åk

Walon (Rifondou)

Etimolodjeye

Tayon-bodje latén « aliquid » , (minme sinse), mot cité dins l’ FEW 24 322a.

Prononçaedje

• AFE :
  • diferins prononçaedjes : /oːk/ /aːk/ /joːk/
  • prononçaedje zero-cnoxheu : /ɔːk/
• Ricepeures : nén rcepåve

Nén definixhant prono

åk (nén candjåve)

1. cayet k’ on n’ sait nén cwè, mins k’ egzistêye.
   • Ti vou dj’ dire åk, poyete ? — Lucyin Mahin.
   • Ki vos rwaitîxhe li walon pal cawe u pal tiesse, i gn a åk k’ i fåt bén admete: il a ddja stî mî k’ ådjourdu, edon ? — Lorint Hendschel.
   • C’ est cwand dj’ a stî evoye dins-n on payis å lon et ki dj’ a veyou k’ on-z î cåzéve des diyalekes ki dji m’ a dit: i m’ shonne k’ amon nozôtes, gn a åk insi ossu. — Jean-François Brackman.
   • Por mi, dji veyeu tolminme åk di drole dins on parey råjhonmint. — Jean-Pierre Hiernaux.
2. do bén, des ritchesses.
   • Li ci k’ a åk ni s’ endè vante nén. — Gaston Lucy.

Ratourneures

1. nén tant åk, nén bråmint åk
2. èn nén dire tant åk ki ça : èn nén trop riclamer.
   • Lacobén ki nosse prôpietaire ni dit nén tant åk ki ça, mågré ki nos n’ avans nén co bagué.
3. C’ est åk (po ça) ! u bén La åk, la !
   1. c' est ene sacwè d’ clapant.
      • C' est åk, saiss, d’ awè l’ internete a s’ måjhon.
   2. c’ est pår l’ ahike, c’ est sbarant.
      • C’ est åk po ça, saiss, avou les djonnes d’ enute : i t’ vont ddja coûtchî eshonne ki ça n’ a nén co 16 ans.
      • La åk, la : i s’ vont seulmint maryî, et k’ ele ratind po dabôrd.
4. waitî d’ fé åk : sayî d’ adjinçner ene sacwè, èn ocupaedje.
   • I fåt waitî d’ fé åk e walon el fôre a Libråmont.
5. åk inla : ene sacwè come ça.
   • I s’ loméve Kujinski, u åk inla.
6. Ci n’ est nén åk por ti : cisse kimere la est bråmint trop bele por ti.
7. cwand il a åk el tiesse, i n’ l’ a nén ôte pårt u cwand il a åk el tiesse, i n’ l’ a nén ås fesses u cwand il a åk el tiesse, i n’ l’ a nén å cou : i n’ roveye måy si idêye.
8. C’ est åk et rén
   1. ça n’ a waire d’ impôrtance, gn a rén avou ça (tot cåzant d’ èn etrevén).
   2. ça n’ a waire di valeur (tot cåzant d’ on cayet).
9. Il a co vlou fé åk et rén : il a fwait del laide ovraedje.
10. Cwè çki c’ est d’ ça po åk ?
    1. Cwè çki c’ est di ç’ drole di cayet la ?
    2. K’ av’ co fwait la d’ tot foû-scwere !
11. Il a åk aviè lu : Il a do bén, des ritchesses di spårgnêyes po si e cas.
12. on pô åk : ene miete di rindaedje, tot cåzant d’ on cultivaedje, evnd.
    • I gn aveut on pô åk dins vos rcenes e cortiaedje ?
13. bråmint åk : tot plin.
    • Gn aveut bråmint åk a fote evoye, saiss, dins les pwès.
14. c’ est ddja åk : c’ est mî k’ rén ; c’ est on ptit advintaedje k’ on n’ s’ î atindeut nén ; c’ est l’ prumire ascoxheye.
15. c’ est ddja mo åk : c’ est ddja bråmint.
    • Sicrire po lu-minme, c’ est ddja mo åk. — Pierre-Joseph Dosimont.
    • Cwand on-z a l’ santé, c’ est ddja mo åk. — Motî d' Bive (fråze rifondowe).
16. Kî çki m’ vout dner åk ; i voerè åk di bea : rima des efants po discandjî ene sacwè.
17. åk di lu-minme : ene sacwè ki vos av’ et k’ les ôtes n’ ont nén.
    • Li pus ptit viyaedje tént a s’ walon, åk di lu-mime, on l’ pout bén dire. — Pierre-Joseph Dosimont.
18. C’ est todi åk di drole : c’ est a n’ nén croere.
    • Aben !, c’ est todi åk di drole, di dju, come i s’ rishonnèt. — Yves Gourdin.
19. gn a nén tant åk di bon : gn a waire di djins comifåt.
    • A Bouyon, i gn a nén tant åk di bon ; pu, fåt dire ki c’ est on Francès k’ a touwé cist ome la.
20. To n’ direus bén åk : Ça a l’ air d’ ene sacwè d’ valeur, mins c’ est rén.
21. tot åk di rén : totès sôres di biestreyes.
    • On passéve si tins a tot åk di rén. — Lucyin Mahin, ramexhnaedje.
22. awè åk : esse malåde.

Mots d’ aplacaedje

• åk di

Dischindance

Sorlon Louis Remacle, li cawete -k dins onk, nouk, on pôk vénreut do coron di « åk ».

Sinonimeye

• (cayet k’ on n’ sait nén cwè) : ene sacwè, kéke tchôze
• (do bén, del ritchesse)

Sipårdaedje do mot

Basse Årdene & Payis d’ Fumwè

Ortografeyes

Divant 1900 :

• auque : S101

Après 1900, foû rfondou (Feller, Feller ricandjî, nén Feller) :

• yôke : G215 p.21, Sing, S41, S107
• auke : S24
• = ? (ôk) : G152
• auque : S27
• âque : S44
• åk : S117
• ôke : S27
• iauque : S5, S25
• yauk : S17 p.23, S117
• yôk : G152, S109
• âke : S0
• yåk : S117
• auk : S17, S117
• yauke : C8

E rfondou walon :

• åk : R10 ^(lére), R11 ^(lére), R13

Li mot n’ est nén dins : S40, S104

Ratournaedjes

cayet k’ on n’ sait nén cwè Loukîz a : ene sacwè

• Arabe : شيء ^(ar) = شَيْء =‎ chay'an
• Arabe marokin : chi 7aja =‎ شي حاجة
• Almand : etwas ^(de)
• Inglès : something ^(en) (fråze di djhaedje), anything ^(en) (fråze di dmande)
• Espagnol : algo ^(es), alguna cosa ^(es)
• Francès : quelque chose ^(fr)
• Gåmès : âque
• Neyerlandès : iets ^(nl)
• Picård : enne saquè ^(pcd)
• Polonès : coś ^(pl)

do bén, del ritchesse

• Francès : bien ^(fr) (matériel)

C’ est åk ! (tot djåzant d’ ene sacwè d’ clapant)

• Francès : c’est extraordinaire, fantastique, génial

C’ est åk ! (tot djåzant d’ ene sacwè di sbarant)

• Francès : c’est vraiment un problème, c’est terrible, c’est affolant, c’est fou, c’est dingue

waitî d’ fé åk

• Francès : organiser une activité, prendre une initiative

åk inla

• Francès : quelque chose du genre, d’approchant

cwand il a åk el tiesse, i n’ l’ a nén ôte pårt

• Francès : (lit.) quand il a quelque chose en tête, il ne l’a pas autre part ; c’est quelqu’un de têtu, d’opiniâtre

c’ est åk et rén

• Francès : c’est sans importance, c’est sans valeur

cwè çki c’ est d’ ça po åk ? (tot djåzant d’ ene sacwè d’ drole)

• Francès : qu’est-ce encore cette bizarrerie ?

cwè çki c’ est d’ ça po åk ? (tot djåzant d’ ene biestreye)

• Francès : qu’avez-vous encore fait comme bêtise !

c’ est ddja åk

• Francès : c’est un premier pas, un premier acquis, une première étape

c’ est ddja mo åk

• Francès : c’est déjà pas mal, c’est déjà ça

åk di lu-minme

• Francès : un caractère identitaire, une identité, une richesse

gn a nén tant åk di bon

• Francès : il n’y a guère de gens valables, honnêtes

to n’ direus bén åk

• Francès : c'est de la pacotille