ceke

Walon (Rifondou)

Etimolodjeye

Tayon-bodje latén « circulus », raptitixha di « circus ».

Prononçaedje

• AFE :
  • diferins prononçaedjes : /sɛk/ /sɛʀk/ (minme prononçaedje cåzu pattavå)
  • prononçaedje zero-cnoxheu : /sɛk/
• Ricepeures : nén rcepåve

Sustantif

singulî	pluriyal
ceke	cekes

ceke omrin

1. (djeyometreye) fôme djeyometrike fwaite påzès ponts ki sont al minme longueur d’ on pont metou å mitan.
2. rowe ki ls efants fijhèt rôler divant zels, po djouwer.
   • Les efants fjhént rôler on ceke ; c’ esteut ene djante di velo u on bindaedje di berwete.
3. anea d’ fier, ki s’ mete dins on pus grand k’ lu po rcatchî l’ aisse d’ ene sitouve, estô d’ ene platene.
   • C’ est l’ marxhå, k’ a fwait ç’ coujhnire ci avou l’ ôte viye do djudje :
     I gn aveut pus ki l’ pot, pus d’ pates, pus d’ cekes, pus d’ ouxh,
     Tot esteut erunté. — Louis Piron (fråze rifondowe).
4. rond d’ fier ki tnèt les plantches d’ on tonea.
5. rapoûla d’ djins.

• 
  (Sinse 1) On ceke djeyometrike, avou l’ pont mitant (M) e bleu et l’ reyon (r) e rodje.
• 
  (Sinse 2) Deus djonnes avou on ceke di bos.
• 
  (Sinse 4) Vî tonea avon on ceke.

Ratourneures

1. ceke del lune, ceke del bele : ceke di loumire ki s’ håynêye åtoû del bele, des djoûs k’ i gn a.
2. boere cekes et tonea : esse ene sôlêye.
   • On boereut minme ceke et tonea
     Pusk' on-z est dvant ene candjlete !
     — Louis Lagauche, "Les belès-eures" (1928), p. 64 (fråze rifondowe).

Parintaedje

• cecler, ceclé, cecleu
• cercea

Sinonimeye

• (fôme djeyometrike) : rond
• (rapoûla d’ djins) : soce, dramatike (pol teyåte)
• (po ls efants djouwer) : caroyåd

Omofoneye possibe

• seke (o.n. ; boket do coir)
• seke (f.n. ; mouvmint rlidjeus)

Ortografeyes

Divant 1900 :

• sek : E177b
• cek : E177a ^(lére), E203 ^(lére)
• ceck : E212 ^(lére)

Après 1900, foû rfondou (Feller, Feller ricandjî, nén Feller) :

• cèke : C8, C9, E1, E34, O4
• cèrke : (fok pol sinse di soce di djins) E1, E34, O4

E rfondou walon :

• ceke : R9 ^(lére), R10 ^(lére), R11 ^(lére), R13

Ratournaedjes

fôme djeyometike

• Inglès : circle ^(en)
• Espagnol : círculo ^(es)
• Francès : cercle ^(fr)
• Itålyin : circolo ^(it)

rapoûla d’ djins

• Francès : cercle ^(fr), association ^(fr)

po ls efants djower

• Francès : cercle ^(fr), association ^(fr)

Waitîz eto

Lijhoz l’ årtike ceke (discramiaedje) so Wikipedia