)

Et CWil dins mivé ? Reptilien.19831209BE1 (copene) 27 di djanvî 2019 a 17:12 (UTC)

C(harles? laude?) Wilmotte, purade on teyåtreu d' après Nameur, k' a scrît tenawete dins les Cahiers Walons (ça a l' air d' esse ene fråze e-n on racontaedje del vicåreye da Colas Bosret). Dji waite a ça mårdi.

Et CDuv dins diewåde ? Reptilien.19831209BE1 (copene) 27 di djanvî 2019 a 17:17 (UTC)

Charles du Vivier de Streel; dji lyi fwai s' "module"; lyi ploz fé on "wikidata"?

--Lucyin (copene) 27 di djanvî 2019 a 19:28 (UTC)

dispûsler

Li mot n' est nén dins l' fråze d' egzimpe. Et come dji n' a nén l' live... Reptilien.19831209BE1 (copene) 28 di djanvî 2019 a 15:52 (UTC)

Dj' a tapé ås gaeyes po rfé ene fråze d' accion. Dji louke dimwin si dji pou rtrover l' passaedje. Kimint s' fwait i k' el pådje Sourdant:On-Ârdènès foû di s’ payis askepeye otomaticmint ene categoreye Scrijhaedjes da Arthur Schmitz? A dji voe, c' est parey po Scrijhaedjes da Lucien Mahin. Oyi, mins gn a ene pitite flotche di sintake dins ces categoreyes la: come li mot "categoreye" finixhe pa ene cossoune, i fåt ene ristitcheye voyale a "scrijhaedje" => Categoreye:Sicrijhaedjes da... (come so Wikipedia: Categoreye:Sicrijheus e walon, Categoreye:Sicrijhaedje).

--Lucyin (copene) 28 di djanvî 2019 a 20:47 (UTC)

C' est ene categoreye metowe otomaticmint avou l' module:Sourdant, cwand gn a k' on seu oteur. Pol sintake del categoreye, dj' aveu prins po modele « Scrijhaedjes da Lucien Mahin » ki vs avîz ahivé. Come gn a on deus-ponts inte « categoreye » et « scrijhaedjes » ça n' m' aveut nén tchoké, mins dji va-st arindjî çoula. Reptilien.19831209BE1 (copene)

C' est l' veur k' on l' pout waitî come on novea tite, la k' les rîles sont halcotantes. Ki dj' î sondje ! si on metreut ene pitite faflote des piceures do Coûtchant walon: => Categoreye:Escrijhaedjes da...?

--Lucyin (copene) 29 di djanvî 2019 a 06:39 (UTC)

Camille Gaspar(d)

Sourdant:CG et Sourdant:CGas, i m' shonne ki c' est l' minme scrijheu, neni ? Reptilien.19831209BE1 (copene) 28 di djanvî 2019 a 19:39 (UTC)

Oyi, vî sistinme del prumire anêye (2 letes) + maxhaedje avou l' no da Lucyin Gaspar (sins "D"), lu.

--Lucyin (copene) 28 di djanvî 2019 a 20:28 (UTC)

egoloe

Dins adujhoe, dj' a metou les ôtès cognes di O0 dins l' hagnon ortografeyes, mins po « agoulwè » i l' fåreut mete, pinse dju, dins agoloe (?) di agoler (dedja dins l' DTW), fwait sol bodje « gole » k' on rtove eto dins egoler, egoloe, egoleure, agoliner,... mins kimint vey « gole » (assuré l' minme sitok etim. ki gueuye) ? Reptilien.19831209BE1 (copene) 4 di fevrî 2019 a 21:42 (UTC)

Djusse, Ogusse !

dj' a fwait goler al varade.

--Lucyin (copene) 5 di fevrî 2019 a 12:05 (UTC)

Dji vén di loukî les esplikêyes di l' ALW 6; come dji l' aveu tuzé dispu bele ådje, i fåreut mete tofer li betchete e- d' endalaedje (et nén li batchete a- d' aprepiaedje): l' aiwe eva å lon (dins les trôs del sipondje di rotches castinnixheuses). Mins dins cåzu totes les plaeces k' i gn ces trôs la, les deus cawetes e- eyet a- sont del minme cogne a-. => egolina, edujhoe, egoloe

--Lucyin (copene) 5 di fevrî 2019 a 20:33 (UTC)

Co kékès tchitcheyes:

gn a cwanlminme 2 cognes avou l' betchete è- (ègoulwè, èglîjwè). + on no d' plaece ègolina.

"avaloire" n' est nén bon come ratournaedje francès (c' est l' coulire do haernaexhmint des tchvås)

--Lucyin (copene) 5 di fevrî 2019 a 21:08 (UTC)

« avaloir(e) » est portant onk des ratournaedjes dinés dins O0, gn a eto èn artike so Wikipedia francès, u co dins l' « Dictionnaire de belgicismes » p. 109 (k' est do francès tot l' minme), ki dinnut on sinse ershonnant (nén a vey avou l' coulire des tchvås), li ci d' agoler les aiwes del plouve. On preut bén fé ene deujhinme sinsyince ? Po l' betchete e- purade ki a-, dji so d' acoird avou edujhoe et egoloe, c' est l' veur ki l' trô n' sareut dire k' il « agole l' aiwe », mins po « agoler » (F. « avaler gloutonnement », O0) i m' shonne ki c' est eployåve pal sudjet minme : « dj' a-st agolé l' sope d' on côp, télmint dj' aveu fwin ». Reptilien.19831209BE1 (copene) 6 di fevrî 2019 a 07:25 (UTC)

francès po "edujhoe": oyi, po "avaloire", si vos vloz rmete on sinse bedje sol wiccionaire francès, u sol nosse, avou vosse rahouca; dins les mots d' francès d' Beldjike, gn a-st avou: adugeoir... perte, bétoire, douve, aiguigeois, agolina, adugeoir ou adujoir. On lzès pout mete tertos sol Wiccionaire walon come francès d' Beldjike po les 4 dierins, + les deus "chantoir(e)".

oyi, agoler pout dmorer, si en vout, avou l' esplikêye ki vos djhoz. Mins "egoler" avou e- = recloyaedje (*en-gouler = ingurgiter) egzistêye dins engoulevent (oujhea). Mot ki divreut esse (e)gole-vint e walon, mins k' a dné après Vervî galbô. Dj' a les pinses ki c' est di cisse manire ci: gole-vint => (forcoridjaedje prononçaedje Hôte Ärdene /æː/ = cåzu /ɛ̃/) *gole-vê (come schoice-vint => hwèce-vê => chwache-via) => ridaedje V/B *golbê => accint Vervî o=> a => *galbê => (forcoridjaedje eviè l' francès -ê => -eau) => galbô. Oufti !!!!!

--Lucyin (copene) 6 di fevrî 2019 a 11:08 (UTC)

anwjhea/awjhea/awjhale

Dj' a dandjî d' vos loumires...

Come so Wikipedia vs avoz disfacé l' pådje w:Motî:awjhale, k' esteut on rdjiblaedje èviè w:Motî:awjhea, leye-minme on rdjiblaedje èviè w:Motî:anweye, la k' on trove anwiea (cial ene viye rif. di awjhea ) u anwjhea (cial on rdjiblaedje eviè anweye), dj' a l' tourniole . Et come el DTW n' rote pus, dji n' sai cwè fé ! Reptilien.19831209BE1 (copene) 12 di fevrî 2019 a 19:39 (UTC)

Dji louke a ça al nute avou tos les acertinants motîs (E203, G8, C23 po les vîs, G208 pol pus novele sinteze). Tot ratindant, prindoz todi ene aspirene po vosse tournisse

--Lucyin (copene) 13 di fevrî 2019 a 13:43 (UTC)

Les disfondowes sont ddja cial; dj' åreu ptchî di wårder on seu bodje (anwjh-) po les deus raptitixhas, omrins et femrins => anwjhea, anwjhale; li "dj" di C9 sereut ene flotche di rcopiaedje inte on scrijha di dvant Feller "j" k' a motoit stî rprind po on "dj".

ou adon, cawete -eye + cawete -ea (o.) u -ale (f.) => anwiyea, anwiyale (pus åjhey a lére). Forcoridjaedje lidjwès y => h.

A decider. Cwand l' DTW rirè, vey s' i gn a des ôtes dobès cawetes insi.

--Lucyin (copene) 14 di fevrî 2019 a 12:39 (UTC)

Tot conté tot rabatou, veyanmint ki:

1. li betchfessî jh est (cåzu) acertiné J après Nameur, H après Lidje
2. les cawetes -ea (-ê lidjwès) et -ale (-ale après Nameur) sont-st aveureyes
3. divant les dobès cawetes kiminçant pa -jh-, on lait ene voyale i (tinr'hon + tinrijon => tinrijhon; pîr'heûs + pîricheûs => pirixheus; bat'hî + batijî => batijhî…),

dj' atåvele di rfonde anwijhea & anwijhale

dji mete les viyès rfondowes come pådjes a pårt.

--Lucyin (copene) 14 di fevrî 2019 a 15:30 (UTC)

Tot rasplitchî !

Ki; li disfondowe "inwiale" da C1 (riprinjhe pa C99 mins nén pa C106) pôreut esse rifondowe «anwiyale», come dit roci ådzeu

--Lucyin (copene) 14 di fevrî 2019 a 18:14 (UTC)

Mins nonna, ça s' pout corwaitî come on prononçaedje di Nameur do betchfessî -jh (come i fjhént => i fyint).

Li -jh- vénreut purade todroet do latén «anguis», ki d' anweye (k' a ddja ene cawete e latén «anguilla»).

--Lucyin (copene) 15 di fevrî 2019 a 22:26 (UTC)

cep(e)

Avou ou sins e å coron ? Sins dins l' DTW et Wiccionaire, avou dins R13 et dins l' hagnon mots d’ aplacaedje ki vs av radjouté, avou ricepe dins l' parintaedje. Reptilien.19831209BE1 (copene) 21 di fevrî 2019 a 06:40 (UTC)

Oyi ! On l' sicrît classicmint sins E, a cåze do scrijhaedje Feller cèp´ et copurade tot xhinant li scrijhaedje francès. Oyi, mins dins "côp", li P est halcrosse. Did la l' idêye di rmete on E. On l' va scrire insi. Dji rcandje po "cepe" (copurade k' il est ddja insi dins O4, a çou ki dj' voe).

--Lucyin (copene) 21 di fevrî 2019 a 11:57 (UTC)

avadjî eyet ravadjî

Dj' a co dandjî d' vos loumires mwaisse...

Po cmincî on trove avadjî sol wiccionaire, mins avadji sol DTW (F. avachir), avou nole disfondowe e Feller avou î. Sereut ç' po n' nén awè IP13s dj' avadji(xhe) (k' est portant l' codjowaedje di S0 c.5) mins dj' avadje (cf. egzimpe) ? Deujhinmmint i m' shonne k' el viebe ravadjî (F. ravager, minme orto. k' sol DTW), n' est nén fwait sol viebe avadj[îi], la k' el prumî c' est on bodje tîxhon et l' ôte on bodje latén [purade on calcaedje francès], pinse dju. Po fini, pocwè avadj[îi] et nén avatch[îi] si l' bodje c'est vatche, et k' 66% des prononçaedjes si fwait avou /t͡ʃ/ : avadji [E13,S0]; avadjer [E145]; avatchi [E1,E21]; avachi [O4,E203]; awatchi [E1,E34], et k' on trove avatchler dins l' DTW nén avadjler ? Reptilien.19831209BE1 (copene) 22 d' fevrî 2019 a 16:18 (UTC)

tot çou k' vos djhoz est bén d' assene. Nén rovyî ki li gros do rfondaedje s' a fwait so cénk dijh ans pa des djins k' avént èn ôte mestî => on n' a sepou aparfondi tchaeke mot.

po -tch- <> -dj-, come li tayon-bodje est bén "vacca" (ALW 17 p. 68): taiss ki c' est bén -tch- ki shonne li pus ahessåve, mågré l' vuzlaedje del cossoune so ene grande sitindêye di l' Årdene.

pol sôre di viebe, dandjreus k' i gn a yeu on forcoridjaedje eviè l' prumire troke; c' est l' disfondowe "avadjè" ki dj' l' a rescontré l' prumî côp (dji n' a nén oyou l' mot dins m' walon d' crexhance).

Come dji djusse: dins S117, come addjectif: avadjè, -èye ou Bork (Emile Pècheur), avachî, -e a Tchonviye [S104].

Vos ploz rmete totafwait come vos l' pinsez.

Vola ! Dj' a ddja rcandjî dins l' DTW eyet l' Wiccionaire (mins nén co pol parintêye DTW).

Dji n' a nén waitî po "ravadjî" (dji cmince mi "dmey condjî éndjolike di prétins", disk' å 5 d' avri; dji n' serè pus si fel a responde; si n' årè dj' nou live a mes costés).

--Lucyin (copene) 22 d' fevrî 2019 a 18:14 (UTC)

tchivet

Il est eto so Wikipedia w:Motî:tchivet sins definixha, et dins w:Dobe son DJ V la k' il est scrît k' on l' drivreut trover dins R9, mins dji nel voe nén ! Sereut ç' ene viye rifondowe di tchivea ? Reptilien.19831209BE1 (copene) 9 di måss 2019 a 17:13 (UTC)

ou purade on calcaedje do francès "chevet" ? (come pol tåve di nute) Srtxg (copene) 10 di måss 2019 a 12:22 (UTC)

i m' shonne eto, ca dj' l' a-st oyou dins "lampe di tchvet" = "lampe di sponte".

--Lucyin (copene) 11 di måss 2019 a 09:25 (UTC)

Sourdant MoÔn

a linsi ? Reptilien.19831209BE1 (copene) 20 d' måss 2019 a 07:10 (UTC)

Gazete w:El Moxhon d' Ônea (gazete).

--Lucyin (copene) 22 d' måss 2019 a 18:09 (UTC)

Gråces, et po MoLej a ås, Motî... ? Reptilien.19831209BE1 (copene) 27 di måss 2019 a 07:29 (UTC)

Motî Lejoly => E165

--Lucyin (copene) 27 di måss 2019 a 07:43 (UTC)

RIF moxhion/mokion

Adon, si dj' a bén shuvou : moxhion c' est pol metche d’ ene tchandele, eyet mokion c'est pol likide do nez ? Paski pocwè, « mokion » vént do (vî) viebe mokî (latén * « muccare »), alofôme di mohî (d' eyou vént mohion), eyet sinonime di motchî. Udonbén moxhion c' est po les deus : el metche et l' likide ? Reptilien.19831209BE1 (copene) 4 d' avri 2019 a 08:30 (UTC)

Bondjoû,

Por mi c' est bén deus mots diferins d' etimolodjeye diferinne.

E francès les sfwaits mots si dijhet et s' sicrire parey ("moucher") mins nén e walon. Onk c' est di "muccare" oyi, eyet l' ôte c' est purade "divni come ene moxhe", pinse dju.

Dj' eploye sovint "mokion" ("prindez vosse mocoe et s' rissaetchîz vos mokions", di dj' a m' valet), d' ostant pus ki c' est rshonnant a l' espagnol ("moco")

Dji n' eploye måy l' ôte, la k' al måjhone li loumire est electrike...

a, eto, "mokion" c' est e rfondou (eto).

"motchî", po si rxhorbi l' nez, mi shonne esse on rfrncijhaedje (come "clotche", "coutchî"...), li vî bodje sereut avou /k/ k' on rtrove bén dins "mokion" et "mocoe".

D' èn ôte costé, li bodje "motch-" a passé e rfondou avou les deus sinse do francès (rissaetchî les mokions do nez, eyet språtchî ene metche di tchandele pol distinde)

Ça fwait k' i gn årè troes bodjes et troes familes di mots:

1. mok- : (mokyî (mokî ? E1 ni fwait nén l' diferince), mokion, mocoe) po si rnetyî l' nez
2. moxhy- : (moxhyî, moxhia, moxhion) po språtchî les tchandeles
3. motch- : calcaedje do francès, les deus sinses

Srtxg (copene) 4 d' avri 2019 a 16:37 (UTC)

Åmen, c' est po les beguenes.

Dji frè l' toû des diferins mots di ces bodjes la si dj' a l' tins. Ci n' est nén pår åjhey. Gn a eto tos les parints d' "moxhe" (et des kesses come cwè çki l' mot "moxhet" a-st a vey avou ene moxhe). + li bodje k' a dné "tchamossî" et "carmoujhî" et k' est eto avou ene cogne "mohî" so Lidje (flåwe blanc do ploumaedje di des raeces di colons?), si djel tén bén.

--Lucyin (copene) 12 d' avri 2019 a 11:30 (UTC)

djondantès letes (arabe)

(vey la: Uzeu_copene:Lucyin/Egurniyaedjes_2018#Pierdou_redjiblaedje) Po mete on boket e cråssès letes, come: « ب‍‍دّريجة لمغريبيّة »‎, purade ki come: ‎ « بدّريجة لمغريبيّة »‎, i fåt comprinde kimint les scrijhaedjes avou des candjåvès glifes rotèt. Dins unicôde, çou k' est ecôdé c' est l' lete. Mins pol håynaedje, dins des lingaedjes k' i gn a, li håynêye cogne pout candjî sorlon çou k' i gn a åtoû (loyaedjes). Po les letes di l' alfabet arabe, end a ki s' polèt djonde al lete di dvant, ou di drî; ça fwait ki pol pupårt des letes i gn a 4 cognes: tote seule, djondowe pa dvant, djondowe pa drî, djondowe des deus costés. Tot çoula vos l' savoz foirt bén. Mins cwand on mete do côde wiki: aaab'''cddd''' (po aaabcddd) li "b" eyet l' "c" ni sont pus djondants! i gn a des apostrofes å mitan; eyet l' côde unicôde di l' apostrofe (U0020) n' a nén l' prôpieté d' esse ene djondante lete... Mins nerén, i gn a-st on côde unicôde po çoula, li "zero-width joiner"; k' on pout scrire come intité HTML : &-z-w-j-; (sins les loyeures). Adon, i fåt mete ci côde al boune plaece: aaab&-z-w-j-;'''&-z-w-j-;cddd''' (cor on côp, sins les loyeures) po-z aveur li bon håynaedje.

Comparez li _غ_ :

sins zwj: لم_غ_ريبيّة

zwj pa dvant: لم_‍غ_ريبيّة

zwj pa drî: لم_غ‍_ريبيّة

zwj des deus costés: لم_‍غ‍_ريبيّة

et, oyi, i fåt ossu pa drî l' M et pa dvant l' R: لم‍_‍غ‍_‍ريبيّة

Come, di pus, l' alfabet arabe si screye di droete a hintche, et k' les letes z,w,j si scrijhèt di hintche a droete, ça pout esse foirt målajhey di stitchî tot çoula al boune plaece. Dins l' aspougneu d' tecse di mozilla dji n' î arive nén, mins dji rcopeye foû dins "gedit" et poy li raclaper et ça va.

Li fråze como vos l' vlîz : ب‍‍دّريجة لمغريبيّة

eto, cwand i gn a on maxhaedje di scrijhas di droete a hintche avou des cis di hintche a droete, li håynaedje pa côps si pôreut nén bén fé; metans: « عيّان » et « 3eyyan » ki s' shuvèt: « عيّان 3eyyan » ... a! i gn a-st ene sacwè ki n' va nén :-) C' est paski "3" si screye di hintche a droete, mins est neute pol lignaedje (ça pout aler ossu bén avou l' arabe k' avou les latenès letes). Eyet Mozilla l'aclape avou l'arabe (pa drî d' l' arabe, dj' ô bén, a hintche di l' arabe).

Po-z espaitchî çoula, on mete &-l-r-m; ou &-r-l-m; po foirci on sinse: « عيّان ‎3eyyan »

Srtxg (copene) 8 d' avri 2019 a 17:55 (UTC)

Ké sûtisté, Djezuss Maria! Dji m' va waitî di fé des egzercices po vey si dji sai adiercî m' côp. Ça a l' air bén ahessant, todi.

Gråces co 13 côps 13 côps.

--Lucyin (copene) 8 d' avri 2019 a 20:07 (UTC)

et si les cråssès letes vnèt d' on modele (metans {{~}}) ça rote eto.

Metans, sol pådje مغريبيّة vos pôrîz scrire: « ل&zwj;{{~}} »

Dj' a sayî cial: لمغريبيّة, mins c' est do rcopiaedje et do tchictaedje. Gn a co des mantches a mete por mi apicî l' fén mot dl istwere.

--Lucyin (copene) 9 d' avri 2019 a 19:37 (UTC)

... mmm, c' est målåjhey oyi... après kékès sayes, dji trove ki c' est pus åjhey, po çou k' vos vloz fé, d' eployi {{~}} eyet mete li zwj al frontire do modele, loukîz l' candjmint ki dj' a fwait so لمغريبيّة

verdeur / verdeure

Bondjoû, Vos avoz rlomé l' modele "verdeure" a "verdeur"; mins ci modele la c' est bén po les verdeures (les amagnîs come li djote, les raecenes, li salåde) et nén po des sacwès k' ont-st ene vete cwålité.

Srtxg (copene) 12 d' avri 2019 a 17:32 (UTC)

oyi, paski c' est l' minme mot, m' aveu dju dit (li cawete -eure, c' est so les viebes, et ça mostere on boket). Insi, froedeur = fr. froideur + froidure. C' est l' minme adjinçnaedje.

Mins dji voe k' il est insi (vèrdeure) dins E170. MINS dins E1: vèrdeûr : verdure : dèl ou dès —, dès légumes ; dèl sope âs —; magnî dès —; miner dès — â martchî. [Anc. fr. verdor.]

ene ôte preuve: C8: vèrdeu (avou l' R ki tchait, adon k' pol cawete -eure, on a a Djivet -êre (coustêre) et a Transene -ère (coustère); loukîz sol DTW.

+ E2 (Remacle). Ni Haust ni Remacle ni sont l' mitan d' ene biesse !!!

A vey mårdi.

--Lucyin (copene) 12 d' avri 2019 a 18:02 (UTC)

tienda

Estoz seur di l' etimolodjeye di tienda#es ?

Dji pinse purade ki ça vénreut do viebe tender#es (stinde, dj' ô bén dispåde so ene toele, dj' ô bén håyner). Li viebe tener#es n' a måy l' absitroet sinse ki l' walon tini pout aveur; e castiyan "tener" c' est purade on sinse come "agrawyî", vormint tini dins ses mwins (ou absitroetmint, tini e s' pouvwer). Li ratourneure "tini botike" n' egzistêye di cisse manire la ("tener una tienda" vout dire esse prôpietaire d' on botike, nén tini botike)

... et si on rwaite a wikt:es:tienda c' est bén "tender" l' etimolodjeye. Li prumî sinse k' est dné est l' ci di cahoute di toele (dji n' m' è sovneu nén d' ci-la; la ki dj' eploye purade "carpa" po çoula)

Dji va coridjî.

Srtxg (copene)

Gråces. Dj' a scrît çoula djusse di tiesse... tot prindant boû po vatche.

--Lucyin (copene) 13 d' avri 2019 a 21:15 (UTC)

modele po les ratournaedjes

Bondjoû, Po les ratournaedjes n' eployîz pus des loyéns direks, mins purade li modele {{t+}}

Loukîz si padje d' aidance, i gn a des egzimpes po l' arabe eyet l' amazir ki mostrèt cmint eployî les noveas lomés parametes ki dj' a radjoute: ral= po dner on ralfabetijhaedje e latenès letes; eyet ar-fafl= po dner, si mezåjhe, ene cogne faflotêye pår po l' alfabet arabe.

Li modele "t+" fwait çou k' i fåt eto pol håynaedje comifåt des scrijhaedjes di droete a hintche (i stitche on LRM (marke di hintche a droete) po foirci l' sinse cwand i fåt).

Eyet, come rawete, vos avoz otomaticmint les ankes po les dvintrins loyéns (eviè wiccionaire walon) et eviè l' wiccionaire dins l' lingaedje minme.

Po les fråzes d' egzimpe, i fåreut fé ôtrumint ki d' mete =ral etur les deus scrijhaedjes; paski l' côde po (dis)mete e clintcheyès letes fwait des arokes (etikete HTML nén cloyowe).

Motoit stinde {{lang}} tot lyi radjoutant on lomé paramete ral= ?

@Reptilien.19831209BE1 cwè ndè pinsez ?

(po èn egzimpe di fråzes inla, loukîz a ليالي#Sustantif_2)

Srtxg (copene) 19 d' avri 2019 a 17:52 (UTC)

Eco 'ne feye, dji pinse ki c' est ene foirt boune idêye, come li paramete trans= dins l' modele lang so wikisourd eyet wikipedia francès ; tr= so wiccionaire francès, evnd. :--Reptilien.19831209BE1 (copene) 19 d' avri 2019 a 18:38 (UTC)

Mondiu todi Louwis! mi ki n' est nén do mestî, va dj' poleur aprinde tot çoula??? (Dji vén d' m' abaiti ki dji n' a pus eployî l' modele {{lang|xx}} po les fråzes.

Les fråzes ralfabetijheyes di ليالي ont stî scrîtes la ddja ene fameuse tchoke. Dji n' a pus fwait insi dispu foirt lontins. On pout disfacer l' ralfabetijhaedje, si on vout.

--Lucyin (copene) 19 d' avri 2019 a 20:33 (UTC)

Vola l' tåvlea k' dj' eployive li pus voltî po les ratournaedjes. Mel ploz rmete avou les novelès rîles?

==== {{H|ratournaedjes}} ==== {{ratour|± sinse do mot k' est ratourné |fr= {{t+|fr|}} |en= {{t+|en|}} |nl= {{t+|nl|}} |de= {{t+|de|}} |es= {{t+|es|}} |ar= {{=ral}} {{t+|ar|}} {{=dsf-ar}} {{t+|ar|}} |ary= [[]] {{=ral}} {{t+|ary|}} {{=dsf-ar}} {{t+|ary|}} |mt= {{t+|mt|}} |zgh= {{t+|zgh|}} {{=ral}} [[]] |log= [[]] |pic= [[]] }}

--Lucyin (copene) 19 d' avri 2019 a 20:37 (UTC)

C' est nén målåjhey a-z eployî; asteure : {{lang|xx|tecse}} mete on tecse avou des etiketes (nén håynåves) po dire k' il est dins l' lingaedje xx.

Ça pout esse eployî pa les robots ki ramonçlént des mots do dné lingaedje (po ndè fé des sûteyès tapreces po les sûtifones, c' est insi metans k' i gn a ene taprece walone dins android)

L' idêye adon, po les lingaedjes ki n' sont nén e latenès letes, c' est d' radjouter on paramete, po poleur scrire: #* {{lang|ary|لّيالي دْخلات|ral=l-lyali tkhelat}}.

On pôreut eto djouwer avou les stîles po håyner, ou nén, ces ralfabetijhaedjes (oudonbén håyner djusse li modêye e latenès letes) sorlon les tchuzes do lijheu.

Po les ratournaedjes, candjî vos modeles shuvants (et ça srè pus simpe eto delzès mete pa ôre alfabetike, copurade cwand i gn a tot plin):

1. Po tos les lingaedjes eployant l' alfabet arabe (ar, ary, fa, ur,...) :

   |xx= {{t+|xx|tecse en alfabet Arab|ral=tecse e Latn|ar-fafl=modêye en Arab faflotêye pår}}

2. Po tos ls ôtes lingaedjes nén e latenès letes (bg, ru, zgh,...):

   |xx= {t+|xx|tecse dins l' alfabet do lingaedje|ral=tecse e Latn}}

3. log => lorg  :

   |lorg= {{t+|lorg|....}}

4. pic => pcd :

   |pcd= {{t+|pcd|....}}

pol moumint li paramete ral= fwait todi on loyén; mins ça candjrè pus tård (cwand l' module "Scripe" po veryî l' sistinme di scrijhaedje rotrè bén, adon li {{t+}} pôrè l' eployî et n' fé on loyén ki si l' lingaedje eploye eto li scripe latén.

Srtxg (copene)

Gråces co 13 côps.

Et pol tchampnwès ? |roa-cha = ... ?

--Lucyin (copene) 20 d' avri 2019 a 19:37 (UTC)

Oyi, roa-cha come metou dins l' djivêye des lingaedjes. Reptilien.19831209BE1 (copene) 20 d' avri 2019 a 20:50 (UTC)

dischaver, dischaveure

(@Reptilien.19831209BE1 eto). So R11 c' est dispårti e deus etimolodjeyes; portant dji n' voe nén vormint d' grande diferince etur les deus. dins l' DTW c' est metou eshonne...

Cwè fé ?

Srtxg (copene) 10 di may 2019 a 21:28 (UTC)

Dj' elzès va rmete eshonne (torade).

--Lucyin (copene) 31 di may 2019 a 14:57 (UTC)

Dj' aveu dispårti troes sinses po "schaver", ey adon, les shuve dins l' parintaedje. Mins dji croe k' on les pout rmete eshonne (ça a l' air d' esse li minme etimolodjeye). Avou ça ki l' sinsiaedje est foirt parey (todi greter, fond u nén).

--Lucyin (copene) 1î d' djun 2019 a 14:41 (UTC)

Categoreye:Mots walons sorlon les ratournaedjes dinés cial

(eto @Reptilien.19831209BE1)

Cisse categoreye la eployive do categorijhaedje dins les vîs modeles {{xx}}; mins nén dins tos, la k' des cis k' i gn a estént eto eployîs po ds ôtes sacwès (dischindance, evnd.) et dins des pådejs d' ôtes lingaedjes ki l' walon...

Di totes manires, ces vîs modeles la seront bénrade tertos disfacés (eployî al plaece {{lang-d-n|xx}} s' i fåt; oudonbén po les ratournaedjes et dischindance {{ratour}} et {{Dischindance}}).

Do côp, li categoreye est vude...

El vout on co eployî ? Adon, li boune plaece po mete do côde di categorijhaedje, ça sereut dins {{ratour}}.

Eyet eto, li lomaedje des categoreyes, "Mots walons ratournés e ..." ou "Mots do walon ratournés e ..." ?

Srtxg (copene) 11 di may 2019 a 10:50 (UTC)

Mots do walon...

U adon, po n' nén eblaver li dzo des pådjes, come sol Wiccionaire espagnol (dinltins?) wa/ary; wa/es; wa/fr... (mins les djins divèt cnoxhe les côdes ISO, çou ki n' est nén clair come di l' aiwe di rotche, metans po ary, zgh...).

A vos d' vey.

--Lucyin (copene) 15 di may 2019 a 12:01 (UTC)

U adon, on pôreut fé des vraiyès categoreyes ("Mots do walon ratournés e ...") des categoreyes catcheyes (n' aparexhèt nén å dzo des pådjes), eyet djusse håyner "Mots do walon avou des ratournaedjes" ki sreut ene categoreye å dzeu, avou des loyéns eviè les ôtes.

Srtxg (copene)

iva pol dierinne idêye (Mots do walon avou des ratournaedjes)

A dmwin a Lidje (po tni li stande del Rantoele on moumint, por mi aler ås mwaissès ashyinnes.

--Lucyin (copene) 17 di may 2019 a 20:18 (UTC)

dizo mwin

Bondjoû,

Vos avoz fwait èn årtike "padzo mwin"; mins dins "dzo mwin" li boket "d(i)zo" ni s' pout nén dispårti di "mwin"; c' est l' tot k' est ene ratourneure avou on sinse.

Do côp, dji n' so nén seur k' on poye atrocler; c' est nén "padzo" + "mwin", mins "pa" + "d(i)zo mwin"

nonna ?

Srtxg (copene) 22 d' may 2019 a 17:39 (UTC)

On l' pout vey insi, mins eto come dizo = padzo. Dj' a rtrové l' fråze da Artur Schmitz dins S117. Adon, dji pinse ki mi, dj' åreu dit "Les Siebes sont sotnus pås Francès dizo mwin." Et k' Artur aveut ptchî di prinde "padzo" po "dizo".

Dji mete les deus scrijhas. Mins adon, fåreut motoit tuzer di loyî dizo + mwin (dizo-mwin; dizomwin).

--Lucyin (copene) 23 d' may 2019 a 11:05 (UTC)

FBvvm ?

Sourdant eployî a electrocuter ey a electrotchok tos deus radjoutés pa Uzeu:Djihinne1 (Jacques Desmet ?) Av ene idêye di çou k' ça preut esse ? Reptilien.19831209BE1 (copene) 27 di may 2019 a 07:09 (UTC)

ça a l' air d' esse des scrijhaedjes da Felicyin Barry (FB), on live ki dj' åreu cmincî mins pont fwait d' ôte mot. Mins dji n' trove nou live ki s' åreut polou racourti e «vvm» (c' est des papîscrîts da minne ki m' feye ricopyive). Dj' a trové: ça doet esse Sonk walon (roman sol fén del guere di 40), ki dj' a scrît FBsw, mins «sw» al mwin a stî lî «vvm». Djel mete insi.

--Lucyin (copene) 27 di may 2019 a 14:41 (UTC)

prumî

Pol prononçaedje, dji n' sai vos, mins mi, dji n' såreu prononcî « El prumî ome » /ɛl pʀy.miː ɔm/, dji rsin k' i fåt-st ene sacwè po stoper l' ahiket. On pout bén seur eployî li r (come on l' pout lére dins Haust, prumî(r)) mins dji l' sin mî avou on yod (i m' shonne ki c' est l' mot ki vs avîz atåvlé so Berdelaedjes) : /ɛl pʀy.miːj‿ɔm/. Comint dirîz vos ? Reptilien.19831209BE1 (copene) 4 di djun 2019 a 18:59 (UTC)

Oyi, taiss. Mins ces mouyeyes (/j/) la ni si scrijhnut nén. Metans, po rmete e rfondou des tecses d' après Nameur avou «esse» = «yèsse»

i fårè co do tins por li yèsse on-ome... => por lu esse èn ome (dandjreus k' on va prononcî on /w/ d' loyaedje)

Po l' årdinwès «åk», nozôtes, c' est todi «yauk»; Adon:

t' as bouté po rén u po åk => dji mete on /j/ di loyance.

Les pepieus felerisses el sicrijhèt cobén: on ptit-y-ome

Dji n' a nén les pinses ki ces loyances la divèt esse metowes ene sadju (on n' a nén ritnou -y come lete di beloyance).

Mins si vos è vloz mete, on pôreut fé insi

** {{pzc}} *** {{dvC}} {{AFE|pʀy.miː}} *** {{dvV}} {{AFE|pʀy.miːj}}

--Lucyin (copene) 4 di djun 2019 a 19:24 (UTC)

« Mins ces mouyeyes la ni si scrijhnut nén. » Seur, èm kesse n' esteut k' pol prononçaedje. Reptilien.19831209BE1 (copene) 5 di djun 2019 a 05:55 (UTC)

asker

Bondjoû,

E decimbe 2018, Waelsch (Djôr Sfasie) a-st ahivé cisse pådje la, mins dji n' trouve ci mot la dins noû motî… Il aveut dins l' minme moes radjouté vaicite ki dj' a rtrové (si on pout dire) dins on estrait do fime Les Walons del Wisconsene so youtube, wice ki dj' ô bén /vesɪt/, et pacô /vesɪ/ . Adon dji pinséve eto rtrover asker dins onk des deus estraits, avou çti la, mins neni. Avoz ene pitite idêye d' ewou çk' il åreut polou prinde eç' mot la ? Reptilien.19831209BE1 (copene) 21 di djun 2019 a 16:41 (UTC)

oyi, c' est hazker; dji fwai les pådjes et les rcweraedjes totasteure. Metoz m' djusse les motîs ki vos avoz raguidé et k' li mot n' î est nén (sol modele Orto).

Tot ôte tchoi, si vs estoz co avår la dins ene grosse eure, dji vos dmandrè di reberweter on fitchî videyo (dji n' a nén on raloyaedje bon assez po l' tcherdjî comifåt. Il a sketé tocosté. Dji so ki l' eberwete sol waibe Pablo. (c' est m' prumî fitchî videyo ki dj' evoye so les Wiki). Dj' a stî enondé tot veyant so l' pådje des Cmons so l' arabe marokin li dierin purnea lomé: WIKITONGUES- Anass speaking Moroccan Arabic.webm.

--Lucyin (copene) 21 di djun 2019 a 17:00 (UTC)

Iva, djhoz mu cwè pol fitchî videyo, dji serè la, so les waibes wikimedia, disk' a 21H30.

Reptilien.19831209BE1 (copene) 21 di djun 2019 a 18:08 (UTC)

I divreut esse aberwetåve roci. Mins ça avize esse li minme rujhe: li fitchî s' a dandjreus splawné sol voye (mi, i passe normåldimint so m' djouweu d' videyo "Dragon"). Bawaite ! Si vos n' è savoz rén fé, dji waitrè d' trover ene ôte rexhowe. Merci d' avance.

--Lucyin (copene) 21 di djun 2019 a 18:21 (UTC)

Dji va taper èn ouy, mins dj' a-st aberweté so m'-n éndjole li fitchî ki vs avoz metou so les Cmons, et por mi i rote come i dvreut. Dji va cweri pus long. Reptilien.19831209BE1 (copene) 21 di djun 2019 a 18:25 (UTC)

Adon, si ça va por vos, c' est k' c' est m' betchteu les cåzes. Leyîz l' å resse (po ene bounete a Matî). Djel håynêye ciddé. Mins por mi, ça n' va todi nén.

--Lucyin (copene) 21 di djun 2019 a 18:43 (UTC)

Les deus fitchîs (so les Cmons et sol lodjoe da Pablo) ont l' minme siné MD5, çou ki vout dire ki c' est l' minme fitchî. Come el fitchî est tot l' minme di 180 Mo, cwand on clitche sol boton djouwer (Play) i fåt pacyinter 5 bounès munutes divant d' vey ene sacwè, mins i rote. Dji va sayî d' comprinde pocwè li ci so l' arabe marokin s' pout vey pus radmint. Reptilien.19831209BE1 (copene) 21 di djun 2019 a 18:46 (UTC)

Gråces co côps. Si ça va, ça va !

--Lucyin (copene) 21 di djun 2019 a 19:13 (UTC)

Po rivni å viebe hazker, gråces po les rahoucas. Dji n' el aveu nén trové dins C9 paski dji n' aveu k' el prumî eplaidaedje, mins dji vén d' vey k' el deujhinme eplaidaedje est asteure so Gallica vaici. Dji vén eto d' trover C5, mins dji n' a nén co C99 (nén åjhey a trover). Reptilien.19831209BE1 (copene) 21 di djun 2019 a 21:30 (UTC)

Gråces po C9, ki dj' a aberweté et pår rioisté dins nos lodjoes diccionairrece (si pa des côps Gallica åreut l' matchurea !).

Po C99, Chantal Denis (chantal.denis@hotmail.be) (a disfacer après côp) doet co awè des lives a vinde. C' est cåzu les minmès intrêyes ki C100 (Somme). Dji contéve ki Lorint Hendschel aveut-st avou l' fitchî éndjolike da Lucien Somme dinltins, mins couye berdouye ! Dji n' sai nén si les efants Somme ont wårdé ses documints éndjolikes (si bibioteke di lives papî, i les avént fotou sol rowe après s' moirt). Damadje, mins ces djins la n' avént nén l' tuzance do spårdaedje, tuzant todi a vinde do papî ki lzî rivneut tchir et vilin (50 € po on motî).

Mins po çou k' est del simpe egzistance d' on mot et si ortografeye (sorlon Lucien Léonard, mins ça n' a waire candjî dins S100 & S99), vos ploz ddja loukî dins l' motî d' rimes Linåd (metou lanawaire so les fyis pa Bernard Thiry, li novea bibiotekî des Relîs.

--Lucyin (copene) 22 d' djun 2019 a 12:31 (UTC)

hayon

On trouve håyon so Wiccionaire dins l' hagnon ortografeye po S117, mins hayon dins l' DTW. Li ké fåt i coridjî ? Reptilien.19831209BE1 (copene) 30 di djun 2019 a 06:29 (UTC)

dji sereu po on candjmint d' voyale (=> hayon).

C' et ki: divins l' parintêye di mots come «schåle» et «håye», gn a deus rîlêyes di parints: avou wårdaedje del longue voyale et avou candjmint d' voyale å => a (schåle => schayon, schalete <> schålî; håye => ehåyî, håyner <> hayon (!!! a-z aveuri)). Dj' a les pinses k' on aveut TODI rfondou avou "å", disk' å djoû di tchaire so les disfondowes di "schayon", la k' gn a nole longue voyale.

Dji va fé on ptit toû des motîs po vey cwè.

--Lucyin (copene) 30 di djun 2019 a 12:24 (UTC)

Oyi, tot a ddja bén stî rilevé so R10. Dj' aveu "rfondanti" "hâyon" => "håyon" so S117 a cåze del cogne di Bouyon "hâyon" (et l' disfondowe "hauye" po "håye"). Mins pol viyaedje des Hayons, li voyale esteut coûte, al fén do 20inme sieke, todi (dji n' l' a nén oyou mi-minme come kimon no). => pont d' rujhe e rfondou di prinde li voyale li pus lådje oyowe, dj' ô bén, li coûte => hayon.

--Lucyin (copene) 30 di djun 2019 a 13:22 (UTC)

i fåreut vey si l' cawete a-st a vey avou ces candjmints d' voyale la.

Po hayon eyet schayon c' est l' cawete -on po les deus...

Srtxg (copene)

gayole

Bondjoû, on rtrovreut cisse ortografeye la dins G207 (metou so Wiccionaire eyet dins l' DTW), mins dji nel voe nén dins l' djivêye des motîs. Reptilien.19831209BE1 (copene) 13 di djulete 2019 a 09:11 (UTC)

C' est ene flotche. c' est G217. Djel ricoridje.

--Lucyin (copene) 13 di djulete 2019 a 10:35 (UTC)

reyusse

C' est cwè l' sinsyince d' adviebe ki vos vlîz dner dins l' fråze da H. Haas metowe dins l' hagnon Addjectif-adviebe (addjectif eployî come adviebe) : « C'est des groûlmints, come des cis d' liyons, k'on schoûte reyusse et djus d'alinne » : d' ene manire reyusse (F. d'une manière attentive) ? Reptilien.19831209BE1 (copene) 21 di djulete 2019 a 07:23 (UTC)

tot estant sbaré. (dj' el mete e s' plaece)

--Lucyin (copene) 21 di djulete 2019 a 12:06 (UTC)

cre̊pet (croupet)

Li sene « e̊ » c' est do Feller ricandjî (po ké-n accint) ubén on scrijha fonetike ; eyet l' son c' est bén on chwa /ə/ ? Reptilien.19831209BE1 (copene) 22 d' djulete 2019 a 06:18 (UTC)

Djusse Ogusse. C' est eto l' ortografeye di C65; dji rmete G206 padrî; nén dandjî di fé pus spepieus, dowô ? U adon, metoz ene rimarke a voste idêye po dire ki, sol G206, c' est on scrijha fonetike.

--Lucyin (copene) 22 d' djulete 2019 a 17:52 (UTC)

Biesse di gregne, mi ! C' EST L' MINME SON (li chwa), mins scrît di 3 façons e Feller: ë (Lechanteur-Gaziaux C65 + gazete "Lë Sauvèrdia"); e̊ dins tos les Gaziaux; eu dins l' prumî atåvla Feller.

Nén simpe tot çoula, si ç' sene la est eployî dins tos les lives da Gaziaux, adon on l' poreut vey come on scrijhaedje ortografike, udonbén on s' poreut mete d' acoird po felerijhî tofer avou ë u eu (gn a-t i on deujhinme atåvla Feller pol chwa ?) : @Srtxg k' endè pinsez vs ? Ôte tchoi ki n' a rén a vey, c' est sbarant di vey k' el tite di C65 c' est « Lexique brabançon », adon k' el brabançon, linwincieusmint, est on diyaleke do neyerlandès, nén do walon. Dj' advene k' i fåt lére « Lexique du Brabant wallon ». Reptilien.19831209BE1 (copene) 23 d' djulete 2019 a 06:54 (UTC)

li vraiy sicrijhaedje en clintcheyès letes (=> +/- fonetike) dins l' ALW, c' est kre̊pè, la ki li /ɛ/ est scrît «è»; po l' ALW, dji croe ki l' sene «ɛ» c' est po èn ôte son, mins dji va aveuri.

Por mi, li scrijha e̊, c' est eto on sene ortografike, poy k' il est eployî dins, al boune, ene cwénzinne di motîs (les Gaziaux DIVANT C65). On l' pout fé otomaticmint dins l' DTW avou les tapes e + °, ki s' shuvnut.

Avou ça ki, dins l' ALW 1, gn a co des dzo-categoreyes do chwa (dji vos evoye ene copeye pa emile). Metans, dins l' payis d' ersè, inte Anloe, Ôtchamp et Bouyon, li scrijha fonetike candje (dji saye di rtrover ene pådje d' egzimpe).

Houte di tot çoula, li scrijha dins les noveas ALW n' est nén l' minme ki dins les vîs (siervaedje do scrijha e̊, metans).

Ene troye n' î rtrouvreut nén ses djonnes.

Mins des sûtis come nozôtes, bén !!!!!

--Lucyin (copene) 23 d' djulete 2019 a 11:09 (UTC)

Por mi, s' i fåt felerijhî, ça sereut ë (c' est çou k' est l' pus coranmint eployî, pa les cis ki vlèt vormint noter ç' son la, po scrire des vraiys tecses (foû des diccionaires).

Mins dins l' hagnon ortografeyes, on pout bén wårder e̊ sins mezåjhe del riscrire avou ë a costé. C' est on sene Feller, nén foirt sipårdou mins k' est eployî pa sacwants oteurs.

Po çou k' est di "lexique brabançon" c' est nén fås, mins c' est nén nerén on lomaedje corant, la k' e walon on dit purade "Roman Payis".

Srtxg (copene)

Iva po vey d' on bon ouy li sene e̊ come do Feller ricandjî, mins dj' a waitî dins C103, ki dj' a-st acaté lanawaire, et on trouve eto ē (U+0113, on e avou 'ne bare padzeu, lomêye macron, po on é /e/ mins pus drovrou, ké sene e-n AFE, /e̞/ ?), metans, p. 23, § 22 : « dje̊ m’ va d’ner one fortchîye de̊ fourēye ô tch’fô ». Adon, el fåt i vey eto come scrijha ortografike ? El fåt i felerijhî é ? Reptilien.19831209BE1 (copene) 25 di djulete 2019 a 05:05 (UTC)

Por mi, li son scrît ē pa Gaziaux = li son scrît ë pa Gilliard (C106) (prandjëre) = li son scrît ê (e clintcheyès letes dins on tecse droet) pa Remacle (dins ses scrijhaedjes di belès-letes) = li son scrît "in" pa Mimile Petcheur e Bork (ivyinr, tinre#Walon-Feller (tere), cyinr), et ē/ā pa Marchot (S38).

C' est tot bounmint èn accint coinrece do son ê. Mins, come on l' ritrove dins toplin des coines diferinnes, dins des sôres di mots a pårt po tchaeke coine, ci n' est nén les minmès sôres d' ortografeye e rfondou.

Dins l' Wiccionaire, asteure, djel note æː (mins on pout prinde ôte tchoi).

El vloz schoûter ? /ba.ˈtæː/  ^{aschoûtez lu}

Vla l' diferince avou on "ê" "normå" /lɛ.ˈsɛː/  ^{aschoûtez lu}, /lɛ.ˈsæː/  ^{aschoûtez lu}

--Lucyin (copene) 25 di djulete 2019 a 17:09 (UTC)

I m' shonnéve bén k' on aveut ddja dvisé sol sene æ, k' est on son etur /ɛ/ et /a/ (loukîz l' diyagrame po les voyales). Dji n' a nén co léjhou C106, mins dins C103 on pout lére k' el sene ē est on « son moyen assez long, plus ouvert que é », et come Gaziaux eploye eto li sene è si c' esteut /æ/ (ki poreut daler po S38, ē/ā, pinse dju), il aureut dvou dire « plus ouvert que è ». Dji pinséve ki c' esteut /ɜ/, mins asteure dji pinse purade a /ɘ/. Eto, po /lɛ.ˈsɛː/  ^{aschoûtez lu}, mi dj' etind bén on /ɛ/ pol prumîre voyale, mins nén pol deujhinme, ki rshonne å fameu son inte /e/ et /ɛ/. I nos fåreut on specialisse di l' AFE. Reptilien.19831209BE1 (copene) 25 di djulete 2019 a 18:47 (UTC)

Li prononçaedje di "lècê" pa cisse djin la n' est nén des meyeus po-z ôre li son /ɛː/ (ele mete l' accint tonike sol prumî pî, ca ele li djha djusse après si ome k' a l' disfondowe «lacê», tot vlant mostrer ki l' prumî pî n' est nén l' minme).

Vola on prononçaedje mî rindou do scrijha «ê» di «lacê» ki divreut esse /ɛː/, dowô ?

/la.ˈsɛː/  ^{aschoûtez lu}

Dji vou bén scrire /ɘ/ pol prononçaedje del Hôte Årdene (estô di /æː/ lanawaire, et /ɛ̃/ dinltins).

Dji va motoit dmander si avizance a Philippe Boula de Mareüil (on a scrît on sincieus papî eshonne so les 15 prumîs ponts walons do Djåzant atlasse éndjolike des lingaedjes di France et d' avår la. Ladvins, a Oufalijhe, gn a mi "scolî" Leyon Toumas ki dj' eredjistere si prononçaedje do «ê»).

Loukîz a : bete di dvizes sol son scrît ē dins les Gaziaux

quiproquo

Si vs av ene miete di tins a touwer, gn a on novea uzeu Djréal so Berdelaedje ki dmande si bou-po-vatche poreut daler po quiproquo. I dit eto aveur atåvlé ci mot la dins ene bate di noûmots (2018 u 2019). Reptilien.19831209BE1 (copene) 22 d' djulete 2019 a 08:40 (UTC)

Fwait. C' est l' ocåzion di fé l' sourdant Sourdant:G101

--Lucyin (copene) 22 d' djulete 2019 a 17:47 (UTC)

Dji n' sai nén si c' est foirt målåjhey por vos, mins ci sereut clapant di rmete eshonne tos les dossîs k' ont stî atåvlés so les 5 anêyes del bate. Bate_di_noûmots_del_Fiesse_ås_lingaedjes_walons (pu: Hårdêyes_difoûtrinnes (po 2018, tertos & 2019, po les cis k' dj' a yeu des copeyes, dj' a ddja fwait on fitchî unike di cogne .html). On pôreut dmander a Djéral ses ôtes atåvlas + ses fråzes.

--Lucyin (copene) 22 d' djulete 2019 a 18:32 (UTC)

"Wilicom"

Merci Lucyin ! Dji n' kinoxheu nén l' mot "wilicom" mins dji sé k' i gn a bråmint des mots tîxhons e walon do Levant (et dji so d' Lidje). Ca torade !

defectif

Cist addjectif la est scrît troes côps dins l' årtike w:Codjowaedjes Gilliard. Fåt i l' erprinde so wiccionaire, metans po l' viebe poleur (pont d' kimandeu), u co po tos les viebes sins djin, come ploure, faleur,... u bén fåt i prinde on mot bén da nozôtes, come viebe difåtiveus, u prinde èn addjectivire come viebe nén complet u dji n' sai cwè d' ôte ? Reptilien.19831209BE1 (copene) 30 d' awousse 2019 a 10:12 (UTC)

Dji vôte a 200 åcint po difåtiveus. Djel mete sol DTW. Gn a cåzu nol addjectif walon avou l' cawete -if (såf «raezif»).

Gn a eto «djére» (fr. «gésir», cåzu todi dins l' codjowa «gît»), ki vént d' esse reployî dins l' Payis d' Tchålerwè.

--Lucyin (copene) 30 d' awousse 2019 a 11:40 (UTC)

golzå

Si l' mot nos vént do neyerlandès koolzaad, nel fåreut i sicrire purade avou on c k' avou l' vuzlaedje (tipike di Lidje) ? Reptilien.19831209BE1 (copene) 31 d' awousse 2019 a 09:40 (UTC)

Dins les «rîles» (ni soeyans nén grandiveus, dijhans purade les «adujhances») do rfondaedje, l' etimolodjeye ni conte waire, ki après aveur tuzé, pa ôre:

• siervi on betchfessî scrijha (cial, li rîle va pol coron «au <> a»)
• li rîle del pus lådje oyowe [forme majoritaire]: cial, pol prumire cossoune, c' est l' «g» (golzå [E1,E170,R9]; golzau [C1,C60,C99,C100,C106]; golzô [C56,C65,O0]; golza [C8,E1,E212,E212b,O0,O3,O69,O90]; colzå [E1,E170,S117]; colzau [S17]; colza [E21,E170])
• li rîle del cogne li pus tipike (dj' ô bén, li pus diferinne do francès). On nd a nén dandjî roci, puski li pus lådje oyowe est ddja diferinne.

Adon fåt leyî «golzå» (lomé eto «navete»).

--Lucyin (copene) 31 d' awousse 2019 a 10:08 (UTC)

Co åk: dins l' etimolodjeye do francès, gn a ddja on mîtrin francès «colzat», pus seulmint, pus vî k' çoula, li bodje neyerlandès ki vos djhoz. El Walonreye, li coûtivaedje a stî oblidjî pås Almands tins des deus gueres do 20inme sieke, po fé d' l' ôle (C56 p. 280).

Dins E203, «golzâ» est l' disfondowe po «gozåd». Est ç' ci mot vijhén la k' åreut assaetchî li passaedje a «G»? Dji n' vos è dire rén.

DEDJA avou «G» dins E212 (1783) !!!

--Lucyin (copene) 31 d' awousse 2019 a 10:32 (UTC)

tenawete

Gn a-t i on boket d' esplicaedje dvins l' ALW po l' etimolodjeye d' èç mot ci ? Reptilien.19831209BE1 (copene) 2 d' setimbe 2019 a 09:57 (UTC)

Neni, i revoye å live Haust so l' etimolodjeye do walon (p. 238-240), mins ki dj' n' l' a nén. I revoye eto a Bruneau (G152) mins sol hagnon 1316 (tôme II), dji n' a nole esplikêye etimolodjike (djusse 2 ponts). Come li mot n' est ni dins S0, ni dins E1 u E212b, on a ça wice ki les gurnouyes divrént awè leu cawe !!!

Les disfondowes tanavite (ki dji vén d' discovri) pôrént voleur dire «tot e-n a-vite», a môde di «tot e-n on côp» (foirt raddimint, sins prinde li tins di dmorer). Pu v => w (come «vexhåd» => wihâ; vacha => waxhea; eyet: -ite => (erîlêymint) -ete, a môde d' ene fåsse cawete. Mins dji di ça et dji n' di rén.

Loukîz ene miete si Haust-étymolodjeye n' a nén stî metou so les fyis (il est foû abondroets, asteure).

--Lucyin (copene) 2 d' setimbe 2019 a 10:27 (UTC)

Dji va sayî d' trover çoula. D' èm costé, come djel di sol pådje Copene:tenawete, djel veyeu « tot èn-awête » (tot e-n awaite)... mins ça n' esplike nén les disfondowes -vite, pinse dju. Reptilien.19831209BE1 (copene) 2 d' setimbe 2019 a 21:00 (UTC)

waxhelmint

Bodje waxhea. Nén co dins l' DTW.

C'est bén po :

• wahilmint : JKlc (Li Marlacha)
• wahulmin = E203
• wahielmin = E203
• wahul’mint : E1
• wahièl’mint : E1
• vahul’mint : E1
• vahièl’mint : E1

? Reptilien.19831209BE1 (copene) 9 di setimbe 2019 a 08:16 (UTC)

waxhelmint. Dins l' parintêye, li cawete -ea divént erîlêymint -el- (Cawete_-ea).

--Lucyin (copene) 9 di setimbe 2019 a 10:42 (UTC)

Community Insights Survey

Share your experience in this survey

Hi Lucyin/Egurniyaedjes 2019,

The Wikimedia Foundation is asking for your feedback in a survey about your experience with Wiccionaire and Wikimedia. The purpose of this survey is to learn how well the Foundation is supporting your work on wiki and how we can change or improve things in the future. The opinions you share will directly affect the current and future work of the Wikimedia Foundation.

Please take 15 to 25 minutes to give your feedback through this survey. It is available in various languages.

This survey is hosted by a third-party and governed by this privacy statement (in English).

Find more information about this project. Email us if you have any questions, or if you don't want to receive future messages about taking this survey.

Sincerely,

RMaung (WMF) 9 di setimbe 2019 a 14:34 (UTC)

harloxhî

Dins l' DTW. Nén simpe di comprinde pocwè avou on h a l' atake eyet l' betchfessî xh. C' est l' veur k' on trouve dins l' Lexique des littératures dialectales du Hainaut (pont d' rahouca ?) l' ortografeye avou on h : (h)arlocher [ aprume pol cogne picåde ? ] et ki s' poreut ritrover etimolodjicmint come dins hosler u hoster (francike *hottisôn), mins tos les motîs walons nel metnut nén : arlochî. Pol betchfessî xh, i m' shonne k' eç mot la ni s' ertrouve k' el coûtchant walon, e lidjwès gn a on mot foirt près etimodjicmint barloker, pinse-dju. Reptilien.19831209BE1 (copene) 11 di setimbe 2019 a 19:30 (UTC)

Vos avoz bén råjhon po cweri l' etimolodjeye do costé do Coûtchant walon. Vola ddja ene tchoke ki, dins m' tiesse, dji tuze ki ça pôreut esse on calcaedje do picård, avou ochî = fr. hocher = wa hossî; ar- = betchete er- = ri-, avou ene ristitchete -l- po ristoper l' ahiket (come a- + oder => anoder). Mins n' a nén l' air ki dji l' a scrît ene sadju. Djel rifond come çoula. On voerè bén cwè après côp.

--Lucyin (copene) 11 di setimbe 2019 a 21:29 (UTC)

Adon, fåt ki dj' våye vey si l' parintêye ki dj' a metou so l' esplicant motî d' Wikipedia est bén dassene. Gn a ddja l' rapoirt avou «harlake» ki n' va nén (dins tos les cas, ça n' a rén a vey avou on minme tayon-bodje). (C' est on rfondaedje foirt vî, cwand on n' esteut nén co rsouwés padrî les orayes).

--Lucyin (copene) 11 di setimbe 2019 a 21:47 (UTC)

Dins G0, t. 1, p. 267, a « halcoter », on pout lére ki hal (come dins halcrosse, evnd.) est l' minme ki hol (RIF), eyet har e picård (harlocher). Adon, ci sereut bén avou on h kel fåreut sicrire. Reptilien.19831209BE1 (copene) 11 di setimbe 2019 a 21:57 (UTC)

Li scrijhaedje avou H est astocåve åd triviè d' ortografeyes k' egzistèt ddja, mins come i n' est prononcî nene pårt, on l' pôreut målåjheymint rprinde dins les mots avou on H prumrece. Mins dji voe k' on l' a bén fwait po Hinne (l' aiwe), mins la gn a dpus d' "prouves" etimolodjikes. A nozôtes di vey. Dji dmande a Pablo (so Berdelaedjes) et a des ôtes rifondeus.

--Lucyin (copene) 11 di setimbe 2019 a 22:25 (UTC)

Li Lexique des littératures dialectales du Hainaut est interessant, mins c' est purade po fé on DTP (diccionaire di tot l' picård). Pol walon, dji n' voe ki les rahoucas dedja dins O0 et O4. Djel mete come PiB4 sol djivêye des motîs do picård

--Lucyin (copene) 11 di setimbe 2019 a 22:13 (UTC)

djine

Come dji n' a nén co l' live C199, porîz m' dire si « djîns´ » est metou å singulî ou å pluriyal ? Eto, pocwè C199 si c' est on motî d' Lidje : « Mes mille premiers mots en wallon liégeois » ; ça n' divreut nén esse Exxx ? Reptilien.19831209BE1 (copene) 12 di setimbe 2019 a 15:13 (UTC)

Oyi, c' est on pluriyal (lès djîns´). Mins ci sereut parey å singulî (Transene: il è mètu in djin´s´ trawé). Minme shuvion dins in yan´s´

Neni ! Li C199, c' est l' ci d' après Nameur (purade Nametche) (c' est l' prumî k' dj' a atchté) li ci d' Lidje, c' est E199; li ci d' Tchålerwè, O199, li ci del Basse Årdene, S199. Loukîz cial; (les 4 sont dedja dins l' djivêye des motîs). Gnè divreut awè eto onk d' après Chevri (WP199 ?).

--Lucyin (copene) 12 di setimbe 2019 a 18:24 (UTC)

A, dji voe, mins adon l' tite n' est nén bon dins l' djivêye des motîs : po C199 il est scrît « Mes mille premiers mots en wallon liégeois », tandis k’ po O199 il est bén scrît « Mes mille premiers mots en wallon occidental » ; S199 « Mes mille premiers mots en wallon méridional ». Reptilien.19831209BE1 (copene) 12 di setimbe 2019 a 21:29 (UTC)

Mande escuzes ! C' est todi come ça cwand on fwait do copyî-plaker al varade. Dji coridjrè dmwin.

--Lucyin (copene) 13 di setimbe 2019 a 17:38 (UTC)

ålwetrin

Noûmot trové dins -rin, eyet dins R9 dins l' betchfessî å. L' etcherpetaedje c'est bén l' sipotchî bodje ålouwete + -rin (« près dl ålouwete »), nén l' oujhea mins l' pitit boket d' pea dins l' fond del boke ki sieve a rén. On mot d' linwincieus :

• ålwetrin : F. vélaire, postérieure, situé au niveau du palais mou
• /k/ est ene cossoune ålwetrinne ; /o/ eyet /ɔ/ sont des voyales ålwetrinnes

Dj'a tot djusse, mwaisse ? Reptilien.19831209BE1 (copene) 19 di setimbe 2019 a 18:47 (UTC)

10/10 et les tchacaedjes di mwin do djuri. Cwand dj' a fwait l' noûmot (1995-96), dji contéve fé ene diferince inte ålwete (li ptit boket d' frexhe pea do fond del boke, gråces pol definixha) et ålouwete (l' oujhea). Dj' a trové li spotchaedje dins S38 (Marchot) aulwate hagnons 88 & 116 [ålwete] + [ålouwete] (luette + alouette), et dji l' a rprins come "rifondante" (ålwète) dins S117. Dji metreu voltî di l' adire inte ces deus mots la. Dji radjoute les dnêyes sol DTW, et fé on djermon avou les fråzes S117 cial. A nozôtes di vey cwè.

--Lucyin (copene) 19 di setimbe 2019 a 21:47 (UTC)

Reminder: Community Insights Survey

Share your experience in this survey

Hi Lucyin/Egurniyaedjes 2019,

A couple of weeks ago, we invited you to take the Community Insights Survey. It is the Wikimedia Foundation’s annual survey of our global communities. We want to learn how well we support your work on wiki. We are 10% towards our goal for participation. If you have not already taken the survey, you can help us reach our goal! Your voice matters to us.

Please take 15 to 25 minutes to give your feedback through this survey. It is available in various languages.

This survey is hosted by a third-party and governed by this privacy statement (in English).

Find more information about this project. Email us if you have any questions, or if you don't want to receive future messages about taking this survey.

Sincerely,

RMaung (WMF) 20 d' setimbe 2019 a 19:14 (UTC)

conveke

El fåreut i scrire avou ou sins e å coron : come seke, ceke, u bén come corek, direk, grek. Dji sai ki c' est ene målåjheye kesse, mins come vos estoz l' mia plaecî po tchoezi… Gn a-t i des mots avou on moya k å coron ? Reptilien.19831209BE1 (copene) 21 di setimbe 2019 a 15:14 (UTC)

El våt mî scrire avou on E å coron, poy k' i gn a onk e francès. Dins corek, direk, grek, end a pont.

--Lucyin (copene) 21 di setimbe 2019 a 18:50 (UTC)

loupe

Dj' a radjouté l' sustantif 2 sol modêye di çou k' on rtrouve dins l' DTW. Mins come on trouve eto l' cogne -ve/-fe (a Lîdje et Nameur) et ki gn a des parintaedjes fwaits so cisse cogne la, metans dins E1 (avou asmilaedje) : loufter (a n' nén maxhî avou lofter), louftèdje, louftå(de), dji mi dmande si n' fåreut nén prinde louve come rifondowe (tot come on-z a prindou tåve, adon ki gn a des disfondowes avou -be /p/). Mins d' èn ôte costé, come loupe shût l' minme soudant etimolodjike ki lepe… Notez, e francès eto gn a cisse diferince la lippe <> lèvre. Reptilien.19831209BE1 (copene) 22 d' setimbe 2019 a 18:10 (UTC)

L' idêye di wårder l' cossoune do bodje et prononçî sorlon les regues di l' assimilaedje, c' est cisse-lale k' a stî ritnowe sol Wiccionaire (havter, mouvter /hafte/ /mufte/). Vos ploz rcandjî po les parints di "louve / love" => lovter. Djusse, si l' tayon-bodje n' est nén cnoxhou e walon, dji wådreu li scrijhaedje come li prononçaedje, come dins skifter (esquiver francès n' est nén cnoxhou e walon).

Pol prezintaedje del pådje, våt mi shuve li manire do Wiccionaire walon: Etimolodjeye 1 / Etimolodjeye 2. Dji n' wåde Sustantif 1 / Sustantif 2 ki cwand c' est dins l' minme etimolodjeye (foye).

Dj' årè bråmint moens li tins po bouter sol Wiccionaire ces tins ci. Dji so e "dmey condjî éndjolike" sins raloyaedje e m' måjhon, disk' après l' Tossint. Mins dji so coirzenoxh el Walonreye. Si vos estoz dins l' cotoû, on pôreut motoit boere ene cråsse pinte - u on crås cafè - eshonne.

--Lucyin (copene) 23 d' setimbe 2019 a 07:45 (UTC)

Dji voe k' di n' a nén respondou (dj' a lî al varade; si contéve dju ki c' esteut des parints di "leu" / lovresse k' i s' adjixheut). Dj' a retcherpinté avou les deus etimolodjeyes; por mi, c' est pus clair.

Proficiate po les novelès ahesses po dner ké sinse est dins on metou motî.

Po loupe/louve, dji so neute. Fåreut mete çoula so les Berdelaedjes et vey a on raploû. Mins gn a on pû: si on prind l' V, li OU dvént long, («rîle Mahin»; fåt bén ki dj' disfinde mi efant !), çou ki n' est nén l' cas. => loupe 2

--Lucyin (copene) 24 di setimbe 2019 a 20:20 (UTC)

Asteure ki dj' a recråxhî l' etimolodjeye, i m' shonne ki våreut mî fé des dobès rfondowes : loupe/loufe, di minme sourant etimolodjike mins nén ttafwait, li vî francès eto a deus mots : lope, lepe, lipe = nosse loupe ; lofa, louffe = nosse louv/fe ; mins fåreut i prinde avou v ou f => avou f sorlon li FEW si s' ertrouve dins tos (?) les lingaedjes d' oyi. Reptilien.19831209BE1 (copene) 25 di setimbe 2019 a 05:53 (UTC)

Dacoird po ene dobe rifondowe, mins prindans "f", copurade pol kesse del longueur del voyale /u/.

--Lucyin (copene) 25 di setimbe 2019 a 06:21 (UTC)

Tot conté tot rabatou, si tot les egzimpes sont pol seule ratourneure "fé s' ---, fé l' ---" (adon-pwis, les motîs si rcopyî n' onk l' ôte po on definixha antomike), on l' pôreut rmete biesmint avou "lepe", la k' dj' a ddja sovint léjhou "fé s' lepe".

Mins dji voe k' i gn a des egzimpes pol sinse antomike (O4)...

--Lucyin (copene) 29 di setimbe 2019 a 09:57 (UTC)

Rabiyaedje do Wiccionaire

Djusse on ptit messaedje al varade po vs dire ki dj' a cmincî a dner on ptit côp d' djonne (on radjonnixhaedje) å Wiccionaire pol mete å gosse d' ouy. Dj' a cmincî avou les tites des hagnons et la dji boute vaici so 'ne novele pådje di bénvnowe. Si vs avoz des ptitès idêyes u rimåkes… Reptilien.19831209BE1 (copene) 27 di setimbe 2019 a 08:08 (UTC)

Merci bén po tot çou ki vos adjinçnez la.

--Lucyin (copene) 29 di setimbe 2019 a 09:40 (UTC)

emoroyites

C'est come çoula k' vos l' avoz scrît e 2016, come sinonimeye a brokes eyet so Wikipedia a Brokes (maladeye). Mins dins FR13 c'est avou on w, tot come dins les ôtes motîs, apus ki dins E203, avou on yod. A mete come vîye rifondowe ? Reptilien.19831209BE1 (copene) 27 di setimbe 2019 a 21:28 (UTC)

P.S. so berdelaedje : Ricoridjrece Tchaptrê 23 (e 2009)

Po des sfwaits mots on pout tchoezi inte "y" eyet "w". Avou "y", c' est l' prononçaedje ki dj' a-st oyou (rimetou so S117 a "yêbe ås emoriyides" (avou D, cial), mins so S107, sins ristopaedje di l' ahiket (êrbe ôs-èmoro.ides).

Pol dierinne cossoune (D u T), li kesse est pus målåjheye. Avou "T", e rfondou, li voyale serè coûte. Avou "D" ele sereut longue. Après nozôtes, c' est todi court (èmoroyite, ofansife). Mins dji sai bén k' a des plaeces k' i gn a c' est long. (ofinsîfe); mins n' est ç' nén la on rfrancijhaedje ? Cwand gn a nole parintêye bén walone, dj' åreu ptchî di wårder les dvuzlêyès cossounes (T, F...). Mins ofinsive dedja la.

Po emoroyite, come ça a dmoré on moumint sol Wikipedia, et k' c' est dins Vera, oyi, on l' pout mete come viye rifondowe.

--Lucyin (copene) 29 di setimbe 2019 a 09:52 (UTC)

Reminder: Community Insights Survey

Share your experience in this survey

Hi Lucyin/Egurniyaedjes 2019,

There are only a few weeks left to take the Community Insights Survey! We are 30% towards our goal for participation. If you have not already taken the survey, you can help us reach our goal! With this poll, the Wikimedia Foundation gathers feedback on how well we support your work on wiki. It only takes 15-25 minutes to complete, and it has a direct impact on the support we provide.

Please take 15 to 25 minutes to give your feedback through this survey. It is available in various languages.

This survey is hosted by a third-party and governed by this privacy statement (in English).

Find more information about this project. Email us if you have any questions, or if you don't want to receive future messages about taking this survey.

Sincerely,

RMaung (WMF) 4 d' octôbe 2019 a 17:04 (UTC)

Licince del gazete Li Rantoele

Vey Sujet:Uyvrtthtd9cnkq80.

Logo do Wiccionaire

Logo do Wiccionaire divant 2012 ?

Po l' istwere di nosse bea pordjet... Dj' a trové cisse imådje (a droete) la so les Cmons, vos vs sovnoz s' elle a stî eployeye come logo do site divant 2012 ? Reptilien.19831209BE1 (copene) 8 di nôvimbe 2019 a 17:11 (UTC)

Oyi, dj' a les pinses ki dj' l' a fwait (u purade, dji l' a fwait fé a on soçon stadjaire, avou l' cene del Rantoele et di l' Aberteke) e moes d' setimbe 2009, po mete les novelistés do (tot novea) Wiccionaire so ene waibe k' aveut replaecî l' Aberteke k' esteut djus di ç' trevén la.

--Lucyin (copene) 9 di nôvimbe 2019 a 12:44 (UTC)

Douwård / Edwård

Come on trouve des disfondowes avou et sins e, dji sreu po fé ene dobe rifondowe, k' endè pinsez ? Reptilien.19831209BE1 (copene) 8 di nôvimbe 2019 a 19:36 (UTC)

A, eto, on trouve Dadard dins S0, raptitixha. Fåt i l' escrire avou l' betchfessî å, po coler avou Douwård/Edwård ? Reptilien.19831209BE1 (copene) 8 di nôvimbe 2019 a 19:38 (UTC)

Po les nos d' djin, c' est purade des sbetchaedjes: Ed(ou)wård => Douwård; u des dodobes mots: «Dådård». Ci dierin mot la avou des longs A. Li shuvion -wâ- (metans dins les disfondowes do betchfessî oi) est todi court après Bastogne. Por mi, 3 intrêyes sol Wiccionaire.

Metans, si on vout fé parey po «Elizabete» (1) Sbetchaedje: «Lisbete»; (2) Scawaedjes: Eliza; (3) sbetchaedje + escawaedje: «Liza»; dodobe mot: «Bebete». Gn a co kécfeye des ôtes.

--Lucyin (copene) 9 di nôvimbe 2019 a 12:52 (UTC)

dodobe mot / radoblaedje : gn a-t i por vos ene diferince inte les mots come: Mimile, Dådård, Lolote,… u co cacaye, cacawe, eyet les cis come wikiwiki ? Dins kéne categoreye fåreut i mete ces mots la : Dodobes mots do walon, Radoblaedjes do walon ? Reptilien.19831209BE1 (copene) 10 di nôvimbe 2019 a 09:38 (UTC)

dodobes mots do walon. End a des banslêyes (tetene, kekene, Tetel, Titine, Tintin, Bebert). Diferin del ridoblete k' est èn esplicant repetaedje (sovint avou on mot pus francès). Lidjwès: c' est facile-åhèy.

--Lucyin (copene) 11 di nôvimbe 2019 a 12:54 (UTC)

« -aeje »

Dins R9, deus côps vos av sicrît « speciålijhaeje » (speciålijhaedje zero côp), a « Årdinoes » et « Lidjoes », et deus côps « ridaeje » (ridaedje 18 côps), a « caloneu » et « calonî ». Minme si dji n' a nole dote, i nos l' fåt scrire ene sadju, on-z est bén d' acoird ki c' est des ptitès flotches : ki « -aeje » n' a måy sitî ene viye rifondowe di « -aedje » ? Reptilien.19831209BE1 (copene) 9 di nôvimbe 2019 a 10:23 (UTC)

Taiss k' oyi. On s' trompe bén sins boere. Mins puvite dimander å Pablo di rcoridjî so R9 (n' a k' lu k' a l' mwin po çoula).

--Lucyin (copene) 9 di nôvimbe 2019 a 12:55 (UTC)

Asmilaedje -tia (-tea) ?

D' èm costé dj' ô sovint ci coron la prononcî /t͡ʃja/ u /t͡ʃa/ : ârtia /aːʀ.ˈt͡ʃja/, mârtia /maːʀ.ˈt͡ʃja/,… come e francès dj' ô sovint tiens prononcî /t͡ʃjɛ̃/ u /t͡ʃɛ̃/. Dji n' sai nén si c' est on asmilaedje... Reptilien.19831209BE1 (copene) 1î d' decimbe 2019 a 11:17 (UTC)

oyi, c' est mo corant. Francard (S0) li fwait minme passer dins l' ortografeye (tièsse => tchèsse, diâle => djâle). Dji l' åreu yeu seur sicrît insi dins mes prumîs scrijhaedjes, mins dj' a stî rcoridjî pa Lucien Léonard. Ca zels, a Nameur, i deynut bén /djɛ/ (dyè); /tjɛs/ (tyèsse), evnd. On a rfondou sins «asmiler». => prononçaedje zero-cnoxheu avou /tja/, /tjɛ/…

Mins dji n' a nén oyou /ʧja/ tch + y +a. Dji frè atincion cwand dj' ôrè des tchålerwetîs cåzer u tchanter.

Dji n' sai nén si cist aclapaedje di sons la si pout lomer «asmilaedje»; fåreut dmander a on linwincieus.

Gn a eto ene sacwè d' drole. Sacwants Walons vont fé on forcoridjaedje des vrais /ʤ/ k' i vont prononc$i cåzu /dj/. Bob Dechamp cwand i tchante li tchanson Mardjo_(tchanson) prononce /maːʀdjɔ/, motoit minme /maːʀjɔ/ come honteus di fé ôre li son /ʤ/.

Tot djåzant do mot "assimilaedje", vloz k' on l' sipotche cial Assimilaedje di lete ?

https://berdelaedje.walon.org/viewtopic.php?t=2351

--Lucyin (copene) 2 d' decimbe 2019 a 16:06 (UTC)

Egzimpe di prononçaedje /ʧa/ po «mantea»: cåzeu d' Vireu-Molén (Walonreye di France)

--Lucyin (copene) 2 d' decimbe 2019 a 16:35 (UTC)

Vos avoz råjhon pol prononçaedje /ʧja/ (tchya): ALW 4 p. 122 po "mantea di tchminêye " = djivå (a Tchô.

--Lucyin (copene) 4 di decimbe 2019 a 16:35 (UTC)

bleuwåsse / bleuwisse

Coleur ki saetche sol bleu. Dobès rfondowes sol DTW, si dj' comprind bén, mins vaici on trouve bluwåsse come rifondowe. On shût l' DTW ? Reptilien.19831209BE1 (copene) 7 di decimbe 2019 a 08:47 (UTC)

dji vén di fé on fyi so Berdelaedje po dmander di tot rfonde avou -u-. https://berdelaedje.walon.org/viewtopic.php?t=2354

Li sudjet n' a måy sitî studyî.

Dj' a metou totes les dobès cognes sol DTW. Roci, si vos fjhoz des intrêyes, metoz les mwaissès cognes avou -u-, et les ôtes, avou -eu-, come viyès rfondowes. On rcandjrè après s' i fåt.

"bluwisse", "bluwåsse", "bluwete" polèt esse loukîz come des sinonimes, ca les cawetes sont diferinnes. On årè ça avou des ôtes coleurs (blancåsse / blankinasse).

--Lucyin (copene) 7 di decimbe 2019 a 17:08 (UTC)

golafe

Estoz seur ki c' est on mot tîxhon, et nén latén : gŭla, come on l' pout lére divins E1 ? Eto, come golafe est l' rifondowe di galafe et ga(r)loufe, k' a l' viebe galafer = garlo(u)fer, dji sreu puvite a pinser ki golafe est l' aplacaedje di « gol- » eyet « lofer » avon on candjmint a/o. Et come lofå (E1) est on sinonime di golafe et ki lofer est ene variante di laper… ça m' shonne ttossu probåbe, neni ? Reptilien.19831209BE1 (copene) 21 di decimbe 2019 a 09:14 (UTC)

Vos djhoz bén; dji n' di nén ki c' est on mot di sourdant tîxhon MINS èn aplacaedje tîxhon, dj' ô bén, li diterminant divant l' diterminé; lapeu (diterminé) a plinne gueuye (diterminant). Louis Remacle lome çoula «t't», çou k' est co pus brouyî [opaque].

--Lucyin (copene) 21 di decimbe 2019 a 11:51 (UTC)

A, scrît come çoula, mi dji pinseu ki c' esteut èn aplacaedje di deus mots tîxhons. Comint ratoûnrîz « aplacaedje tîxhon » e francès : « mot composé de forme germanique » ? Reptilien.19831209BE1 (copene) 22 d' decimbe 2019 a 08:30 (UTC)

Dji n' sai nén s' i gn a ene alomåcion "oficire". Dji metreu "mot composé déterminant-déterminé". C' est l' aplacaedje tîxhon, mins motoit eto grek (tos les mots sincieus avou -lodjeye rotèt inla). Dji loucrè dmwin dins l' Rimåke kimint k' i dit, a pårt «t't».

--Lucyin (copene) 22 d' decimbe 2019 a 11:53 (UTC)

Tôme I p. 88-89. antéposition du complément déterminatif; ordre t't; type «déterminant + déterminé». Li rujhe, c' est k' i n' diswalpêye nén ene atuze ki ci mot la pout esse on djivion, come mot d' aplacaedje. Adon, dji n' sai nén kimint trover les ki-pôrént-esse [potentiels] loyéns eterwikis.

--Lucyin (copene) 24 di decimbe 2019 a 10:39 (UTC)

Tot rtuzant, "golafe" pôreut esse ossu bodje gole + cawete -asse => -axhe (riwalnijhaedje normå) => -afe (ridaedje xh / f, come dins ouxh => ouf, rixhorbi => riforbi). Ciste idêye la est pus simpe.

Po les cognes avou «a» e prumî pî, raguidez a-divnance; on l' pôreut rfonde insi (galafe) si on n' trove vormint pont d' disfondowe avou o/ou.

--Lucyin (copene) 24 di decimbe 2019 a 10:41 (UTC)

... Et l' cawete -axhe (-asse > -afe) esplikreut l' disfondowe galoufe eyet l' viebe garlo(u)fer ? Grandgagnage racuzene galafe avou l' gayelike galabhas, k' a dné eto galbå (E1 ; G0 : galbâ). Reptilien.19831209BE1 (copene) 25 di decimbe 2019 a 09:45 (UTC)

On rmonte todi a on bodje go- u ga-; dj' a idêye ki l' latén et l' gayel sont près-parints. Li cnoxhance des gayels s' a foirt amidré dispu Grangagnage. Dji m' va dmander å Djôr di taper èn ouy so s' motî burton di 10 tômes.

galbô / galbå: dji l' aveu fwait vni di *gole-vint (> golvê > golveau > galvô). Mins s' i gn a ene disfondowe avou -â, l' esplikêye divént flåwe.

gn a eto avou l' minme abetchmint: galavale.

A greter pus lon.

--Lucyin (copene) 25 di decimbe 2019 a 11:26 (UTC)