stitchî

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
stitchî	sititchî	estitchî

Etimolodjeye

Tayon-bodje vî francike "stikkan" (piker, sonner to picant on coutea dins l' voenne), çou ki dene on mot avou l’ cawete di codjowaedje « -î » des viebes, racuzinåve avou l' neyerlandès « steken » et l' almand « stecken »; mot cité dins l’ FEW 17 232.

Prononçaedje

• AFE :
  • diferins prononçaedjes : /sti.ˈt͡ʃiː/ /stiːˈt͡ʃi/ /stə.ˈt͡ʃi/ /sti.ˈkiː/ /sti.ˈke/ /sti.ˈkɛ/
  • prononçaedje zero-cnoxheu : /sti.ˈt͡ʃiː/
• Ricepeures : sti·tchî

Viebe

Djin et tins	Codjowa
Cåzant Ind. pr. (dji, dj’)	stitche
Atôtchî(s) Ind. pr. (vos, vs)	stitchîz
Cåzants Ind. pr. (nos, ns)	stitchans
Rwaitants Ind. pr., nam. (i/il, ele/elle)	stitchnut
Cåzant Ind. fut. (dji, dj’)	stitchrè
Cåzant D.I.E. (dji, dj’)	stitchive
Cåzant Suddj. pr. (ki dji, dj’)	stitche
pårt. erirece (dj’ a, vos av)	stitchî
Ôtes codjowaedjes	come waitî

stitchî

1. (v. å coplemint) fé moussî (ene pitite sacwè ki mousse åjheymint).
   • I lyi a stitchî des sôs didins l' potche. — Motî Haust-Goffinet d' après l' Tchestea (fråze rifondowe).
   • Il estitche si doet dvins s' nez. — Motî del Lovire (fråze rifondowe).
   • On boket d' linwe sôrtixheut d' inte ses lepes cwand i stitchive el fi dins l' trô d' l' aweye; minme k' i bleféve. — J. Schoovaerts (fråze rifondowe).
   • Il est evoye e stitchant l' clé padzo l' ouxh.
   • Si l' feme å havet vénreut et vos assaetchî e l' aiwe et vos stitchî dins s' grand saetch ? — É. Gilliard (fråze rifondowe).
2. (v. å coplemint) fé moussî (ene idêye) el tiesse.
   • On nos a stitchî eto: «Eben Emael imprenable, "Nous vaincrons parce que nous sommes les plus forts»", mins ci n' esteut k' on sondje a costé des rotindjes do ptit moustatchou. — W. Bal (fråze rifondowe).
3. (v. å coplemint) touwer avou on pondant coutea.
   • I gueuyive come on pourcea k' on stitche. — Motî d’ Bastogne (fråze rifondowe).
4. (v. å coplemint) taper (on côp d' pougn, ene bafe).
   • Ti n' aveus k' a lyi stitchî ene bafe e s' gueuye.
5. (v. å coplemint) raconter (ene minte, ene fåve).
   • End a-t i stitchî, des mintes !
   • Il a volou m' è stitchî, mins ça n' a nén prins. — Motî del Lovire (fråze rifondowe).
6. (v. å coplemint) vinde (ene måle martchandijhe) a ene sakî tot l' trompant.
   • I m' a stitchî ces parapluves la, et k' i s' rtoûnnut come rén.
7. (v. sins coplemint) moussî.
   • Djan Bury s' a-t i doté on moumint ki pus d' cint-z ans pus tård, on djåzreut co del pitite idêye ki lyi a stitchî el tiesse ci djoû la ?
8. (v. sins coplemint) vini foû.
   • Vosse drap d' nez stitche foû d' vosse taxhe. — Motî Toussaint (fråze rifondowe).
   • Gn aveut todi ene bizete ki stitchive foû d' ses tchveas.
9. (v. sins coplemint) taper des pikes so les djins.
   • Il inme co assez bén do stitchî.
10. ((v. sins djin)) ariver tot d' on côp, tot cåzant d' ene idêye.
    • I m' a stitchî ene idêye el tiesse. — Motî Toussaint (fråze rifondowe).
    • I djåze come i lyi stitche el tiesse. — Motî Toussaint (fråze rifondowe).
11. ((v. sins djin)) prinde li zine (a ene sakî, ene biesse) di.
    • «Lu Vî Sprâwe», c' est ene gazete di Måmdey ki rexhe cwand ça lyi stitche; li vî sprewe xhufele cwand lyi stitche.
    • Cwand ça mi stitche, dji n' mi såreu rastini. — Motî del Lovire (fråze rifondowe).
12. (viebe å prono) : Loukîz a : « si stitchî ».

Ratourneures

1. stitchî les djeus : (mot d’ cwårdjeu) maxhî les cwåtes tot poûssant les diferins plis onk dins l' ôte.
2. stitchî s' nez : s' ocuper d' ene sacwè ki n' vos rgårdêye nén.
   • Il a co stitchî s' nez dins les afwaires des ôtes.
3. ses oxheas stitchnut s' pea : il est foirt maigue.
4. stitchî l' éndjole dins l' agayon : (po rire) fé l' amour.
5. è stitchî (a kéconk) : lyi conter des mintes, lyi raconter des fåves.
6. si stitchî el påter mågré Diu

Parintaedje

• stitche, stitchaedje, stitcheu
• stitchete, stitcha, stitchon, stitchot, stitchoe, stitchea, stitchåjhe
• måstitchî
• ristitchî, ristitchete
• astitchî
• stitchner, stichna

(minme sourdant etimolodjike)

• sticot

Sinonimeye

• (fé moussî ene fene sacwè): herer, fôrer, bouter
• (fé moussî ene grosse sacwè): tchôkî, bôrer, cougnî
• (diner on côp): fote, taper
• (touwer avou on pondant coutea): axhorer, sgozyî
• (vini foû): stritchî, bizer, briker
• (v.s.dj., prinde li zine) toker, prinde

Ortografeyes

Divant 1900 :

• stitchi : E212

Après 1900, foû rfondou (Feller, Feller ricandjî, nén Feller) :

• s(u)tiker : S117
• stitchi : C1, C13, C60, S0
• s(u)titchî : E212b
• stitcher : E165, E200
• s(u)titchi : S0
• stikè : S24, S109
• stiker : S17 p.38, S107
• s(i)titchi : C8
• (è)stitchî : O4
• stikér : O0
• = stikę (stikè) : S38 (hagnon 59)
• (è)stikî : O3
• stitchî : C99, E1, S104, S109

E rfondou walon :

• s(i)titchî : R15
• s(i)titchî u (e)stitchî : R10 ^(lére), R11 ^(lére)
• stitchî : R13

Ratournaedjes

fé moussî ene fene sacwè

• Almand : stecken ^(de)
• Francès : introduire ^(fr), insérer ^(fr), fourrer ^(fr), pousser ^(fr) (dans)
• Neyerlandès : steken ^(nl)

fé moussî (ene idêye) el tiesse

• Francès : enfoncer ^(fr) dans le crâne, ficher ^(fr) dans la tête, inciter ^(fr), instiguer ^(fr)
• Neyerlandès : in het hoofd steken ^(nl)

vinde ene mwaijhe martchandijhe a (ene sakî)

• Francès : fourguer ^(fr)

conter des mintes

• Francès : duper ^(fr), en conter ^(fr)

touwer avou on pondant coutea

• Francès : saigner ^(fr), égorger ^(fr)

moussî

• Francès : entrer ^(fr), pénétrer ^(fr)

vini foû

• Francès : dépasser ^(fr), saillir ^(fr)

v.sins djin, prinde li zine

• Arabe marokin : "ça mi stitche" : ke-yrecheq li =‎ كيرشق لي
• Francès : "ça mi stitche" : il me prend l'idée, la lubie me prend

Pårticipe erirece

	singulî	pluriyal
omrin	stitchî	stitchîs
femrin	stitcheye	stitcheyes

stitchî o.

1. Pårticipe erirece omrin do viebe "stitchî", ki pout esse eployî come addjectif et come sustantif.
   • I lyi a stitchî des sôs didins l' potche. — Motî Haust-Goffinet d' après l' Tchestea (fråze rifondowe).
   • End a-t i stitchî, des mintes !
   • On nos a stitchî eto: «"Eben Emael imprenable", "Nous vaincrons parce que nous sommes les plus forts"», mins ci n' esteut k' on sondje a costé des rotindjes do ptit moustatchou. — W. Bal (fråze rifondowe).
   • Djan Bury s' a-t i doté on moumint ki pus d' cint-z ans pus tård, on djåzreut co del pitite idêye ki lyi a stitchî el tiesse ci djoû la ?
   • I m' a stitchî ces parapluves la, et k' i s' rtoûnnut come rén.
   • I s' a stitchî dlé l' måjhon. — Motî Haust-Goffinet d' après l' Tchestea (fråze rifondowe).

Addjectif

	singulî	pluriyal
omrin	stitchî	stitchîs
femrin padrî	stitcheye	stitcheyes
femrin padvant	stitcheye	stitcheyès

stitchî o. (come addjectif djondrece, metou padvant u padrî l' no)

1. metou la k' i n' fåt nén.
   • Il est todi stitchî e s' måjhon