vatche

Walon (Rifondou)

Etimolodjeye

Tayon-bodje latén « vacca » (minme sinse).

Prononçaedje

• AFE :
  • diferins prononçaedjes : /vat͡ʃ/ (minme prononçaedje cåzu pattavå)
    • (pa picårdijhaedje) /vak/
  • prononçaedje zero-cnoxheu : /vat͡ʃ/
• Ricepeures : nén rcepåve

• 
• 
• 

Sustantif

	singulî	pluriyal
omrin	torea	toreas
	gayet	gayets
femrin	vatche	vatches

vatche femrin

1. (no d’ biesse ås tetes) frumele des bovrins.
   • Nosse vatche avent ene linwe houzêye et vni foû del gueuye. — Louis Remacle (fråze rifondowe).
   • Les åbes, eyu çki dins l’ esté, les vatches si metèt a l’ ombe, les bouxhons, les hourêyes, tot çoula a candji avou l’ niût. — Jean Fauconnier (fråze rifondowe).
   • I tnént ene pitite cinse : sacwants bounîs d’ pasteure, troes cwate vatches et ene dijhinne di bedêyes. — Henry Matterne (fråze rifondowe).
   • Ses vatches estént télmint beles k’ i gn aveut po-z acertiner k’ elle estént pikêyes ås ormones. — Chantal Denis (fråze rifondowe).

Ratourneures

1. prinde boû po vatche
2. ostant boû k’ vatche
3. on n’ distere nén les viyès vatches
4. on n’ cåze nén d’ ene floreye vatche s’ ele n’ a pont d’ taetches; u gn a pont d’ cabolêye vatche ki n’ åye des taetches
5. cwand on vént då lon, les vatches ont todi des gros pés
6. C’ est l’ fi del feye del vatche ki tosse : response a onk ki vs dimande li no d’ ene djin, et k’ vos nd avoz d’ keure.
7. fé on sospir come on pet d’ vatche : somadjî foirt.
8. tourner a rén come el vatche Kernete :: amwinri pår.

   fé des iys come ene vatche ki ravize passer on trin : drovi des grands ouys.

   F. " écarquiller les yeux".

   Cwand on vént d’ å lon, les vatches ont todi des gros pés°. :

9. Guere del vatche : guere e payis walon åtoû d’ Cînè, el Moyinådje, di cåze d’ ene vatche.
10. Maladeye des sotès vatches : sôre di maladeye nierveuse des vatches.
11. bisteu.

    On dit eto: rodjès biesses.

    F. "bétail".

    martchand d’ vatches : martchand d’ bisteu.

    • Bref, totes les djins, minne les martchands d’ vatches estént divnous oniesses — Eugène Gillain (fråze rifondowe).

    F. "marchand de bestiaux".

    betråle di vatche : betråle po dner å bisteu (et nén po do souke).

    F. "betterave fourragère".

Dizotrins mots

• vatche torleuse, torleuse
• vatche prumioûle
• vatche laeçresse tire di vatche di dene bråmint do laecea.
• dineuse.
• tchén d’ vatche: tchén ki wåde les vatches. F. "bouvier".

Parintaedje

vatchî

Mots d’ aplacaedje

• Pwelvatche
• vatche-et-veas

Ortografeyes

Divant 1900 :

• vaje : E212
• vag : E178

Après 1900, foû rfondou (Feller, Feller ricandjî, nén Feller) :

• vatche : C8, O4, S117

E rfondou walon :

• vatche : R10 ^(lére), R13

Ratournaedjes

vatche

• Arabe : بقرة ^(ar) = بَقَرة =‎ baqara
• Arabe marokin : بڭرة ^(ary) = بڭْرة =‎ begra
• Inglès : cow ^(en)
• Espagnol : vaca ^(es)
• Francès : vache ^(fr)
• Gåmès : vatche
• Neyerlandès : koe ^(nl)
• Picård : vake ^(pcd)
• Polonès : krowa ^(pl)
• Rûsse : корова ^(ru) =‎ korova
• Kimon amazir marokin : ⵜⴰⴼⵓⵏⴰⵙⵜ ^(zgh) =‎ tafonest (chleu et tamazir), ⵜⴰⵎⵓⴳⴰⵢⵜ ^(zgh) =‎ tamogayt (chleu)

Gåmès

Sustantif

singulî	pluriyal
vatche	vatches

vatche femrin

1. vatche (mot scrît e gåmès come e walon)