moussî

Walon (Rifondou)

Etimolodjeye

Tayon-bodje vî francike « mukjan » (catchî, si catchî) avou l’ cawete di codjowaedje « -î » des viebes ; adon, c’ est l’ minme etimolodjeye ki « muchî » et « muchyî » ; li mot est racuzinåve avou l’ vî lingaedje d’ oyi « muchier » k’ egzistêye co ouy dins sacwans accints do walon (payis d’ Libin) ey eto e guernuziès ; li walon « moussî » vént do sinse « si catchî » (ådvins d’ ene plaece, dins des grands abiymints) ; mot cité dins l’ FEW 6/3 193b.

Prononçaedje

• AFE :
  • diferins prononçaedjes : /mu.ˈsiː/ /mu.ˈsi/ /mu.ˈsɛ/ /mu.ˈse/ /my.ˈʃiː/ /my.ˈʃi/
  • prononçaedje zero-cnoxheu : /mu.ˈsiː/  ^{aschoûtez lu}
• Ricepeures : mous·sî

Viebe

moussî (v. sins coplemint) (2^inme troke) (codjowaedje)

1. intrer.
   • Gustene waite åtoû d’ leye s’ i gn a nolu sol voye èt s’ mousse vitmint e tchapåd d’ mon l’ Frere. — J. Calozet.
   • Po çou k’ est d’ Sayul, i s’ dismantchive so l’ Eglijhe, et moussive ezès måjhons, po-z î traker les omes et les femes et les taper el prijhon. — J.-M. Lecomte, L’ Oûve dès-Apôtes (ratournaedje).
   • I veyént seulmint ene craeye. C’ est dvins cisse craeye k’ i sayît d’ fé moussî leu batea. — J.-M. Lecomte, L’ Oûve dès-Apôtes (ratournaedje).
   • Ti moussives tes deus mwins e taes po sinte s’ i n’ tchåféve nén ; oubén, i t’ fårè radmint apicî l’ schoupåd. — A. Laloux, Mi ptit viyaedje des ans å long.
2. intrer sins fé do brut.
   • I mousse tocosté.
3. mete des abiymints a (ene djin, ene biesse di cpagneye).
   • Il est tins d’ moussî l’ gamene. — Motî d’ Bastogne.
   • I moussèt minme leus ptits tchéns.
4. (viebe å prono) : Loukîz a : « si moussî ».

Parintaedje

(sinse d’ intrer)

• moussaedje, moussete, mousrote
• amoussî, rimoussî, ramoussî
• camoussî, camoussåd
• calmoussî, calmoussaedje

(sinse di s’ abiyî)

• mousmint, mousseure, moussaedje, mousseu, moussåve
• dismoussî, dismoussaedje

(minme sourdant etimolodjike)

• muchî, muchyî, muchete
• ermuchî

Mots d’ aplacaedje

• moussî foû
• mousse-e-stron, mousse-e-flate, mousse-e-four, mousse-e-l’-oraye, mousse-e-cou

Sinonimeye

• (intrer) : amoussî
• (mete des abiymints a) : abiyî

Contråve

• (intrer) : moussî foû, rexhe, vudî, sôrti
• (mete des abiymints a) : dismoussî

Sipårdaedje do mot

w. do Levant, Basse Årdene

Ortografeyes

(moussî & si moussî)

Divant 1900 :

• moussi : E212
• moussî : E89 ^(lére), E177, E184
• moucî : E203

Après 1900, foû rfondou (Feller, Feller ricandjî, nén Feller) :

• moussi : S0, S117
• moussè : S27, S117
• moucî : E1
• = ? (moussè) : (su) S38
• mussè : S105
• moussî : E1, S44, S109, S117
• mousser : S117

E rfondou walon :

• moussî : R10 ^(lére), R13

Li mot n’ est nén dins : O0, O4, FO4

Ratournaedjes

intrer Loukîz a : intrer

• Almand : eindringen ^(de)
• Francès : entrer ^(fr), pénétrer ^(fr)

intrer sins fé do brut

• Almand : hineinschlüpfen ^(de)
• Francès : s’introduire ^(fr), se glisser ^(fr)

Pårticipe erirece

	singulî	pluriyal
omrin	moussî	moussîs
femrin	mousseye	mousseyes

moussî o.

1. Pårticipe erirece omrin do viebe "moussî", ki pout esse eployî come addjectif et come sustantif.
   1. intré.
      • Cisse cadje la, c’ est ene gayole avou des grands pilés d’ bwès di ttaleure deus metes di hôt, avou ene sitroete intrêye ey èn ouxh ki s’ riclape cwand i gn a on singlé di moussî ddins. — L. Mahin, Ene bauke su lès bwès d’ l’ Ardène, p. 229.
   2. k’ on lyi a metou des abiymints.
      • Elle est bén mousseye, avou ç’ cote la. — Motî d’ Bastogne.
      • I nos fala doirmi tot moussîs. — Motî d’ Bastogne.

Ratourneures

• moussî al chijh cwate deus, moussî al hasse di pike

Mots d’ aplacaedje

• blanc-moussî

Mots vijhéns

• (avou des abiymints må arindjîs) : (må, droldimint) ecayté, eheucté, agadlé

Ratournaedjes

intré

• Francès : entré ^(fr), pénétré ^(fr)

k’ on lyi a metou des abiymints

• Francès : habillé ^(fr)