ôre

Walon (Rifondou)

Dobès rfondowes

ôre

oyî

Etimolodjeye 1

Tayon-bodje latén « audire » (minme sinse), ridaedje del troke "au + cossoune" eviè "ô + cossoune", Dataedje do mot : 1150.

Prononçaedje

• AFE :
  • diferins prononçaedjes : /õʀ/ /oːʀ/ /ɔ̃ʀ/ /uːʀ/ /ɔj/ (betchfessî ô)
  • prononçaedje zero-cnoxheu : /õʀ/
• Ricepeures : nén rcepåve

Viebe

Djin et tins	Codjowa
Cåzant Ind. pr. (dji, dj’)	ô
Atôtchî(s) Ind. pr. (vos, vs)	oyoz
Cåzants Ind. pr. (nos, ns)	oyans
Rwaitants Ind. pr., nam. (i/il, ele/elle)	oynut
Cåzant Ind. fut. (dji, dj’)	ôrè
Cåzant D.I.E. (dji, dj’)	oyeu
Cåzant Suddj. pr. (ki dji, dj’)	oye
pårt. erirece (dj’ a, vos av)	oyou

ôre (v. å coplemint)

1. (mot d’ fiziolodjeye) divni consyin d' on brut.
   • Di ces trevéns ci, nos oyans tofer ragadler ki nosse Waloneye est bén malåde, po n' nén dire k' elle est presse a mori Modele:JFie
   • Schoûtez, on bouxhe les tchambes. Oyoz vs ? — Joseph Lahaye (fråze rifondowe).
   • Vo t' la-st e purete å solea; Ôss les clotches ki sounèt-st a vepes ? — Léon Warnant (fråze rifondowe).

Ratourneures

1. ôre clair : bén etinde.
   • Il ôt co clair po si ådje.
2. ôre deur : èn pus bén ôre.
   • Li professeur Solea oyeut deur.
3. dj' ô bén : fråzlete ki cmince ene esplikêye so l' mot, li ratouneure k' i gn a dvant.
   • L' ametou n' aveut nou droet di prinde on coutea et di mancî l' ameteuse, cwand dischovra l' potêye, dj' ô bén li frekintaedje di Vera Aminievna Tchoubarov, l' ameteuse, avou si prôpe soçon. — Lucyin Mahin, Vera. F. « c'est-à-dire, cela signifie, j'entends par là ».
4. dj' els ô co : dji m' sovén mo bén di çou k' i djhént.
5. pire ôt ele ? brike ôt ele ? si pire ôt, brike ôt : ene pire, est ç' ki ça etind bén ? et ene brike ? si l' pire etind bén, li brike avou (advinea k' on dit tot d' ene trake: "Pirontelle-Bricontelle, six Piron-Bricon", et dmander çou k' ça vout dire).

Parintaedje

• oyi (dobe rifondowe)
• oyaedje,
• oyant, oyante, oyance
• oyon 2
• rôre

Sinonimeye

etinde, oyi

Dizotrins mots

• schoûter
• brut, son

Ortografeyes

(ôre et oyî)

Après 1900, foû rfondou (Feller, Feller ricandjî, nén Feller) :

• ôre : E1, S117
• oy : FE1 a "entendre"
• oyeû : FE1 a "entendre"

E rfondou walon :

• ôre : R10 ^(lére), R11 ^(lére), R13

Li mot n’ est nén dins : C8, O4

Ratournaedjes

divni consyin d' on brut Loukîz a : etinde

• Catalan : sentir ^(ca)
• Inglès : to hear ^(en)
• Espagnol : oír ^(es)
• Francès : ouïr ^(fr) (vî mot)
• Gåmès : oyi
• Neyerlandès : oren ^(nl)

Etimolodjeye 2

Tayon-bodje latén « ordo » (rang, rindjeye, classe di djin, spårdaedje todi l' minme)

Prononçaedje

• AFE :
  • diferins prononçaedjes : /oːʀ/ /oːʀt/ /ɔʀt/
  • prononçaedje zero-cnoxheu : /oːʀ/
• Ricepeures : nén rcepåve

Sustantif

singulî	pluriyal
ôre	ôres

ôre o.

1. parole ou scrît po-z oblidjî ene sakî.
   • Dji n' a pont d' ôre a rçure di twè !
2. manire di mete (des djins, des sacwès, ene après l' ôte.
   • Normålmint, les mots si rindjèt dins l' ôre sudjet + viebe + coplemint, mins, tenawete, l' ôre pout candjî. — Lorint Hendschel.
3. estance d' ene plaece k' est bén rindjeye.
   • L' ôre, c' est d' l' ôr.
4. (biyolodjeye) digré dins l' classifiaedje sincieus des biesses ou des plantes ki s' trouve inte li classe eyet l' famile.

Parintaedje

• ordoner, ordonance
• ordiner, ordinåcion
• dizôre, dizôrner

Mots d’ aplacaedje

• ôre alfabetike
• ôre cronolodjike

Sinonimeye

• (mot po-z oblidjî ene sakî) : kimand, kimandmint

Contråve

• (mot po-z oblidjî ene sakî) : contrôre
• (estance d' ene plaece k' est bén rindjeye) : dizôre, assonre, arnåjhe, plaece cou dzeu cou dzo

Ortografeyes

Après 1900, foû rfondou (Feller, Feller ricandjî, nén Feller) :

• ôr : E1
• orde : C8, E1, O4
• ôrde : E1

E rfondou walon :

• ôr : R15 (rifondaedje ricandjî enawaire)
• ôre : R10 ^(lére), R13

Ratournaedjes

kimandmint

• Arabe : 'amr =‎ أمر ^(ar) = أمْر ^(ar)
• Inglès : order ^(en)
• Francès : ordre ^(fr)
• Neyerlandès : oorde ^(nl)

manire di mete des djins ou des sacwès

• Arabe : ترتيب ^(ar) = تَرْتِيب =‎ tartîb
• Inglès : order ^(en)
• Francès : ordre ^(fr)
• Neyerlandès : oorde ^(nl)

digré d' classifiaedje sincieus

• Francès : ordre ^(fr)

ôres di l' eglijhe di Djerpene

Etimolodjeye 3

Tayon-bodje latén « organum » (sinse di machine).

Prononçaedje

• AFE :
  • diferins prononçaedjes : /oːʀ/ /oːʀk/ /ɔʀk/
  • prononçaedje zero-cnoxheu : /oːʀ/
• Ricepeures : nén rcepåve

Sustantif

singulî	pluriyal
ôre	ôres

ôre f.

1. (muzike) sôre d' instrumint d' muzike å shoflaedje avou toplin des touwires, et ene taprece come on piyano, k' on mete sovint dins les eglijhes.

Parintaedje

• organisse
• organistrom

(minme sourdant etimolodjike)

• organe

Mots vijhéns

årmoniom

Dizotrins mots

shofelreye

Ortografeyes

Après 1900, foû rfondou (Feller, Feller ricandjî, nén Feller) :

• ôr : E1
• orgue : E1

E rfondou walon :

• ôre : R10 ^(lére)

Ratournaedjes

instrumint d' muzike

• Almand : Orguel ^(de)
• Inglès : organ ^(en)
• Espagnol : órgano ^(es)
• Francès : orgue ^(fr)
• Neyerlandès : orgel ^(nl)

Waitîz eto

Lijhoz l’ årtike ôre (discramiaedje) so Wikipedia