toutchî

Walon (Rifondou)

Etimolodjeye

Tayon-bodje latén « toccare », lu-minme fwait so on mot-brut «tok» (come «toker»), çou ki dene on mot avou l’ cawete « -î ».

Prononçaedje

• AFE :
  • diferins prononçaedjes : /tu.ˈt͡ʃiː/ /tu.ˈt͡ʃi/ /tu.ˈt͡ʃɛ/ /tu.ˈt͡ʃe/
    • (pa rfrancijhaedje) /tu.ˈʃe/ /tu.ˈʃɛ/ /tu.ˈʃi/ /tu.ˈʃiː/
  • prononçaedje zero-cnoxheu : /tu.ˈt͡ʃiː/
• Ricepeures : tou·tchî

Viebe

Djin et tins	Codjowa
Cåzant Ind. pr. (dji, dj’)	toutche
Atôtchî(s) Ind. pr. (vos, vs)	toutchîz
Cåzants Ind. pr. (nos, ns)	toutchans
Rwaitants Ind. pr., nam. (i/il, ele/elle)	toutchnut
Cåzant Ind. fut. (dji, dj’)	toutchrè
Cåzant D.I.E. (dji, dj’)	toutchive
Cåzant Suddj. pr. (ki dji, dj’)	toutche
pårt. erirece (dj’ a, vos av)	toutchî
Ôtes codjowaedjes	come waitî

toutchî

1. (viebe å coplemint) (disconsyî uzaedje) djonde fizicmint.
   • Dji vos disfind del toutchî — Motî d’ Cînè (fråze rifondowe).
   • Ou bén s' on l' toutche, ele brait k' on lyi va xhiyî s' pea d' couti, çoula fwait ki l' mame dit todi a s' båshele : — Joseph Vrindts, « Li pope d'Anvers » (1896), p.7 (fråze rifondowe).
2. (viebe å coplemint) djonde a poenne.
   • I m' a toutchî do dbout di s' doet — Motî d’ Nivele (fråze rifondowe).
3. (v. å coplemint nén direk eployî avou li dvancete « a ») (dins ene fråze di noyaedje) : (èn nén) prinde ene sacwè k' est a poirtêye.
   • Todi est i, ki Djermwinne k’ aveut djusse dandjî d’ èn oû po s’ coujhene, et ki n’ åreut oizou toutchî a l’ cwåtron apresté po l’ martchand, a corou a catchete å poyî — Jacques Desmet, On Sånî a pårt.
4. (viebe å coplemint) djonde li cour, les sintimints.
   • Ça n’ mi toutche nén — Motî d’ Cînè (fråze rifondowe).
   • E l' veyant sofri, ça m' a bråmint toutchî — Motî d’ Nivele (fråze rifondowe).
   • C' est ene muzike ki m' toutche e l' åme — Albert Maquet (fråze rifondowe).
5. (viebe å coplemint) djonde avou ene åre (bale, fritche).
   • Li singlé a stî toutchî al sipale.
6. (viebe å coplemint) riçure des cwårs (k' on-z î a droet).
   • Il a toutchî des cwårs — Motî d’ Cînè (fråze rifondowe).
   • (Elle n' a nén co) toutchî s' pinsion — Motî d’ Nivele (fråze rifondowe).
   • Neni, i gn a rén a fé di ç’ costé la. Li boûsse m’ a bouxhî djus. C’ est ç’ trô la k’ i m’ fåt stoper avou çou k’ dji va toutchî do notaire. — Louis Lagauche, Les bwèh'lîs, 1948, p.17 (fråze rifondowe).
7. (viebe å prono) : Loukîz a : « si toutchî »..

Ratourneures

1. sins awè l’ air d’ î toutchî
   • Martchî conclu, Tchekischite s' è va å rindez-vous, franc come on tigneus, mins portant sins aveur l' air d' î toutchî — Joseph Dufrane (fråze rifondowe).
2. toutchî on mot
   • Dji lyi end a toutchî on mot — Motî d’ Nivele (fråze rifondowe).

Parintaedje

(minme sourdant etimolodjike)

• atôtchî, atôtchance

Sinonimeye

• (djonde fizicmint) : djonde, adjonde; Loukîz a : « djonde »
• (djonde a poenne) : aduzer, schaver, betchî, avinde; Loukîz a : « aduzer »
• (djonde les sintimints) : mouwer, avinde
• (djonde avou ene åre) : acsure
• (riçure des cwårs) : lever

Fås amisse

po les diferinces d' uzaedje inte li walon «toutchî» et l' francès «toucher», Loukîz a : «toucher»

Ortografeyes

Après 1900, foû rfondou (Feller, Feller ricandjî, nén Feller) :

• touchî : O4
• toutcher : S117
• touchi : C13
• toutchî : S117, S109
• touchè : S117
• toucher : E165 p. 102, S117

E rfondou walon :

• toutchî : R10 ^(lére)

Li mot n’ est nén dins : R13

Ratournaedjes

djonde fizicmint Loukîz a : djonde

• Francès : toucher ^(fr)

djonde les sintimints

• Francès : toucher ^(fr), émouvoir ^(fr)

èn nén prinde ene sacwè k' est a poirtêye

• Francès : ne pas toucher ^(fr) (à)

djonde avou ene åre

• Francès : toucher ^(fr), blesser ^(fr)

riçure des cwårs

• Francès : toucher ^(fr), encaisser ^(fr)

Pårticipe erirece

	singulî	pluriyal
omrin	toutchî	toutchîs
femrin	toutchîe	toutchîes

toutchî omrin

1. Pårticipe erirece omrin do viebe « toutchî ».
   • I m' a toutchî do dbout di s' doet — Motî d’ Nivele (fråze rifondowe).