dabôrd

Walon (Rifondou)

Etimolodjeye

Aplacaedje di : «d’» + «abôrd» (aboird); les deus bokets sont-st aplakés ca ça a divnou ene unité a pårt pol sinsyince.

Prononçaedje

• AFE :
  • diferins prononçaedjes : /da.ˈbõʀ/ /da.ˈboːʀ/ /da.ˈbuːʀ/ (betchfessî ô)
  • prononçaedje zero-cnoxheu : /da.ˈbõʀ/
• Ricepeures : da·bôrd

Adviebe

dabôrd (nén candjåve)

1. tot å cmince u tot al fén d' ene fråze u d' ene fråzlete, mostere li consecwince di l' idêye di dvant.
   • Vos djhoz k' vos demarroz bén l' moteur al coide: saetchîz, dabôrd !
   • Vos n' vinoz nén ? Dabôrd, dji m' è va.
   • Li cron virûsse 2020: «Bén, gn a pus nolu a-z ataker; i sont tertos a djoke e leu måjhon; dabôrd, dji m’ erva — Li Rantoele, l° 94 (esté 2020) p. 14 (fråze rarindjeye).
2. Insi, ça fwait ki.
   • Vos n’ vinos néan ? D’abôrd dji m’è va — Émile Gilliard.
   • On condâné qu’a stî mwinrné su l’ pèron po-z-î moru, parèt-i, lî a dit sès pâtêrs èt… sès tchin.nes aurin.n´ sikèté, s’apinse qu’on dit ! Mirauke ! Il a stî r’lachî, d’abôrd !— Françoise Evrard, Li Nanèsse di Bèlgrâde.
3. po dmander di s' decider (al fén d' ene fråze di dmande).
   • Vos vnoz, dabôrd ?
   • Les oxheas avént atrapé des niers; li tchår aveut crexhou et gn aveut co des peas dsu, mins i gn aveut pont d’ ådvins; Yavé mi djha: « Fi d' ome, profetijhîz a l' esprit, profetijhîz, dabôrd ! » — George Staelens, ratournant on såme.
4. (emey li fråze) cåzu.
   • I vous faurè d’abôrd on tchaur po pwarter vos çans´— Émile Gilliard.
5. (emey li fråze) bénrade, divant waire di tins.
   • Nos irans dabôrd vey li Standård.
   • Si d’vès l’s aireur dè jou, quéque fèye i s’èsoqu’téve,
     Li sav’tî, d’ine chanson d’abôrd èl dispièrtéve,
     Èt l’ pauve richâ s’ plaindéve, tot d’hant
     Qu’on d’vreû poleur ach’ter sès âhe,
     — Antoine Kirsch, Li sa'vtî èt l' banquî, 1889.
6. (emey li fråze) mostere k' on est près d' ariver a (li mot ki shût).
   • Il åreut dabôrd tot Transene da sinne.

Ratourneures

1. alez, dabôrd
2. c’ est dabôrd tot : c' est cåzu fwait. c’est presque fini
3. est ç' dabôrd tot ?! : dijhêye po mancî des efants ki fwaiynut des biestreyes; on dit eto: ey adon !, ebén cwè !; allez-vous cesser!?, c’est bientôt fini!?

Mots d’ aplacaedje

dabôrd ki

Sinonimeye

• (consecwince di l' idêye di dvant): adon, dins ç’ cas la
• (po dmander di s' decider): åy u non, al fén
• (divant waire di tins): bénrade, bénvite, béntoit, torade, divant nén beacôp, covite, corade, codabôrd; Loukîz a : « bénrade »
• (mostere k' on est près d' ariver a): cåzu, cåzumint, totaleure.

Ratournaedjes

dins ç' cas la

• Inglès : then ^(en)
• Francès : alors ^(fr), dans ce cas ^(fr), dans ces conditions ^(fr)
• Neyerlandès : dan ^(nl)

po dmander di s' decider

• Inglès : finally ^(en)
• Francès : en fin de compte ^(fr), à la fin ^(fr), en définitive ^(fr), finalement ^(fr)
• Neyerlandès : eindelijk ^(nl)

dins pô d' tins Loukîz a : bénrade

• Inglès : soon ^(en)
• Francès : bientôt ^(fr), incessamment ^(fr)
• Neyerlandès : weldra ^(nl)

mostere k' on est près d' î ariver Loukîz a : cåzu

• Inglès : nearly ^(en)
• Francès : presque ^(fr), pratiquement ^(fr), quasiment ^(fr), pour ainsi dire ^(fr)
• Neyerlandès : bijna ^(nl)

Sourdants

Sourdant di sacwants egzimpes di ci hagnon cial