oyi

Walon (Rifondou)

Etimolodjeye

Tayon-bodje latén « hoc ille est » (c’ est çoula), pal voye vî lingaedje d’ oyi « oïl ».

Prononçaedje

Loukîz a : « åy »

• AFE :
  • diferins prononçaedjes : /ɔ.ˈji/ /ɔ.ˈjə/ /ɔj/ (waitîz cial ådzo e hagnon «ortografeye»)
  • prononçaedje zero-cnoxheu : /ɔ.ˈji/
• Ricepeures : nén rcepåve

Mot-fråze

oyi (nén candjåve)

1. response po dire ki c’ est l’ veur, k’ on-z est d’ acoird.
   • — Estoz d’ Fosse, vos ?
     — Oyi ! Né-natif, sapinse k’ on n’ dit.

Ratourneures

1. oyi mins nonna
2. oyi, saiss / oyi, savoz; oyi, va / oyi, alez oyi, ça; oyi, taiss / oyi, taijhoz; oyi, da, oyi, dê

Mots d’ aplacaedje

• oyida (oyi, da)
• lingaedje d’ oyi

Sinonimeye

• awè
• åy, way
• (rafoircixhas dins ene rafoirceye response) : taiss k’ åy, oyida, assuré, seur, bén seur, ciete, come di djusse, naturelmint

Mots vijhéns

• (avou ene kesse nonniatrece): siya
• (mostere k’ on-z est d’ acoird): iva / i va / k’ i våye; oké

Contråve

non, neni, nonna

Sipårdaedje do mot

w. do Mitan, w. do Coûtchant (Ess)

Ortografeyes

(oyi & åy)

Divant 1900 :

• ayi : E177a
• oyi : E177a
• oie : E177a
• aie : E212

Après 1900, foû rfondou (Feller, Feller ricandjî, nén Feller) :

• aye : E165 p. 146.
• ây : S17 p. 239, S117
• âyi : E34
• oy : C65
• ayi : C1, C8, C9, O0, S17 p. 239, S117
• ayîy : C1
• åyi : E213 (a "awè")
• â : E2
• auy : S17 p. 239, S117
• oyi : C9, C99, O0, O90
• a.y : S109
• ôy : S17 p. 239, S117

E rfondou walon :

• åy : R9 ^(lére), R10 ^(lére)
• oyi : R10 ^(lére), R13

Li mot n’ est nén dins : E1, E200, O100

Ratournaedjes

response po dire k’ on est d’ acoird, ki c’ est l’ vraiy

• Arabe : نعم ^(ar) = نَعَم =‎ na3am
• Arabe marokin : اه ^(ary) =‎ ah; واه ^(ary) =‎ wah
• Almand : ja ^(de)
• Inglès : yes ^(en)
• Espagnol : sí ^(es)
• Francès : oui ^(fr)
• Neyerlandès : ja ^(nl)
• Occitan : oc ^(oc)
• Rûsse : да ^(ru) (da)
• Sarde : eja ^(sc)
• Kimon amazir marokin : ⵢⴰⵀ ^(zgh) =‎ yah; ⵄⴰⴷ ^(zgh) =‎ 3ad

Adviebe

oyi (nén candjåve)

1. dins ene ristitcheye fråzlete, fwait come si li schoûteu åreut yeu dmandé cwè.
   • Dj’ aveu-st atchté sacwants kilos d’ farene (oyi, on n’ såreut fé avou çk’ on a å ravitaymint) : dj’ els a payî vint francs. — Motî Alphonse Massaux (fråze rifondowe).

Ratournaedjes

oyi

• Francès : effectivement ^(fr)

Walon (sistinme Feller)

Prononçaedje

• AFE : /ɔ.ˈji/

Viebe

oyi (v. å coplemint)

1. oyî (ôre, etinde).

Ortografeyes

Après 1900, foû rfondou (Feller, Feller ricandjî, nén Feller) :

• oy : FE1 (a « entendre »)
• oyeû : FE1 (a « entendre »)

Gåmès

Viebe

oyi (v. å coplemint) (dj'ô, dj'oyans)

1. ôre / oyî

Ortografeyes

Totes les ortografeyes :

• hôr : Gm1 (a « oï »)
• ôre : Gm1 (a « oï »)
• oyi : Gm1
• oï : Gm1