axhorer

Walon (Rifondou)

Etimolodjeye

Bodje « xhore » avou l’ betchete « a- » des viebes et l’ cawete di codjowaedje « -er ».

Prononçaedje

• AFE :
  • diferins prononçaedjes : Prononçaedje a radjouter
  • prononçaedje zero-cnoxheu : Prononçaedje a radjouter
• Ricepeures : axho·rer

Viebe

axhorer (viebe å coplemint) (1^ire troke) (codjowaedje)

1. côper l’ goidje.
   • Axhorer on vea. — Motî Rmåke li vî, 1823 (fråze rifondowe).
   • Ça aveut winké come s’ on areut yeu-st axhoré on pourcea. — Jean-Pierre Dumont.
   • C' esteut ene måle keure k' arivéve la. Adofe esteut cåzu a pont et i n aveut dijh djins a nouri. Li cinsî l' vola bén axhorer — Georges Ghys (fråze rifondowe).
2. (pa stindaedje do sinse) touwer.
   • Les ôtes vont-st a l’ avire, s’ arestant po khagnî des raecenes di brouwire, ou po touwer l’ innmi ki vs axhore tot hoûlant, pareys k’ ene binde di leus, ki s’ disputèt ene carcasse ! — Joseph Mignolet, « Al Bèle Fontinne », comèdèye di treûs akes, 1924, p.31 (fråze rifondowe).
   • C’ est mi ki l’ a-st axhoré, ci fås djubet la. Et d’ bon cour eco. — Joseph Lahaye.
   • Nos n’ l’ alans tolminme nén axhorer : c’ est nosse fré, c’ est l’ minme sonk k’ nozôtes. — Lorint Hendschel, Li Djneze (ratournaedje).

Parintaedje

• axhoreu
• axhoraedje
• axhormint

Mots vijhéns

• sigoirdjî
• sititchî

Omofoneye

• (possibe) axhårer

Ortografeyes

Divant 1900 :

• ahoré : E89 ^(lére), E177, E178, E184, E203 ^(lére)
• ahorer : G0

Après 1900, foû rfondou (Feller, Feller ricandjî, nén Feller) :

• ahorer : E1, E34
• achorer : C9
• achorè : C13

E rfondou walon :

• axhorer : R9 ^(lére)

Ratournaedjes

côper l’ goidje

• Francès : égorger ^(fr)

touwer

• Francès : lit. décharner ^(fr), tuer ^(fr), assassiner ^(fr), massacrer ^(fr)