asblawi

Walon (Rifondou)

Etimolodjeye

Bodje « blaw- » ‎(« blåw »), avou l’ dobe betchete « as- » des viebes, avou l’ cawete di codjowaedje « -i » des viebes.

Prononçaedje

• AFE :
  • diferins prononçaedjes : /az.bla.ˈwi/ /az.blœ.ˈwi/ /az.blɛ.ˈwi/ /az.bløː.ˈwi/ /az.bly.ˈwi/ /az.bloː.ˈwi/ /az.blaː.ˈwi/ /az.bla.ˈwœ/ /ɛz.bla.ˈwi/ /ɛz.blaː.ˈwi/ /ɛz.blu.ˈwi/ (36 prononçaedjes)
  • prononçaedje zero-cnoxheu : /az.bla.ˈwi/
• Ricepeures : as·bla·wi

Viebe

Djin et tins	Codjowa
Cåzant Ind. pr. (dji, dj’)	asblawi / asblawixh
Atôtchî(s) Ind. pr. (vos, vs)	asblawixhoz
Cåzants Ind. pr. (nos, ns)	asblawixhans
Rwaitants Ind. pr., nam. (i/il, ele/elle)	asblawixhnut
Cåzant Ind. fut. (dji, dj’)	asblawirè / asblawixhrè
Cåzant D.I.E. (dji, dj’)	asblawixheu
Cåzant Suddj. pr. (ki dji, dj’)	asblawixhe
pårt. erirece (dj’ a, vos av)	asblawi
Ôtes codjowaedjes	come prusti

asblawi (viebe å coplemint)

1. rinde come aveule, tot djåzant d’ ene foite loumire.
   • Li solo m’ asblawit.
   • I s’ amuze a-z asblawi les djins avou l’ solea dins on muroe.
   • Tot d’ on côp, on fourit asblawis pa ene grosse toitche.
2. (imådjreçmint) fé po vanter, po mete e valeur.
   • I pinséve m’ asblawi avou tos ses flaflas.
   • Il esteut cråndimint asblawi pås idêyes recsisses.
   • Li tåve esteut covrowe d’ ene mape, blanke come l’ ivier, et gn aveut des fenès pôrçulinnes a vs asblawi — Lorint Hendschel, ratournant pa Andersen.
3. adawyî.
   • I s’ a leyî asblawi pa ene feme ki n’ valeut nén tripete.
4. emantchî (rôler).
   • I saye di nos asblawi avou tos ses ramadjes.
   • Ele l’ a asblawi avou ses bounimints.
   • C’ est twè k’ m’ a-st asblawi la, tot djhant k’ c’ esteut m’ colon ! — Henri Simon, « Li bleû-bîhe » 1886, (eplaidaedje da Jean Haust e 1936), p.27 (fråze rifondowe).
5. (viebe å prono) : Loukîz a : « s’ asblawi ».

Ratourneures

1. asblawi avou des foitès loumires : (imådjreçmint) mostrer a tertos ene sakî, on payis.
   • Les petaedjes di bombes do 16 di may 2003 ont asblawi l’ Marok avou les foitès loumires di l’ actouwalité eternåcionåle. — Lucyin Mahin.

Parintaedje

• asblawixhant
• asblawixhaedje, asblawixhmint
• asblawixheu, asblawixheus

Sinonimeye

• asbåbli, sblawi, blawi

(adawyî)

• andoûler
• amidjoler

Mots vijhéns

• sdôrner, brouyî, aveuler
• atourner, emacraler.

Ortografeyes

Divant 1900 :

• ableùwi : C9a ^(lére)

Après 1900, foû rfondou (Feller, Feller ricandjî, nén Feller) :

• èsblawi : E1
• èzblawi : E1
• asbleuwi : C1, C9, O0, O2, O4
• èsblouwi : E1, HSim
• asbluwi : O2
• èsblâwi : E21
• asblèwi : C8
• èzblouwi : E1
• asbleûwi : C13

E rfondou walon :

• asblawi : R9 ^(lére), R10 ^(lére), R13

Ratournaedjes

espaitchî d’ bén vey, tot djåzant d’ ene foite loumire Loukîz a : asblawi

• Arabe marokin : 3ma =‎ عمى = عْمى
• Almand : blenden ^(de)
• Inglès : to dazzle ^(en)
• Espagnol : obnubilar ^(es), encandilar ^(es)
• Francès : éblouir ^(fr), aveugler ^(fr)
• Neyerlandès : verblinden ^(nl), blenden ^(nl)

(imådjreçmint) po mete e valeur

• Francès : éblouir ^(fr), impressionner ^(fr), fasciner ^(fr), séduire ^(fr)

adawyî

• Francès : séduire ^(fr), tenter ^(fr), aveugler ^(fr), attendrir ^(fr)

emantchî

• Francès : tromper ^(fr), duper ^(fr), embobiner ^(fr), leurrer ^(fr)

asblawi avou des foitès loumires

• Francès : mettre sous les feus de la rampe, sous les projecteurs

Pårticipe erirece

	singulî	pluriyal
omrin	asblawi	asblawis
femrin	asblaweye	asblaweyes

asblawi omrin

1. Pårticipe erirece omrin do viebe "asblawi".
   • Tot d’ on côp, on fourit asblawis pa ene grosse toitche.

Addjectif

	singulî	pluriyal
omrin	asblawi	asblawis
femrin padrî	asblaweye	asblaweyes
femrin padvant	asblaweye	asblaweyès

asblawi omrin (come addjectif djondrece, metou padvant u padrî l’ no)

1. ki dmane come dizo èn estchantmint.
   • Nos estans asblawis pa tot çou k’ est scrît, come estant "mî" k’ ene sacwè ki n’ est "ki" dit. — Lorint Hendschel.
   • Zabete, leye, ele li dveut co vey voltî, asblaweye k’ elle esteut dispu estant tote djonnete. — José Schoovaerts.
   • Li skiron, tot asblawi
     Ni saveut pus k’ lyi dire merci. — P. Lassence.
2. ki dmeure sins rén poleur dire.
   • Dji dmoréve la, eclawé, asblawi, avou m’ boke å lådje, e sayant d’ ramexhner les sovnances eyet les istweres racontêyes dissu l’ Turkeye. — Lorint Hendschel, So l’ Anuti.
   • Mi, s’ on poleut fé des siermints, dji raetchreu mi åme, la, divant vos, po vos assurer ki dji so vraiymint asblawi des belès imådjes: kés beas portraits di l’ Argayon et di s’ famile! — Michel Renard.
   • Pus tård, dj’ a discovrou (fén asblawi, èn ome !) totes les ritchesses do vocabulaire et des belès letes di totavå l’ Walonreye. — Lucyin Mahin.

Sinonimeye

• (ki ki dmane come dizo èn estchantmint): andoûlé; Loukîz a : « andoûlé »
• (ki dmeure sins rén poleur dire): ståmusse; Loukîz a : « ståmusse »

Ratournaedjes

• F. ébloui, admiratif, enthousiasmé, impressionné, fasciné, séduit, émerveillé, obnubilé.
• F. ahuri, stupéfait, interloqué.