stinde

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
stinde	sitinde	estinde

Etimolodjeye

Tayon-bodje latén « extendere » (minme sinse).

Prononçaedje

• AFE :
  • prononçaedje zero-cnoxheu : /stɛ̃t/ (minme prononçaedje pattavå)
• Ricepeures : nén rcepåve

Viebe

stinde (viebe å coplemint) (5^inme troke) (codjowaedje)

1. fé aler lon sol costé ou rinde pus lon (ene sacwè k’ esteut rployeye).
   • Li sins-ameur dischind a sournwès et stinde si noer motchoe. — Roger Viroux.
   • I n’ saveut dmorer rasta ; i s’ tournéve et s’ ritourner, et stinde ses djambes d’ on costé pu d’ l’ ôte. — Auguste Laloux (fråze rifondowe).
   • Sitinde les draps dsu l' pré po les mete a l' rimouye.
2. prezinter avou l’ bresse disployî.
   • L’ amour vos vneut stinde ses rôzes po vs efaxhner. — Martin Lejeune (fråze rifondowe).
3. (viebe å prono) : Loukîz a : « si stinde ».
   • Li pårotche di Belvå si stindeut so les troes viyaedjes di Belvå, Ligneuveye et Pont.
   • Li brouweur, sins nou brut, si winne foû del nutisté et si stind dzo les bouxhons. — Maggy Frisée (fråze rifondowe).
   • Li margaye s’ a stindou a Loncin, Aleur, Anse, Djouprele, Xhindmåle, Voroû et Liesse.

Ratourneures

1. stinde li mwin : ofri si aidance.
   • C’ esteut l’ Mårcel Djilî ki no stindeut l’ mwin. — André Dewelle (fråze rifondowe).
   • Li fi a stindou l’ mwin a s’ pa, por lu aveur pus åjhey di s’ disclaper. — Lucien Somme (fråze rifondowe).
2. si stinde come ene rinne, si stinde come ene flate

Parintaedje

• stindaedje, stindêye, stindåve
• ristinde, ristindaedje, ristindeuse

Sinonimeye

• håyner

Contråve

• distinde

Ortografeyes

Divant 1900 :

• steind / siteind : E177a (1823) ^(lére)
• stende : E89 ^(lére)
• stinte / sitinte : E203 ^(lére)
• staind : E178
• staindd / sitaindd : E184

Après 1900, foû rfondou (Feller, Feller ricandjî, nén Feller) :

• estinde : S25
• stinde / sitinde : C8, C9, C13, E1
• stinde : E34
• stinde / èstinde : O4, O90

E rfondou walon :

• stinde / sitinde u estinde : R10 ^(lére)

Ratournaedjes

fé aler sol costé ; rinde pus lon

• Francès : étendre ^(fr) ; allonger ^(fr), étirer ^(fr)

prezinter avou l’ bresse disployî

• Francès : tendre ^(fr)

Codjowas

stinde

1. suddjonctif prezintrece, prumire et troejhinme djins do singulî, do viebe « stinde ».
   • Èm wachotêye est fineye, i fåt ki dji stinde èm lindje.