xherbiner

Walon (Rifondou)

Etimolodjeye

Tayon-bodje vî francike * « skrepan » (greter, screper), avou vuzlaedje p<b ey, avou rbetchfessaedje do R ey avou l’ dobe cawete « -iner » des viebes; mot cité dins l’ FEW 134 a.

Prononçaedje

• AFE :
  • diferins prononçaedjes : /hɛʀ.bi.ˈne/ /ʃɛʀ.bi.ˈne/ /ʃɛʀ.bi.ˈnɛ/ /t͡ʃɛʀ.pi.ˈne/ /kɛʀ.pi.ˈne/
  • prononçaedje zero-cnoxheu : /ʃɛʀ.bi.ˈne/
• Ricepeures : xher·bi·ner

Viebe

Djin et tins	Codjowa
Cåzant Ind. pr. (dji, dj’)	xherbene
Atôtchî(s) Ind. pr. (vos, vs)	xherbinez
Cåzants Ind. pr. (nos, ns)	xherbinans
Rwaitants Ind. pr., nam. (i/il, ele/elle)	xherbinnut
Cåzant Ind. fut. (dji, dj’)	xherbinrè
Cåzant D.I.E. (dji, dj’)	xherbinéve
Cåzant Suddj. pr. (ki dji, dj’)	xherbene
pårt. erirece (dj’ a, vos av)	xherbiné
Ôtes codjowaedjes	come copiner

xherbiner

1. (v. sins coplemint) (mot d’ zolodjeye) greter al tere (tot djåzant d' ene biesse).
   • Li poye xherbene dins l’ansinî.
   • Les poyes xherbinèt dins l' tere — Motî d’ Bastogne (fråze rifondowe).
   • I xherbinèt a s' distchåssî les doets.
   • Nosse tchivå a l' tins lon; waite coume i xherbene — Motî Haust-Goffinet d' après l' Tchestea (fråze rifondowe et rarindjeye).
   • Li vatche est assawêye : ele xherbene po-z aler pus lon — Motî Haust-Goffinet d' après l' Tchestea (fråze rifondowe et rarindjeye).
   • Li torea cmince a s' côrcyî: i xherbene — Motî Haust-Goffinet d' après l' Tchestea (fråze rifondowe et rarindjeye).
2. (v. sins coplemint) råyî del yebe, des plantes avou ses mwins.
   • Louke come i xherbene ås cécoreyes !
3. (v. sins coplemint) tchipoter a tot, naxhî pattavå.
   • Cwè çki t' xherbenes la ?
   • Gn av on tchén ki xherbinéve vaila.
   • I vént xherbiner dins mes afwaires — Motlî Pierret so les måjhons a Longuiè (fråze rifondowe).
   • Mi, dji voyaedje dins tot l' payis
     Et dj' xherbene dins tos les cortis (dit-st ele li gréve al cavale) — Pierre Otjacques (fråze rifondowe).
4. (v. sins coplemint) bodjî toltins
   • Arestêye di xherbiner !
5. (v. sins coplemint) bouter foirt.
   • I pout bén xherbiner s' i vout aveur tot fwait.
   • I xherbene tant k' i pout po-z awè fwait dvant k' i n' ploûxhe — Motî Gilliard (fråze rifondowe).
   • I fåt bén xherbiner po viker — Motlî Pierret so les måjhons a Longuiè (fråze rifondowe).
   • Les mwaisses s' amuzént a Brussele et les mandayes xherbinént dins les beurs, les fosses et les cårires — Lucyin Mahin.
   • I fåt bén xherbiner po ramasser kékes aidants — Esther Baiwir, ALW 17 sol vicaedje sociå (fråze rifondowe).
6. (v. sins coplemint) passer s' tins a rén.
7. (v. sins coplemint) apicî d' å lon avou on crotchet.
   • Li clicotî xherbene dins ses lokes — Charles Grandgagnage, Dictionnaire étymologique de la langue wallonne (fråze rifondowe et rarindjeye).
8. (viebe å coplemint) pesteler ene dinrêye.
   • Vla on grin k' est tot xherbiné.
9. (viebe å coplemint) haper ene sacwè a (ene djin); emantchî (ene sakî).
   • Dji m' a leyî xherbiner di ç' pindârd la — Motî Forir (fråze rifondowe).
10. (viebe å coplemint) discramyî del linne.
    • On plouze li linne, ça vout dire : on l' xherbene, on l' disnuke — Båze di dnêyes di l’ Årdene nonnrece (fråze rifondowe).

Parintaedje

• xherbineu, xherbineuse, xherbinresse
• xherbinaedje
• xherbinreye
• xherbinåde

Mots vijhéns

• harbouyî
• hårpiyî
• (passer s' tins a rén): balziner, holer.
• (bouter fer): greter
• (råyî avou ses mwins): xherper

Ortografeyes

Divant 1900 :

• kèrpiné : E203 ^(lére)
• cherbiner : S100
• kerpiner : G0

Après 1900, foû rfondou (Feller, Feller ricandjî, nén Feller) :

• tchèrbiner : C106
• hèrbiner : G217 p. 151
• chèrbinè : C1, C13, C100, G217, S24, S105, G217 p. 151
• cherbiner : O0, S111, S117
• tchèrpinér : S5
• chèrbiner : C1, C100, C106, G217, O0, S0
• tchérpiner : S25
• kèrpiner : E1, E170

E rfondou walon :

• xherbiner : R10 ^(lére)

Li mot n’ est nén dins : E34, E167, E200, E212, E213, C57

Ratournaedjes

greter al tere

• Francès : gratter ^(fr) (le sol)

råyî del yebe, des plantes avou ses mwins

• Francès : arracher ^(fr)

tchipoter a tot, naxhî pattavå

• Francès : fouiner ^(fr), fouiller ^(fr), chipoter ^(fr), fureter ^(fr)

bodjî toltins

• Francès : remuer ^(fr), s' agiter ^(fr)

bouter foirt

• Francès : bosser ^(fr), travailler ^(fr) durement, trimer ^(fr)

passer s' tins a rén

• Francès : flâner ^(fr)

pesteler ene dinrêye

• Francès : fouler ^(fr), piétiner ^(fr)

haper ene sacwè a ene djin ; emantchî ene sakî

• Francès : filouter ^(fr), chaparder ^(fr), escroquer ^(fr)

discramyî del linne

• Francès : carder ^(fr)

Sourdants

Li disfondowe "kerpiner", c' est dandjreus on picårdijha, noté pa Grandgagnage ("fouiller avec un crochet comme font les chiffonniers"), et rcopyî onk après l' ôte pa Forir, Haust et Stasse. I n' est rprins pa nou diccionaire "indepindant" do payis d' Lidje (E34, E167, E200, E212, E213). Mins, a cåze di cisse fôme la "kerpiner", l' etimolodjeye fourit foirt dispitêye. Loukîz:

• S105 p. 274-275 (1972);
• G205 p. 25, pî-note 11 (1991);
• S0 a «cherbiner» (1995);
• G217 p. 151, pî-note 11 (2011);
• bate di dvizes sol Wiccionaire (2020).