reyusse

Walon (Rifondou)

Etimolodjeye

Bodje latén d' eglijhe « reus » (coupåbe), dins « Judicandus homo reus », fråze del fén do « Dies Irae », mwaisse tchant del messe des moirts tchanté a l’ ofrande.

Prononçaedje

• AFE :
  • prononçaedje zero-cnoxheu : /ʀɛ.ˈjys/ (minme prononçaedje pattavå)
• Ricepeures : re·yusse

Addjectif

	singulî	pluriyal
omrin	reyusse	reyusses
femrin	reyusse	reyusses

reyusse omrin et femrin (purade eployî come addjectif sudjetrece)

1. ki dmeure la, boke å lådje, sins sawè cwè dire.
   • Dji so reyusse d’ end etinde des sfwaites. — Motî do Coûtchant walon (fråze rifondowe).
   • I dmorît tot reyusses di vey leu portrait en ene plaece k’ i n’ î avént måy sitî.
2. nén come èn ôte.
   • Il a dmoré l’ efant reyusse
     K’ on a lomé télcôp gugusse — Charles Geerts (fråze rifondowe).
3. ki n’ sait nén cwè, ki n’ sait pus cwè sondjî.
   • Les powetes inmèt l’ pikete do djoû, eyet si ombradjeus stoelî, reyusse inte li bleu d’ ses ayirs eyet l’ gris di ses londwins d’ måvlete — Christian Quinet (fråze rifondowe).
   • Luk a bevou deus blankes, pus il a ralé, tot reyusse, li tiesse plinne di kesses — Christian Quinet (fråze rifondowe).
4. ki n’ sait pus responde.
   • Si plaijhi, c’ est d’ mete reyusse les djins ki batèt dvize avou lu.
5. ki rgrete çou k’ il a fwait, djinné.
   • Tot çou k’ i fjheut, cwand k’ il esteut bén reyusses, c'esteut di s’ plinde å mwaisse di scole. — Oscar Fromont (sourdant a recråxhî) (fråze rifondowe).
6. poenneus.
   • El pôve Leya ît reyusse di partadjî s’ djonnesse avou on prôpe-a-rén. — R. Hennaut (sourdant a recråxhî) (fråze rifondowe).
   • Viyaedje abandné dispu bén trop d’ anêyes,
     Dji so å pus reyusse di vos awè cwité. — René Painblanc (fråze rifondowe).
   • Elle est reyusse di vey si ome sô. — Motî del Lovire (fråze rifondowe).
7. djus d’ foices (fizicmint u morålmint), moirt escran, sins nole exhowe.
   • Les djonnes tchivås k’ on-z atele po l’ prumî côp sont vite reyusses.
8. k’ a pierdou (ås cwåtes, ås djeus), k’ est rwiné.
   • Cwand dji m’ a fwait haper mi hass, dji m’ a veyou reyusse.
   • Djowe bén, on les va mete reyusse.
   • C’ est ses biytaedjes avou l’ accions ki l’ ont rindou reyusse.
9. tot disbåtchî, tote disbåtcheye.
   • Divant s’ ma d’ cafè,
     Fine shonne reyusse. — L. Druez (sourdant a recråxhî) (fråze rifondowe).
   • Gusse mi dit k’ il est reyusse
     K’ on n’ fwait pont d’ cas d’ èn ovrî. — F. Deprêtre (fråze rifondowe).
10. fotou(owe), presse a mori.
    • Cwand ls Almands ont moussî al måjhon, il a bén creyou k’ il esteut reyusse.
    • Li nute, reyusse,
      Ercoule divant l’ djoû a sôts d’ pouces. — Émile Gérard (fråze rifondowe).
11. ki s’ rafeye d’ ene sacwè ki lyi va fé plaijhi.
    • Si ôte mwin esteut bén muchieye
      Dizo s’ vantrin, rtinou d’ on doet
      Cwè çk’ ele wårdéve si bén catchî
      Dj’ esteu reyusse, ele li veyeut. — Simone del Golete (fråze rifondowe).

• 
  « Dodol est reyusse », monoloke da Dodol.

Ratourneures

1. esse reyusse e rote : esse honteus.
   • — Nén vraiy, Alcesse, èm fi ! Dj'a stî si målåjhey ?
     — Malåjhey et co pé : Juda Iscariote ! Si dji sreu d’ vos, mononke, dji sreu reyusse e rote. — Julos Beaucarne (fråze rifondowe).
2. esse a bon reyusse : esse amerviyî, dins l’ bon sinse.
   • Dji so a bon reyusse di vey ki voz avoz raprôpriyî vosse tchambe.
   • Aveut i dins s’ platea assez po-z esse bon reyusse ? — René Painblanc (fråze rifondowe).

Sinonimeye

• (ki dmeure la, boke å lådje) : pek, ståmusse, sbaré, ewaeré ; Loukîz a : « ståmusse »
• (nén come èn ôte): ewaeré, saizi ; Loukîz l’ motyince : dimey doûs
• (ki n’ sait pus cwè sondjî): amayî
• (k’ a pierdou ås cwåtes, ås djeus, k’ est rwiné) raezibusse

Sipårdaedje do mot

w. do Coûtchant (Bijhe)

Ortografeyes

Après 1900, foû rfondou (Feller, Feller ricandjî, nén Feller) :

• rèyus′ : (omrin) O0, O3
• rèyuss′ : O4
• reyusse : O0 (femrin), O3 (femrin)

E rfondou walon :

• reyusse : R10 ^(lére), R13

Li mot n’ est nén dins : O81, O90

Ratournaedjes

ki dmeure la, boke å lådje ; Loukîz a : ståmusse

• Arabe marokin : tfeja تفجى ^(ar) = تْفجى ^(ar) (il a stî reyusse)
• Almand : bestürtzt ^(de)
• Inglès : stunned ^(en), stunned ^(en), stupefied ^(en), upset ^(en)
• Francès : interloqué ^(fr) omrin, interloquée ^(fr) femrin, bouche bée ^(fr), abassourdi ^(fr) omrin, abassourdie ^(fr) femrin, ébahi ^(fr) omrin, ébahie ^(fr) femrin, stupéfait ^(fr) omrin, stupéfaite ^(fr) femrin
• Neyerlandès : ontdaan ^(nl), onthutst ^(nl), verbluft ^(nl)

nén come èn ôte

• Francès : ahuri ^(fr), abruti ^(fr),

ki n’ sait nén cwè, ki n’ sait pus cwè sondjî

• Francès : indécis ^(fr), hésitant ^(fr), perplexe ^(fr)

ki n’ sait pus responde

• Francès : à bout d'arguments ^(fr), sans voix ^(fr), décontenancé ^(fr), dérouté ^(fr), désarçonné ^(fr)

ki rgrete çou k’ il a fwait

• Francès : navré ^(fr), embarrassé ^(fr)

poenneus

• Francès : triste ^(fr), amer ^(fr), attristé ^(fr)

djus d’ foices

• Francès : abattu ^(fr), éreinté ^(fr), épuisé ^(fr), las ^(fr)

k’ a pierdou (ås cwåtes), k’ est rwiné

• Francès : défait ^(fr), enfoncé ^(fr), ruiné ^(fr)

tot disbåtchî

• Francès : déçu ^(fr), désespéré ^(fr), déprimé ^(fr), découragé ^(fr)

fotou, presse a mori

• Francès : foutu ^(fr), mourant ^(fr), condamné ^(fr), inguérissable ^(fr)

ki s’ rafeye d’ ene sacwè ki lyi va fé plaijhi

• Francès : impatient ^(fr), curieux ^(fr)

esse reyusse e rote

• Francès : rougir de honte

esse reyusse e rote

• Francès : être positivement étonné, surpris dans le bon sens, satisfait

Adviebe

reyusse (nén candjåve) (addjectif adviebrece)

1. tot estant sbaré, tot n' è rivnant nén.
   • C' est des groûlmints, come des cis d’ liyons, k' on schoûte reyusse et djus d'alinne — Hubert Haas (fråze rifondowe).

Ratournaedjes

tot estant sbaré

• Inglès : with surprise ^(fr)
• Francès : avec surprise ^(fr), avec étonnement ^(fr) (nén ratournåve direk e francès)

Mot-fråze

reyusse (nén candjåve)

1. bernike.
   • Dji conténs aler avou zels al dicåce. Reyusse !

Sinonimeye

Loukîz a : « bernike »