Drovi l' mwaisse menu

Wiktionary β

Miniauge.gifLoukîz a : «par», «pâr»

Ådvins

Flag of Wallonia.svg Walon

Prononçaedje

Adviebe

pår nén candjåve

  1. tot, disk' al fén.
    Dji va pår fini mi ovraedje, divant d' m' apontyî (Motî d' Vervî).
    I l' a falou côper pår.
    Dj' a tricoté pår mi tchåsse (ramexhné pa L. Remacle). T. 2, p. 220-224.
    Les vårlets ont yeu l' tins d' achever pår (A. Laloux).
    C' est on splitchant motî, pår e walon.
    «Sabaye si les cronzoxhs do cô ni vont nén sketer pår ?», k’ ele pinsa, tote angoxheye (L. Mahin dins «Vera»).
    Ti maxhrès l' nute pår so tes foices (A. Bacq).
  2. foirt.
    Vo m' la mierseule, pår mierseule, come dji n' l' a djamåy sitî (E. Gilliard).
    Di cwè k' i s' melèt låvå a Brussele di nos espaitchî d' fé do feu come on-z a todi fwait; ins, si c' est po-z aveur on procès, c' est pår pus biesse d' endè fé (Laurent Dabe).

3. vormint. C' est pår aveur tos les måleurs (Motî d' Vervî). Mins totes les Cwårêyès Tiesses n' ont nén ene pelêye tiesse, edon; årént pår l' air trop biesse (P.H. Thomsin). Si pår li walon est ene fleur k’ a volou crexhe inte les pavés (...), ti serès Måmdiyin, mi fi (B. Collienne). C' est on mot pår walon. Loukîz a : seur, surmint, cler et curé. F. "vraiment, effectivement, réellement, absolument, incontestablement, indubitablement, typiquement".

4. eto, ossu. Si vs alez a Hu, alez pår a Nameur (Motî da Forir). Aboutez m' pår l' ôte (Motî d' Vervî). C' est on naw, on rôleu, et c' est pår ene sôlêye (Motî da Haust). Elle esteut malåde, et vola pår si ome ki mourt (Motî da Haust). I n' travaye pus; pår i boet (Motî del Hesbaye). #I clepéve dedja, et asteure i s' a pår cassé ene djambe (M. Lejoly). Loukîz a : avou ça ki. F. "aussi, donc, également, de surcroît, en outre, en sus, en plus, en même temps, par dessus le marché, pour comble".

5. aprume (po cmincî). Dj' end irè todroet, mins leyîz m' pår magnî (Motî da Haust). Dinez m' pår cénk cintimes, et nos serans cwite (ramexhné di L. Remacle). F. "d'abord, donc".

6. aprume (sortot). C' est pår lu k' est bén arindjî (Motî da Toussaint). Waitans di n' nén fabriker insi trop di sôlêyes, amon les djonnes, pår (M. Chinon). Tos les comedyins, pår les pus djonnes, sont i capåbes di djåzer walon sins accint (M. Slangen). Loukîz a : copurade, copuvite, co pire. F. "surtout, principalement, particulièrement, essentiellement".

7. bén, podbon, djusse. Les bierdjîs, a grande cawêye, L' ont, so m' fwè, pår assuré (Noyé walon). C' esteut matante Delfine ki l' aveut elevé pår (A. Laloux). Elle a seu, pår a ç’ moumint la, k’ elle aléve mori, k’ elle esteut pol Laid Wåtî (L. Mahin). F. "bien, effectivement, réellement, exactement".

8. minme. C' est l' rinne Wilhelmine di Holande, et elle est pår so on velo (E. Sullon). Dji moennrè pår les efants a scole (Motî da Villers). Il a pår boevou l' botaye di tchampagne (Motî del Hesbaye). F. "même, précisément, encore".

9. dabôrd (po mostrer ene sacwè ki va shuve). Ki serè ç' pår cwand k' i djalrè !(Motî da Toussaint). Vola tos les semés fwaits, fijhans pår l' ahenaedje. Ki serè ç' pår cwand i serè maryî ! (Motî del Hesbaye). Loukîz a don. F. "alors, dès lors, donc, ensuite, subséquemment, à plus forte raison, par après".

10 a poenne, a schipe, seulmint. Mins, pår on ptit moumint après, i n’ s’ a pus seu ratni (L. Mahin). F. "à peine".

Ratourneures
  1. >> Vola pår li cwacwa :
  2. >> I fåt pår assoti : c' est po divni sot. F. "c'est inimaginable".
  3. >> et k' il estént co pår : mågré k' il estént co. I s' ont dispité eshonne et k' il estént co pår parints (Motî d' Bastogne).
  4. >> Il ont råyî pår leus canadas : il ont tot råyî leus canadas, il ont fini d' råyî leus canadas. F. "finir de, parachever".
  5. >> C' est pår li foete : c' est clapant, c' est vormint plaijhi. F. " c' est génial".
  6. >> C' est pår li hik : c' est vormint on måleur. F. "c'est désolant, c'est le gros problème".
  7. >> C' est pår li dierin d' tot : c' est l' pire cayet k' on pout rcrinde. F. "la pire catastrophe possible".
  8. >> pår nén; u :
  9. >> nén pår; u :
  10. >> pår gote : surmint nén, vormint nén. Ti n' loukes pår gote a t' sogne (ramexhné pa L. Remacle). Li ci k' a dit k' les noers avént l' muzike dins l' sonk n' a pår seur nén veyou danser des Djupsyins (J.P. Dumont). I nel va pår nén leyî tote seule inla; i dmorrè dlé leye, disk’ a tant k’ ele si dispiete (L. Mahin). Loukîz a : tolminme nén, cwand minme nén. F. "sûrement pas, certainement pas, vraiment pas".
  11. >> pår pont di : vraiymint pont di. Dji n' a pår pont d' coraedje (Motî d' Bastogne). F. "vraiment pas de".
  12. >> C' est pår çoula ! : i n' mankéve pus k' çoula. F. "c'est le comble".
  13. >> Vo l' la pår ! : vo l' la ki vént radjouter l' sinne.
  14. >> co pår : et co avou ça. I n' est nén foirt bea, et il a co pår des lunetes (Motî d' Bastogne). Nosse vatche a co pår må ene pate (Motî d' Bastogne). F. "de surcroît, en outre, pour comble".
  15. >> pår cwand : seulmint cwand. C' est pår cwand vos l' voeroz ki vos seroz sorprins (Motî d' Vervî). Loukîz a : fok. F. "uniquement, seulement".
  16. >> Pår end est i ki : tantea ki. Pår end est i k' il a dvou cwiter l' payis (Motî del Hesbaye). F. "Tant et si bien que".
  17. i fåreut co pår : ci sereut målureus, ci sereut damaedje.
    On n' sait pus trover des ptits roles pol cwarmea d' Måmdey ki djåzèt coranmint walon :: i n' polèt nén djåzer e francès ? :: i fåreut co pår
  18. co pår:
    Si pa est on prijhnî, on pierdant, et ki ls a abandné, co pår (J. Thiry dins "Doze omes"), p. 89.
Parintaedje

pårmint

Mots d' aplacaedje
Sinonimeye
Omofoneye possibe
  • por ("po" divant on prono d' ene sillabe)
  • pâr (coinreçmint, "pa" divant sacwants mots d' ene sillabe : pâr ci, pâr nute))
  • pårt (f.n., boket)
  • pôrt (o.n., po les bateas)
  • pôre (o.n., pitit trô del pea)
Sipårdaedje do mot e 20inme sieke

w. do Levant, w. do Mitan

Ortografeyes

Si vos irîz rnaxhî dins des ôtes motîs, et trover l' mot "pår", riherez ciddé li scrijha do mot ki vos î avoz trové, et l' rahouca do motî el djivêye. Mins l' mot n' est nén todi dins : C1, C13

Ratournaedjes
  • F. "entièrement, intégralement, complètement".
  • F. "très, fortement, entièrement, complètement, intégralement, assez bien".