Wiccionaire

Wiccionaire:Nosse cåbaret/Egurniyaedjes/2018-2020

< Wiccionaire:Nosse cåbaret

Candidateure po divni manaedjeu

Copleus, copleuses,

Dj' inmreu prinde el caskete di manaedjeu po poleur :

  • candjî les pådjes Mediawiki:Common.css, Mediawiki:Common.js et ôtes pådjes protedjeyes sins todi dmander a Lucyin di l' fé a m' plaece ;
  • eberweter des fitchîs, par egzimpe les imådjes po les pådjes sourdant ;
  • protedjî les diferins modules, modeles foirt eployîs et sinsibes ;
  • disfacer les pådjes Moti:xxx k' ont stî rcopeyes dins l' mwaisse espåce

Si vs estoz d' acoird avou cisse candidateure, vôtez padzo e-n inglès po les mwaisses-manaedjeus so meta. Reptilien.19831209BE1 (discussion) 19 di djanvî 2018 a 16:49 (UTC)

Do you agree with this candidature to make me become an administrator of wa.wiktionary, please vote below (YES/NO) :

Prononçaedje zero-cnoxheu do betchfessî ô

Asteure, on l' mete /oː/, çou ki respond å prononçaedje di Nameur-cinte, et kécfeye di Lidje-cinte (eto d' Ôvîfa).

Pus ki dj' schoûte des bokets e walon, pus k' dji m' abaiti ki li prononçaedje naziålijhî est spårdou long et lådje

  • Årdene (on scrijheu come Pire-Djôzef Dosimont sicrijheut cråndimint "on" (les chîjes aus compons) (/kõpɔ̃/); sistinme Pierret-Mouzon: ö; dins l' Singulîs, asteure, c' est ortografyî ôⁿ. (mins i fåt rsaetchî tote li stindowe do prononçaedje /uː/, del Hôte Seure (Rondu, Vå-dlé-Rozire...)
  • Roman Payis: ortografyî ôⁿ dins C65, metans; parey dins tos les rcweraedjes da Jean-Jacques Gaziaux.
  • Fleuru et tote ene pårteye do Coûtchant walon (dji cnoxhe bén l' prononçaedje da Tiri Dumont) (mins i fåt rsaetchî tote li stindowe do prononçaedje /uː/, di Fosse-li-Veye a Nivele).

Adon, i m' shonne k' on dvreut mete come prononçaedje zero-cnoxheu li scrijha /õ/ ki rprezintreut on long O naziålijhî. Dji rsaetchreu les prononçaedjes avou /ɔ̃/ des prononçaedjes coinreces, po lzès replaecî pa /õ/.

Mi-minme, dji prononce di cisse façon la, et dji contéve ki c' esteut l' minme ki "on". On djoû, dj' a fwait ene asprouve avou Thierry Dumont ki m' fwait ôre ki dji prononcive diferinnmint (metans dins l' fråze d' egzimpe: li ci ki n' ôt k' on son n' ôt k' ene clotche).

Metou a disbate et forbate ossu so les Berdelaedjes.

--Lucyin (discussion) 17 di fevrî 2018 a 20:52 (UTC)

Por mi, c' est ene miete målåjhey paski dji n' etind nole diferince inte les sons /ɔ̃/ et /õ/. Dins vosse responda pa Jacques-Desmet e 2012, dj' etind bén ene diferince inte on /ɔ̃/ et trô mins dji n' pou nén dire si c' est /tʁoː/ u bén /tʁõː/.
Lucyin Mahin

« I gn a, i gn a on gros trô, hin si dj' vos comprins bén, i fåt, i fåt, i fåt ristoper l' trô »
/i‿ɲa i‿ɲa ɔ̃ ɡʁɔ tʁoː ɛ̃ si d͡ʒ‿vɔ kɔ̃pʁɛ̃ bɛ̃ i fɔ i fɔ i fɔ ʁistɔpe l‿tʁoː/
Claudine Mahy

« Et dji n' dimande rén d' ôte, rén d' ôte ki di esse libe. »
/e d͡ʒi‿n‿dimãt ʁẽ d‿oːt ʁẽ d‿oːt ki di jɛs lip/
Fåreut d' ôtes eredjistrumints odios po s' fé ene boune idêye. Reptilien.19831209BE1 (discussion) 20 d' fevrî 2018 a 14:58 (UTC)
Målåjhey a dire... C' est l' vraiy ki dj' ô bråmint des djins dire "kõ" po côp come Lucyin ou Djåke Desmet. D' èn ôte costé i m' shonne cwand minme ki "oː" est pus spårdou.
--Djan Cayron (discussion) 25 di fevrî 2018 a 20:11 (UTC)
Por mi, les deus eredjistrumints (mi eyet Claudine), c' est /õ/. Po m' prôpe prononçaedje, li /oː/, ci sereut pol betchfessî å: saurt, aube, paurt. Dji va sayî di vos ls eredjistrer, po-z ôre li diferince.
--Lucyin (discussion) 27 di djulete 2018 a 09:40 (UTC)

Motî Cambresier

Bondjoû mes djins,

Dji so foirt binåjhe di vos anoncî ki l' discrijhaedje (transcrijhaedje) do Motî Cambresier est fini so Wikisourd. Si vos av ene miete di tins a touwer, et k' vos n' savoz nén cwè fé, vos ploz todi vni rilére ene pådje, coridjî les flotches k' i gn åreut, et l' acertiner (valider). Dji rmerceye Pablo po s' côp d' pôce   Dji va bénrade mete so Wikisourd li Motî Haust, ça va esse on gros ovraedje... Amiståvmint, Reptilien.19831209BE1 (discussion) 19 d' avri 2018 a 19:11 (UTC)

Wikisource e lingaedje walon : Wikisourd ?

A lére so les Berdelaedjes. Reptilien.19831209BE1 (discussion) 6 di may 2018 a 14:10 (UTC)

Tidy to RemexHtml

The Parsing team will be replacing Tidy with RemexHtml at this wiki on 5 July 2018.

Some pages at this wiki use outdated HTML. This change may change the appearance of those pages. Special:LintErrors has a complete list of affected pages.

Read this e-mail message for more information. Read the instructions at mw:Help:Extension:Linter. You can ask questions at mw:Talk:Parsing/Replacing Tidy. Thank you for helping fix these problems.

m:User:Elitre (WMF) 2 d' djulete 2018 a 14:38 (UTC)

Candidateure po wårder m' caskete di manaedjeu

Copleus, copleuses,

Come vos l' savoz, u bén ki vos nel savoz nén, dji so manaedjeu so Wiccionaire dispu (ddja) shijh moes. Èm mandat arive a s' fén li 29 di djulete et c' est l' moumint por vos di m' fé sawè si vos estoz etaits di l' aidance ki dj' vos a-st apoirté dins ç' dominne la, et d' vôter po ricdure (u nén) èm mandat po-z eco shijh moes, ene anêye u po todi. Vôtez padzo avou les modeles {{po}} (si vos estoz d' acoird) shuvou del durêye u bén {{conte}} (si vos n' estoz nén d' acoird). Gråces a tertos. Reptilien.19831209BE1 (discussion) 16 di djulete 2018 a 07:41 (UTC)

Do you agree with this candidature to extand my administrator status for 6 months/1 year/.../forever, please vote below (  Po = YES /   Conte = NO) :

Vola, c' est fwait ! Mins come nosse kiminålté est tote pitite, on n' pout nén dmander on mandat pus long k' ene anêye (c' est novea). Adon, dji vos rdene rindez-vos li 29 djulete 2019 pol minme afwaire. Gråces po vosse afiyance. Reptilien.19831209BE1 (discussion) 30 di djulete 2018 a 04:50 (UTC)

Wiktionary Cognate Dashboard

 
Screenshot of the Hub view

Sorry for writing this message in English. Feel free to help translate it below.

Hello all,

A few months ago, we asked you for feedback about Cognate, the system allowing interwikilinks between Wiktionaries (on main namespace). Several community members gave some suggestions, one of them was to provide statistics about these interwikilinks.

The Wikidata team is pleased to present you the Wiktionary Cognate Dashboard, a website presenting a lot of interesting information about how Wiktionaries are connected to each others. You can find there, for example:

  • the most interlinked Wiktionary entries not having a page on your Wiktionary
  • the number of interlinks between each possible pair of Wiktionaries
  • visualizations of the relationships between different Wiktionaries

To learn more about the tool, you can have a look at the documentation (please help us translating it in your language!). The interface of the tool itself can also be translated in other languages by using this page.

If you find a bug, please let a comment on this Phabricator task or ping me onwiki. Thanks a lot, Lea Lacroix (WMDE) 14 d' awousse 2018 a 13:08 (UTC)

Candidateure po divni manaedjeu d' eterface

Dji n' sai nén cmint vos ratoûnrîz interface administrators (F. administrateur d'interface)…

Bondjoû, dispu l' moes d' awousse i fåt esse manaedjeu d' eterface po poleur candjî tos les fitchîs ki cminçnut pa MediaWiki:, metans Mediawiki:Common.css u Mediawiki:Common.js. Divant, c' esteut les simpes/mwaisses manaedjeus k' avént ces droets la, mins come i nd aveut bråmint (so les ôtes pordjets da Wikimedia) ki n' avént måy metou leus mwins dins l' sûne, çoula a stî veyou come riskeus. Come dj' a fwait sacwants candjmints so ces pådjes la, dj' inmreus rprinde el mwin dsus. Vôtez padzo avou les modeles {{po}} (si vos estoz d' acoird) u bén {{conte}} (si vos n' estoz nén d' acoird). Gråces a tertos. Reptilien.19831209BE1 (copene) 21 di nôvimbe 2018 a 07:30 (UTC)

Do you agree with this candidature to grant me the interface administrator status, please vote below (  Po = YES /   Conte = NO) :

  Done. --MarcoAurelio (copene) 5 di decimbe 2018 a 11:29 (UTC)

dimander on côde ISO pol vî walon

Po porshure avou nost ovraedje sol walon dispu si avnance e 11inme 12inme sieke, i nos fåreut dmander on côde ISO pol vî walon.

Dj' atåvele wao (inglès Walloon-old), a môde di «fro» (French-old) pol vî francès.

Dins l' Live Louwis Rmåke so les mots walons di dvant 1600, gn a ene djivêye d' ene vintinne di documints avou do vî walon.

Gn a ça eto dins TOS les ovraedjes sol toponimeye (cognes des nos d' plaeces sicrîtes divant 1600).

Les documint d' vî walon sont bråmint d' après Lidje, mins end a eto so Bastogne, et end a seur dins les documints d' abeyes did pattavå l' Walonreye.

Dji vén d' mete so les fis èn egzimpe di studia sol vî walon, avou on tite do documint e vî walon (paweilhar) (avou l' cåzu betchfessî "lh" (Li paweyår Djifoû)

Kî çki vout fé ene dimande po çoula al livreye do Congrès come Pablo l' a fwait pol côde «wa»?

E-n atindant, pout on fé on sfwait côde lingaedje po nosse Wiccionaire? (dj' end a dandjî roci.

--Lucyin (copene) 1î d' decimbe 2018 a 09:40 (UTC)

Dji trouve ki c' est ene foirt boune idêye, mins po poleur fé l' dimande va faleur acertiner ki l' vî walon u scrîta (li no et l' dataedje 1100-1600) est eployî pås linwincieus. Si gn a k' Louwis Rmåke eyet s' live, çoula va esse målåjhey, pinse dju. Di pus, cwand on voet les condicions po fé l' dimande, çoula shonne pierdou di dvance : « A language using more than one orthography is not given multiple language codes. » Mins sol wiccionaire on pout sins rujhe eployî wao (u bén fé come po les ôtes côdes : wa-scr, a costé di wa-vsis (1600-1900), wa-fel (1900-ouy, et ki n' est nén todi do Feller) et wa-vrif). L' aroke, c' est k' so les ôtes Wiccionaires (Wikidata et ôtes pordjets da Wikimedia) i gn a ki l' côde wa, tot l' resse, çou n' est k' des variantes ortografikes, tot come li francès avou ses 9 rifômes ortografikes. Reptilien.19831209BE1 (copene) 1î d' decimbe 2018 a 17:10 (UTC)
L' ISO 639-2 c' est po les côdes di deus letes. La, oyi, c' est foirt målåjhey d' end aveur onk.
Mins po les côdes di troes letes c' est pus åjhey pinse dju (et dji croe ki c' est nén les minmes k' elzè dnèt). Loukîz a: https://iso639-3.sil.org/
Srtxg (copene)
On direut bén kel côde wao est ddja prindou pol Wappo, et gn a pus d' plaece po on côde wa*, et vwa (vî walon) est prindou eto. Reptilien.19831209BE1 (copene) 28 di setimbe 2019 a 13:40 (UTC)

Eberwetaedje di motîs so Wikisourd

Bondjoû mes djins,

Djusse on ptit messaedje po vs dire ki dj' a metou les shuvants motîs so Wikisourd francès :

Les shuvants sront E1, FE1 et S38.

Gn a pus k' a riscrire... Si vos vloz dner on côp di spale, mins k' vos n' savoz nén cwè u cmint fé, vos ploz todi vni dmander d' l' aidance so m' pådje di copene. Dji m' magne nén les djins ;-) Reptilien.19831209BE1 (copene) 13 di decimbe 2018 a 11:40 (UTC)

Dins E212 (pådje 12) i gn a ene intrêye "adotez", "s'en adotez"; li viebe « adoter » egzistêye vormint, ou ça sereut purade « è doter », « s' endè doter » ? Srtxg (copene)
Nén dins E89, E203, E1,... c' est putete bén ki Villers fwait 'ne diferince inte li viebe doter (èn nén esse seur, aveur on dote, esse dins l' dote) et (s')adoter (èn nén vormint doter, pinser, imådjiner), come tuzer et atuzer, evnd. Målåjhey a dire por mi. Reptilien.19831209BE1 (copene) 21 di måss 2019 a 08:19 (UTC)
Dj' a eto veyou ki dins l' E212 li betchete e- est pa côps scrîte a- (end a 30 insi dins l' DTW). I fåreut vey kimint k' ki « è, endè » si djhèt avårla (li mot n' est nén dins ès motî... a Bastogne (S0) c' est « a, anna ») Srtxg (copene)

Selection of the Tremendous Wiktionary User Group representative to the Wikimedia Summit 2019

Dear all,

Sorry for posting this message in English and last minute notification. The Tremendous Wiktionary User Group could send one representative to the Wikimedia Summit 2019 (formerly "Wikimedia Conference"). The Wikimedia Summit is an yearly conference of all organizations affiliated to the Wikimedia Movement (including our Tremendous Wiktionary User Group). It is a great place to talk about Wiktionary needs to the chapters and other user groups that compose the Wikimedia movement.

For context, there is a short report on what happened last year. The deadline is very close to 24 hrs. The last date for registration is 17 December 2018. As a last minute effort, there is a page on meta to decide who will be the representative of the user group to the Wikimedia Summit created.

Please feel free to ask any question on the wiktionary-l mailing list or on the talk page.

For the Tremendous Wiktionary User Group, -- Balajijagadesh 16 di decimbe 2018 a 05:56 (UTC)

Modele cawco-i2

A fé roci: Modele:cawco-i2; u purade trover ene piceure po mete ces viebes la dins l' grand modele {{caw}}

--Lucyin (copene) 5 d' avri 2019 a 20:52 (UTC)

Li modele {{caw}} eploye "v" po les cawetes des infinitfs; on l' pôreut adapter po-z aveur v1, v2, v3, v4, v5 po dire li troke ?
ça dinreut : {{caw|i|v5|wa}} (a lére: cawete i des viebes del 5inme troke e walon)
@Reptilien.19831209BE1, cwè ndè pinsez ? c' est mî d' radjouter des "sôres di croejhete" v1,...v5, ou d' radjouter on novea lomé paramete ?
Srtxg (copene)
PS: dj' a radjouté on lomé paramete rif= ; loukîz a ovrè#wa-fel eyet l' aidance di {{caw}} ({{caw|è|s|wa-fel}} : cawete è des sustantifs walons scrîts e feller ki l' rifondowe est oe)
@Srtxg, dji vos shuve pol piceure v1-5, di pus ki c' est åjheymint radaptåve po les ôtès croejhetes, metans dins CO4 -i c'est nén l' cénkinme troke mins l' troejhinme. Si vs av ene miete di tins... dji vos lai fé, asteure ki vos estoz on mwaisse e LUA ;-) Reptilien.19831209BE1 (copene) 6 d' avri 2019 a 16:20 (UTC)
@Lucyin et @Reptilien.19831209BE1 : vola, c' est fwait, dj' a radjouté les parametes di roejhete v1,v2,v3,v4,v5 dins Module:Stitchete; et l' eployî dins cori.
si ça vs shonne bén, on candjrè "cawco-i2"
Srtxg (copene)
Srtxg, on direut bén k' i gn a ene ptite sacwè ki n' va nén avou ci candjmint la : Categoreye:Pådjes avou des flotches di scripe. Metans, avou {{bet|mes|v+a|wa}}. Reptilien.19831209BE1 (copene) 30 d' awousse 2019 a 21:03 (UTC)
gråces, c' est coridjî asteure
Srtxg (copene) 2 d' setimbe 2019 a 01:21 (UTC)
Tot rcandjî ouy.
--Lucyin (copene) 14 di setimbe 2019 a 11:44 (UTC)

AFE po l' و (eployî come voyale) e l' arabe marokin + amazir marokin

C' est nén /u/ mins ci n' est nén /o/ ni /ɔ/, ene sacwè inte les 3.

E portuguès, dins l' Nonne do payis, todi, dji voe k' i tchictèt eto inte o et u.

Pol moumint, dji mete /u/, mins dj' a ddja metou /o/

Kékes eredjistrumints di mots d' arabe marokin

... et di l' amazir marokin

--Lucyin (copene) 19 d' avri 2019 a 21:58 (UTC)

@Lucyin dji mi dmande si c' èn sereut nén /ʊ/   aschoûtez lu (Wikipedia), k' est on son etur /ɔ/ eyet /u/, come l' inglès hook /hʊk/ u co put /ˈpʊt/ (nén vormint on /u/ nén vormint on /o/). Si sreut bén del sawè, paski pol walon, dins One saye di creûjète di nosse patwès (pont d' rahouca : CC1 ?), on pout lére p. 9 pol prononçaedje do sene ô : « inconnu en français ; son intermédiaire entre le ou (fou) et au (beau). On le reproduit facilement en s’exerçant à prononcer de plus en plus vite l’expression « veau ou vache », jusqu’à ce que les deux sons ou-au se confondent en un seul ô. — Môde, crapôte, ôte, rôse. Dans certaines régions (Dinant, par ex.) ce son est remplacé par le suivant oû. Ne pas confondre avec ô de hôtél (mot importé du français). » ; asteure on l' sicrît tofer /oː/, metans crapôte /kʀa.ˈpoːt/, adon ki ci n' sereut nén come çoula k' i s' prononce pattavå, mins eto /kʀa.ˈpʊːt/ ? On pout lére eto so Wikipedia francès k' èç son la est eployî pås canadyins (pås kebecwès, divreu dj' dire), metans route /ʁʊt/. Reptilien.19831209BE1 (copene) 24 di djulete 2019 a 07:50 (UTC)
@Lucyin, por mi c' est bén l' sene /ʊ/, pol walon todi. On l' pout vey dins l' Grosse croejhete Hendschel. C'est l' minme ki dvreut esse eployî po le sene ô dins O2 pask'on lét p. 11 « intermédiaire entre au (ou ô) et oû : pôve, môrt, sôte ». Reptilien.19831209BE1 (copene) 31 d' awousse 2019 a 06:51 (UTC)

walipicård

 Loukîz a : Årtikes avou on lingaedje nén rkinoxhou

Pout on fé on côde lingaedje por lu, come gn a on côde pol et francès d' Beldjike (fr-BE) ?

Ça permetreut:

--Lucyin (copene) 28 di may 2019 a 12:19 (UTC)

Do walon picårdijhî (wa-pcd) ou do picård walonijhî (pcd-wa) ? (ou co vos pinsiz a mete tot eshonne mixhe-maxhe?)
Por mi c' est l' croejhete et l' mwaisse motlî k' est l' prumî critere. Dji m' sovén d' aveur djåzé avou èn ome k' ovréve avou les oizires, dins ene redjon di France astok, eyet metou påzès diyalectolodjisse come "picård" (paski tote li fonetike et fonolodjeye esteut picåde); mins l' motlî et l' croejhete estént bén walones; di fwait, on picård-cåzant nel poleut nén comprinde, adon k' po des walon-cåzants, on trovéve k' il aveut èn accint foirt speciå, mins on compurdeut ttafwait).
Srtxg (copene)
Dj' a radjouté Sourdant:JSig, todi, la wice k' on trouve capia, capiau. Gn a des mots e picård : canter (tchanter) et walon : tché (tchén). Reptilien.19831209BE1 (copene) 28 di may 2019 a 18:53 (UTC)

Noveas sourdants walons

  • C199 (dedja eployî) + E199, S199, O199
  • O97 (dedja eployî)

sol djivêye des motîs --Lucyin (copene) 10 di djulete 2019 a 20:56 (UTC)

  • et co S48 (motlî d' Fumwè, rimetou e walon d' Nonne, paski l' betchfessî ea a l' cogne -é (come e l' Årdene nonnrece + mots come yauk...

--Lucyin (copene) 19 di nôvimbe 2019 a 20:36 (UTC)

Candidateure po… vos cnoxhoz l' tchanson

(Request for administrator and interface administrator rights)

Vola ddja ene anêye ki s' a passé dispu m' dierninne candidateure. Gn a-t i ene sakî k' est conte a çki dj' ercodujhe èm mandat po ’ne anêye di pus ? Vos cnoxhoz l' tchanson : avou les modele {{po}} u {{conte}}. Dins 7 djoûs, si nolu n' a dné d' opôzucion, èm mandat serè rcodût. C' est a vos ! Reptilien.19831209BE1 (copene) 1î d' setimbe 2019 a 09:35 (UTC)

Rinflé ê = mierlong ê

So Wikipedia: Son_ê_rinflé

Dedja forbatou a sacwants plaeces, mins å dvins d' èn ôte tite (rashonné so Berdelaedje).

Å raploû d' Lîle (26 di setimbe), dj' a dmandé si avis a Pascale Renders, ki boute å rmetaedje des scrijhas di l' ALW e-n AFE. Kimint scrire e-n AFI li son noté ɛ̄ ? Response (après awè loukî si éndjole: /æː/

Dji lyi a riscrît après:

Po nosse divize a Lîle a vey avou l' son ê mierdrovou (noté ɛ̄) so l' ALW, et ki vos m' avoz dit scrire /æː/ e-n AFE [API], loukîz on pô l' årtike do wikipedia walon
Gn a èn ôte propôzucion: /ɘ/
Pout-on relére "oficirmint" li scrijha /æː/ ? Kécfeye fé schoûter les eredjistrumints a vos camaerådes di Verba Alpina.

Response:

Cher ami,
J'ai bien reçu votre cadeau et je vous en remercie mille fois. Grâce à vous, je vais pouvoir améliorer ma (faible) connaissance du wallon!
Concernant le son ɛ̄ dans l'ALW, la transcription API /æː/ est celle qui est actuellement proposée dans le cadre du projet APPI. Je transmets votre question à Esther Baiwir (en copie de ce message), qui est plus compétente que moi pour ces questions de prononciation wallonne et pourra certainement répondre à votre question!
Amitiés, Pascale

--Lucyin (copene) 19 di nôvimbe 2019 a 20:45 (UTC)

Scrijhas AFE

Kesses evoyeyes a Philippe Boula shûte a sacwants diferinces inte di nozôtes deus po èn årtike so l' Djåzant atlasse

Penses-tu qu’il vaille mieux noter la nasale <an> /ɑ̃/ comme p. 9. et /ɑ/ pour le <â> de fwârt ? Y aurait-il donc une différence de son entre fwârt (diasystème oi, centre-wallon) et âbe (diasystème å, Ardenne) ?

/ɑ̃/ (script a tilde) est le symbole traditionnellement utilisé pour transcrire la voyelle nasale <an> du français, tandis que le /ɔ/ est le symbole utilisé pour désigner le O ouvert de fort en français standard. Il y avait une inversion dans un de tes mails antérieurs : ouvert est bien le timbre de mon fort, fermé est mon timbre dans faux.
Merci pour les données API. On devra encore réfléchir por les O wallons.

‑eut [ø] (choufleut, [j’aurais écrit] ‑eut [ǝ] (choufleut, [tu entends donc une différence entre ce son et celui de la voyelle instable de Jodoigne, Ellezelles ou Bertrix?]

Pour répondre à une de tes questions, le symbole de l'API e à l'envers est traditionnellement réservé au schwa. Même si le timbre n'est pas très différent, il vaut mieux utiliser le o barré pour la voyelle semi-fermée accentuée, comme dans eux.
Je vois ... à moitié. En français de Belgique, on prononce "eux"  /øː/. Le suffixe -eut des imparfaits namurois est également dans feu, leu [feu, loup = orthographe Feller-sauverdia fë, lë] me semble le même son que le schwa (convention Feller eu = schwa, eû = øː. MAIS en rifondou walon, suite à la désaccentuation eu = /øː/.

Wiccionaire:Dimande di racsegnes so les mots

Po fé come les ôtes Wiccionaires, dj' a-st ahivé cisse pådje la, especiålmint fwaite po dmander åk so les mots, et djel a batijhî tot pozant ene kesse. Ene pådje a mete divins vos pådjes shuvowes. Reptilien.19831209BE1 (copene) 28 d' avri 2020 a 09:20 (UTC)

Li Walofile Gazete

Bondjoû tertos,

Pindant ki dji scrijheu mon prumî årtike po 'm gazete, dj' a askepyî onze noûmots (vir les crås mots) eyet dji vôreu saveur si on poreut les mete sol Wiccionaire ?

Vocial li loyén : https://belletristica.com/en/users/2124-el-gueuye-noere#works

Amiståvmint,

Èl-Gueuye-Noere

Mi dji n' so nén disconte di mete des noûmots sol Wiccionaire, s' on-z a des sourdants ki ls acertinnut. Mins :
  • tecseconte (réquisitoire), avou l' prononçaedje /ksk/, ni respectêye nén l' rîle des troes cossounes ; tecse vout dire adon k' el réquisitoire ni s' fwait ki d' ene sicrîte manire ?
  • reyalisse (réalisme) : reyålisse adon, pask' on-z a ddja rèyålizer et rèyålité divins FE1 avou rèiâlité, rèiâlizé, rèiâlizech divins E203, ki mosterèt bén k' i fåreut wårder l' betchfessî å ; mins dji voe eto sorreyalisse (sorreyålisse ?), pocwè on candjmint yå → ya s' on trouve matériâliss divins E203 et rwèyåliss divins E1 ?
  • rivalijhêynut (rivalisent) / rivalijher (rivaliser) : on trouve dedja rivâlizé divins E203, a costé di rivålizer divins E1 ; adon e Rfondou on divreut scrire avou l' betchfessî å, et come i gn a pont di H do costé d’ Lîdje pont d' betchfessî jh : rivåliznut/rivalizèt ; MINS, c'est l' veur ki mi-minme dj' åreu yeu vite dit rivålijhî, come on dit brutålijhî avou on Z brûtålizer divins E1 u co disbatijhî, dibatizer divins E1.
  • culte (addjectif), setch calcaedje do francès, lu-minme di l' inglès cult, ni respectêye nén nerén l' rîle des troes cossounes ; adon cule come adule et insule ?
  • r(i)masteûriser, minme rimarke ki rivålizer : r(i)masteurizer / r(i)masteurijhî ? avou on -eu- ou bén on -e- (-è-) ? A scole on fwait on masteûr ou on mastèr (mastere) ?
  • toû-del-foice : toû-d(i)-foice ?
Reptilien.19831209BE1 (copene) 26 d' awousse 2020 a 14:56 (UTC)
Dji va rcandjî les mots d'dja egzistants eyet li cis k' sont må scrît. Tenawete, po tecseconte al plaece di l' prononcî, flotchreçmint, [tɛkskõt], on poreut prononcî l' voyale, ci ki dinreut : [tɛksəkõt]. Come çoula, on houwe li rujhe avou li rîle des troes cossoûnes. Po les réquisitoires, is sont djenerålmint scrîts, minme les ci k' on fwait dins les tribunås.
--Èl-Gueuye-Noere (copene) 26 d' awousse 2020 a 16:35 (UTC)
@Reptilien.19831209BE1 : Tot-z savant ki les noûmots ki dj' askepeye dins m' gazete ni vegnnut nén d' ene eciclopedeye obén d' on motî, k' est ç' ki dji doe mete come referince al plaece d' ene djivêye ?
--Èl-Gueuye-Noere (copene) 3 d' setimbe 2020 a 20:05 (UTC)
Sol Wiccionaire, vos vloz dire ? Nos n' avans nén vormint d' politike, mins come çou n' est nén èn årtike eplaidî so papî, si vos vloz di tote foice mete vos noûmots vaici, vos ploz todi eployî l' modele {{s}} dins les egzimpes, avou l' no d' vo-n årtike acpagnté (acpagnî) d’ ene hårdêye, metans : {{s|[https://belletristica.com/en/books/26415-li-walofile-gazete/chapter/119193-el-meyeu-fime-sreut-walon El meyeu fime sreut walon]}}. Si dji sreu a vosse plaece, dji ratindreu co ene gote divant d' fé åk. Gn a-t i vormint ene sacwè ki presse ? Reptilien.19831209BE1 (copene) 3 d' setimbe 2020 a 21:31 (UTC)
Nenni, ç' est seulmint paski vs avoz dmandé a mete des sourdants ki acertinnut les noûmots. Ça m' fwait pinser ki, do côp, dji doe radjouter les sourdants des mots inte di zels dj' a askepyî èn årtike roci.
--Èl-Gueuye-Noere (copene) 3 d' setimbe 2020 a 22:50 (UTC)
Pol betchete porto- dins portagonisse, i m' shonne k' e rfondou c'est proto- (« prumî ») k' a stî ritnou : proton, protozowaire, protocole (di Kioto), Protostrongue (F. protostrongles/Protostrongylus ?). Çou n' est nén l' minme betchete ki por- (F. et Lat pro-, vî francès pour-, « po(r) », « divant ») : pordjet, pormoennåde, porcession, MINS prono (porno ?). Reptilien.19831209BE1 (copene) 4 di setimbe 2020 a 07:36 (UTC)
Dj' a rcandjî portagonisse e protogonisse, veyånmint k' el betchete vout dire pus "prumî" ki "po". Dji replaidî li lisse des noûmots d' el prumî årtike roci scrîts comifåt, dzo :
  • Tecseconte (prononcî : [tɛkskõt])
  • Sordjowaedje
  • Reyålisse
  • Protogonisse
  • Toû-di-foice
  • Libe-parole
  • Permaxhî
  • Consistince
  • Rivålijhî
  • Cule (addjectif)
  • R(i)masteurijhî


Padvant ki dji roveye, s' i vos vloz, dji va bén rade eplaidî m' deujhinme årtike.


Amiståvmint,


--Èl-Gueuye-Noere (copene) 4 di setimbe 2020 a 22:30 (UTC)
Dji vén d' lére l' årtike. Dji riscrireu l' prumî hagnon insi:
Li Walonreye n' est nén foirt kinoxhowe po ses fimes, contråvmint al France u co ås Estats-Unis. Li nombe d' acteurs eyet d' actoresses come li nombe d' ouves, ki nos plans conter avou nos doets sins problinme, dimeurnut eto pitits. Houte di çoula, gn a nolu ki såreut citer èn ovraedje då setinme årt walon, oubén walon-cåzant. C’ est cwè les cåzes ? Po cmincî, i n’ nos shonne nén possibe k' el meyeu fime daegnrece sereut walon.
  • kinoxhowe: femrin come "Walonreye" (addjectif sudjetrece)
  • co: ene seule cogne e rfondou (cor & core dins l' sistinme Feller.
  • fr. de plus: n a des belès tourneures pår walones
  • gn a nolu ki såreut: uzaedje d' ene adrovire (avou tot sudjet nén defini): c' est pus tikipe.
  • fr. rester => w. dimorer u dimani ("rester" mi shonne putoit do francès d' Beldjike).
  • Dji n' comprind nén l' fråze "tertos li leye" do mwaisse tecse.
  • fr "ou" = wa ou / u; å cmince, on n' a nén rprins o ki n' aparexhe k' a deus ponts dins l' ALW 2 notule 72 (avou comintåre: "les formes «o» sont douteuses." Portant gn a bråmint des noû scrijheus ki l' sievnut. A rdisbate a on raploû "rfondeus".
  • fr «quelles sont les… / quel est le…» ni s' ratoûne nén mot pa mot. => c' est cwè les…
  • fr. tout d'abord = wa corant "po cmincî / po comincî". a l' atake = fr en début de (phrase, proposition).
  • Bate di dvize so les noûmots atåvlés:
    • dj' a sovint dmandé k' on fwaiye on candjmint d' voyale å => a pol parintêye del cawete -åle (dobès cawetes -ålijhî, -ålité / -ålté, -ålisse => -alijhî, -alité, -alisse (sorreyalisse), mins ça n' a måy passé dins les raploûs di rfondeus. On pôreut rmete li sudjet sol tåve on djoû. Por mi, on mot come nåcionålité est sorfafloté (dj' åreu meyeu nåcionalité (c' est insi k' on prononce après nozôtes; loukîz ene miete dins Sourdant:S0 kimint k' ça va.
    • tecseconte si divreut prononcî tɛksɛkõt (come dins planeter, boscheter).
    • toû-d'-foice : li di si doet spotchî a cåze do fondaedje do R dins li rfondowe. (disfondowe: toûr di fwace / toûr du foice / tôr dè fwèce). Dji n' metreu pont d' loyeure, come li sinsyince des 3 mots eshonne = li sinsyince di tchaeke des mots.
    • Dji n' sereu nén po mete des noûmots sol Wiccionaire s' i n' ont nén stî "aveuri pa l' uzaedje" (sacwants côps scrîts, si possibe pa dipus d' ene djin).
--Lucyin (copene) 5 di setimbe 2020 a 12:07 (UTC)
Pol Wiccionaire, on î pôreut motoit mete des beas rwalonijhaedjes come portagonisse (vost årtike), egzibicionisse (André Mottet, Rantoele 95). Mins nén "tecseconte", on noûmot brouyî [néologisme opaque], såf si on l' eploye et l' reployî totavå (ça pout esse vos dins vos ôtes årtikes, mins i fåt k' ça rvegne otomaticmint dins vosse tiesse, et si possibe dins vos cåzaedjes (c' est l' mwaisse muzura [critère] po dire k' on noûmot ki vos avoz fwait «va bén».
  • !!! Tite do papî: El meyeu fime sreut walon => El meyeu fime sereut walon (rîle des 3 cossounes; avou ça ki l' cogne nén spotcheye "sereut" (sèreû) esteut l' prumire rifondowe (li spotcheye sreut n' a nén co stî ritnowe oficirmint).
  • Sifwaitmint : toû-di-foice rwaitåve => toû d' foice riwaitåve (po n' nén awè *SRW).
  • awaiteu d' nute noer => awaiteu d' noere nute (addjectifs courts di coleur TODI padvant (såf Gueuye-Noere, k' est on calcaedje do francès, come Payis-Noer, et martchî-noer, ki dj' î mete des loyeures come a feu-rodje).
--Lucyin (copene) 5 di setimbe 2020 a 13:18 (UTC)
fime-cule: dji cwir après ene ôte tournure dispu bele ådje (cule, c' est si près di cul ki ça n' mi bote waire). Dj' end aveu trové ene, mins dji l' a rovyî. mier fime ? (mier come dins miercopete = extrème sommet). Li mot "culte" dins "culte des saints" = siervaedje des sints. Mins nén eployåve cial. On pôreut eto atåvler "copete-fime" come "copete-modele" (top modèle). A vos d' decider.
--Lucyin (copene) 5 di setimbe 2020 a 13:31 (UTC)


Dj' a rcoridjî l' pupårt des flotches avou l' tite, insi k' les cîs des noûmots ki dj' aveu askepyî. Dji tchicte avou l' awaiteu d' nute noer, inte di zels vos (@Lucyin) acdinoz awaiteu d' noere nute, pask' i c' est nén l' nute k' est noer, mins bén l' awaiteu.
Dank brånmint des côps, a vozôtes deus (@Lucyin eyet @Reptilien.19831209BE1) po awè dicåçté vosse tins so m' prumî årtike.
--Èl-Gueuye-Noere (copene) 5 di setimbe 2020 a 15:55 (UTC)

Candidateure po… vos cnoxhoz l' tchanson (2)

(Request for administrator and interface administrator rights)

Vola co ene anêye ki s' a passé, et c' est l' momint por mi di rdimander ene ralondje po ene anêye di pus, si vs estoz todi d' acoird avou çoula. Vos cnoxhoz l' tchanson : avou les modeles {{po}} u {{conte}}. Vos avoz 7 djoûs. C' est a vos, mes djins ! Reptilien.19831209BE1 (copene) 10 di setimbe 2020 a 21:31 (UTC)

  •   Po : Djè vos sohaite bén boune aweure po vosse troejhinme candidateure. Nos vs avans bén dandjî. Tot-z espwerant k' vos åroz on djoû on podbon mandat, plait-st a Wikimedia. --Èl-Gueuye-Noere (copene) 10 di setimbe 2020 a 22:44 (UTC)

  Fwait ! vaici. Reptilien.19831209BE1 (copene) 18 di setimbe 2020 a 11:56 (UTC)

Wiktionary sitelinks dashboard: URL update

Hello all, and sorry for writing in English. Feel free to translate this message below.

The Wiktionary Cognate Dashboard presents interesting data about the extension powering your sitelinks. I just wanted to let you know that the URL of this tool changed: it is now accessible at https://wiktionary-analytics.wmcloud.org/Wiktionary_CognateDashboard/ . The former URLs, https://wmdeanalytics.wmflabs.org/Wiktionary_CognateDashboard/ and https://wdcm.wmflabs.org/Wiktionary_CognateDashboard/ , will be disabled on September 25th. Don't forget to update your documentation pages accordingly.

If you have questions about the tool or the URL switch, feel free to ping me. Cheers, Lea Lacroix (WMDE) 14 di setimbe 2020 a 11:46 (UTC)

Conzultåcion del redjon walone sol waibe

Bondjoû tertos,

Li Redjon walone orgånize ene conzultåcion sol waibe. Dj' a d'dja propôzé deus tchôzes, inte di zels onk so les lingaedjes di Walonreye. Vocial li loyén : https://www.mawallonie.be/posts/52561-encourager-les-langues-de-wallonie

N' tchictez nén a dner vost idêye.

P.S. : li forom "Berdelaedjes" est aroké enute.

Amiståvmint,

Èl-Gueuye-Noere

@Èl-Gueuye-Noere : dji n' a nén co tot rléjhou, mins :
  • « La Wallonie possèdent possède plusieurs langues »
  • « Or, ces langues de Wallonie représente représentent »
  • « Culturel, parce qu'ils elles permettent de mieux connaître la culture wallonne. » (elles si c' est on prono po les langues ?)
  • ...

Reptilien.19831209BE1 (copene) 1î d' decimbe 2020 a 12:17 (UTC)

I nd a co d' otes, mins dji voe k' vos poloz pus candjî l' tecse ! Reptilien.19831209BE1 (copene) 1î d' decimbe 2020 a 12:36 (UTC)
Dj' en d' a veyou ene ôte èn "ils" al plaece d' èn "elles". Ç' est cwand on scrît rade, sins si rilére. XD
--Èl-Gueuye-Noere (copene) 1î d' decimbe 2020 a 12:40 (UTC)

Novea messaedje del mwaisse pådje

Traduction de  : je n'ai peur de rien  ! — Ci messaedje ci, nén siné a stî scrît pa l’ IP 2a02:2788:844:6fe:154:963d:76f0:3cc9 (copiner).

Bondjoû a vos eto ! Mot a mot : dji n’ a peu d’ rén ! On poreut dire eto : gn a rén ki dj’ a sogne !. Reptilien.19831209BE1 (copene) 2 d' decimbe 2020 a 19:24 (UTC)
Prin del pådje «https://wa.wiktionary.org/w/index.php?title=Wiccionaire:Nosse_cåbaret/Egurniyaedjes/2018-2020&oldid=349406»