emantchî

Walon (Rifondou)

Etimolodjeye

Bodje « mantche » avou l’ betchete « e- » d’ ecloyaedje des viebes avou l’ cawete di codjowaedje « -î » des viebes.

Prononçaedje

• AFE :
  • diferins prononçaedjes : /ɛ.mã.ˈt͡ʃiː/ /ɛ.mã.ˈt͡ʃi/ /ɛ.mɔ̃.ˈt͡ʃi/ /a.mã.ˈt͡ʃiː/ /a.mã.ˈt͡ʃi/ /a.mã.ˈt͡ʃɛ/ /a.mã.ˈt͡ʃe/ /a.mwɛ̃.ˈt͡ʃiː/ /ɛ̃.mã.ˈt͡ʃiː/
  • prononçaedje zero-cnoxheu : /ɛ.mã.ˈt͡ʃiː/
• Ricepeures : eman·tchî

Viebe

Djin et tins	Codjowa
Cåzant Ind. pr. (dji, dj’)	emantche
Atôtchî(s) Ind. pr. (vos, vs)	emantchîz
Cåzants Ind. pr. (nos, ns)	emantchans
Rwaitants Ind. pr., nam. (i/il, ele/elle)	emantchnut
Cåzant Ind. fut. (dji, dj’)	emantchrè
Cåzant D.I.E. (dji, dj’)	emantchive
Cåzant Suddj. pr. (ki dji, dj’)	emantche
pårt. erirece (dj’ a, vos av)	emantchî
Ôtes codjowaedjes	come waitî

emantchî

1. (viebe å coplemint) mete (on mantche) a èn usteye.
   • Waite k' i n' a nén co emantchî l' fotche !
2. (viebe å coplemint) ataetchî (ene sacwè) e s' plaece.
   • A droete, ene îpe po-z emantchî so on tracteur.
3. (viebe å coplemint) mete so pî.
   • Leu tchanson fineye, les cawiasses si metnut el tiesse d' emantchî ene coûsse ås toreas — Les crwès dins les bruwères (fråze rifondowe).
   • Tot çou qui l’payis d’Lîdje, li Brabant, li Luxembourg, comptît d’nôbes et d’omes adrètes å bê mèstî des armes, s’y avît d’né radjoû po s’mès’ré* l’onk avou l’aûte è tournwè, qui l’prince-évèque èmantchîv djondant Saint-Jåcques — Joseph Mignolet, "Li Payîs des Sotês", 1926, p. 31-32.
   • Et on s' mete a tuzer a cmint k' on va-st emantchî l' bataye …— Paul-Henri Thomsin, ratournant Astérix amon lès Bèljes, 2022, p. 39 (fråze rifondowe).
4. (viebe å coplemint) fabriker.
   • Aha! Dj' î so! ... Di m' va ... emantchî ene fåsse kerele— Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Les Polonès avént emantchî des rominnes po sawè çou ki rivneut a tchaeconk, a l' après d' ene faflote — Louis Sohy (fråze rifondowe).
   • Emantchî ene fårce avou des chalotes, finmint ctayeyes, des breles et del dragone (J. Delahaut).
5. (viebe å coplemint) edvinter.
   • — I n’a trinte-sîh sôres di canifechtône, lisqué tchûsîrè-t-on, pinse-tu?
     — Tchûsî! bodje-tu, va, on èmantch’rè so pâ so fotche on volapuk flamind èt l’ toûr sèrè djouwé. Les maîsses tîhons n’ sont nin so ’ne djèye dai, fré— Joseph Vrindts, Tot tûsant (1924), Ine sicole flaminde po nos Députés walons, p.49.
6. (viebe å coplemint) scrire, arimer, compozer.
   • Dj' ataka, plin d' prèstance,
     O nosse vigreûs patwès,
     Des bokets d' circonstance
     Èmantchis a l'èsprès!
     — Camille Gaspard.
7. (viebe å coplemint) (sessouwalité) (rabaxhanmint) fé l' amour a (ene comere).
   • C' est ene ki dj' aveut emantchî cwand dj' esteu djonnea.
8. (viebe å coplemint) atraper, rôler.
   • Li vindeu m' aveut bén emantchî.
9. (viebe å prono)
   • Gontrand de Walthéry ! Èn ome da l' imperatrisse… Çoula vout dire k' i gn a ene sacwè ki s' emantche … — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 15 (fråze rifondowe).

Parintaedje

• emantchaedje, emantcheu, emantchreye
• remantchî, remantchaedje

Sinonimeye

• (fé l' amour, tot cåzant platmint) : cougnî, mete li mantche
• (atraper, rôler) : brocter, groujhî; Loukîz a : « groujhî »

Contråve

dismantchî

Rilomêye do mot

Li mot dins on tite di live, di gazete, di soce, di marke

• "Deus galants emantchîs" : comedeye di troes akes da François Loriaux

Ortografeyes

Après 1900, foû rfondou (Feller, Feller ricandjî, nén Feller) :

• inmanchî : O4
• amantchè : S3, S117
• èmontchi : FLor
• èmantchî : C9, E1, E2, E21, E34, O0
• amantchî : O0, S117
• amantcher : S17, S117
• amantchi : C8, O2, S3, S117
• èmantchi : C1, C13
• amwintchî : S117
• inmantchî : O4

E rfondou walon :

• emantchî : R10 ^(lére), R13

Ratournaedjes

ataetchî ene sacwè e s' plaece.

• Francès : attacher ^(fr)

Loukîz l’ motyince : groujhî

• Francès : duper ^(fr), arnaquer ^(fr)

mete so pî

• Francès : organiser ^(fr), créer ^(fr)

edvinter

• Francès : créer ^(fr), inventer ^(fr)

fé l' amour, tot cåzant platmint Loukîz a : cougnî

• Francès : enculer ^(fr), sauter ^(fr), engrosser ^(fr),

si fé catchetmint

• Francès : se tramer ^(fr), se préparer ^(fr)

Pårticipe erirece

	singulî	pluriyal
omrin	emantchî	emantchîs
femrin	emantcheye	emantcheyes

emantchî omrin

1. Pårticipe erirece omrin do viebe "emantchî", ki pout esse eployî come addjectif et come sustantif.

Addjectif

	singulî	pluriyal
omrin	emantchî	emantchîs
femrin padrî	emantcheye	emantcheyes
femrin padvant	emantcheye	emantcheyès

emantchî omrin

1. djondou, atrapé.
   • «Deus galants emantchîs», c' esteut l' tite d' ene comedeye da Françwès Loriaux.
2. astoké.
   • Adon l' moteur foircixh; i petårdêye, hansixh, boerlêye; li batchea monte et s' implixh d' årzeye, la k' s' efoncèt les lujhantès brokes d' acî emantcheyes sol boird — Louis Lagauche, "Li hatche di bronze" (1937), p. 48 (fråze rifondowe).

Sinonimeye

Loukîz a : «Sinonimeye:groujhî»

Ratournaedjes

atrapé Loukîz a : Sinonimeye:groujhî

• Francès : dupé ^(fr), arnaqué ^(fr)

astoké

• Francès : fixé ^(fr), chevillé ^(fr)