bea

Walon (Rifondou)

Etimolodjeye

Tayon-bodje latén « bellus » (nozé, djinti, plaijhant).

Prononçaedje

• AFE :
  • diferins prononçaedjes : /bja/ /bɛː/ /be/ /bɛ̃/ (betchfessî ea)
  • prononçaedje zero-cnoxheu : /bja/  ^{aschoûtez lu}
• Ricepeures : nén rcepåve

Addjectif

	singulî	pluriyal
omrin	bea	beas
femrin padrî	bele	beles
femrin padvant	bele	belès

bea omrin (come addjecif djondrece, todi metou padvant l’  no)

1. k’ on-z a plaijhi a loukî.
   • Ké bea corti !
   • La on bea ome.
2. sins nûlêye, tot djåzant do tins.
   • I fwait on bea solea.
   • Po l' grande fiesse dj' a l' esperance
     Ki l' tins serè bea sins mizeres
     Dji vs egadje po l' prumire danse
     C' est l' mia ki tot cwè ki dj' pou dire. — Chales Werotte, dins l’ tchanson « c’ est l’ cafè », ridjårbêye e walon do Wisconsene et tchantêye pa Albert Vandertie (fråze rifondowe).
3. bon, k’ est bén, k’ apoite çou k’ on vout.
   • On-z a yeu ene bele samwinnes.
4. (tot cåzant å rvier) mwais.
   • T’ as co fwait la on bea côp : waite, vla l’ rustea k’ est spiyî.
5. bea a croxhî.
   • Les crapådes sont beles a croxhî
     Come les madones do grand Rodjî — Louis Lagauche, "L' inmant", Tournai, (1947), p. 125 (fråze rifondowe).
   • On vike sins higne-et-hagnes, sins dandjî ;
     Les djins s' î veyèt co voltî ! — Louis Lagauche, "L' inmant", Tournai, (1947), p. 125 (fråze rifondowe).

Ratourneures

1. on bea côp dé on laid
2. tot çk’ est novea est bea
3. aveur ça d’ bea : divant l’ dijhaedje d’ ene cwålité pol sudjet.
   • Il a ça d’ bea : i n’ si vante djamåy.
4. esse al pus bele: si margayî po saveur kî est l' pus bele

Parintaedje

• beaté, bele, belmint, belot, belotmint
• rabeazi, rabeli
• disbeli

Mots d’ aplacaedje

• di bea, di bele, abele
• bea-pere, bea-popa, bea-fi, bea-valet
• beas-parints, beas-efants
• bele-mere, bele-mame, bele-moman, bele-feye, bele-båshele

Sinonimeye

• nozé, djoli, gåy

Contråve

• laid

Omofoneye possibe

• bén (bé)

Ortografeyes

Divant 1900 :

• bai, belle : E212 ^(lére)
• bai : E177a ^(lére)

Après 1900, foû rfondou (Feller, Feller ricandjî, nén Feller) :

• bé, bèle : S117
• bê, bèle : E1, E21, E34, E165, S0, S117
• bèl : S0 (pa côps al plaece di « bê » pa dvant voyale, pa assaetchance do francès)
• bê : E2
• = bel (bele) : C74
• bia, bèle : C1, C8, C9, C13, O0, O2, O3, O4, S117 (a Vencîmont)
• bê, bale : S117 (a Fumwè)

E rfondou walon :

• bea, bele : R9 ^(lére), R10 ^(lére), R13

Ratournaedjes

k’ on-z a plaijhi a loukî

• Arabe : جميل ^(ar) = جَميل =‎ jamîl
• Arabe marokin : زوين ^(ary) = زْوين =‎ zwin
• Almand : schön ^(de)
• Inglès : beautiful ^(en)
• Espagnol : bello ^(es), hermoso ^(es)
• Francès : beau ^(fr)
• Itålyin : bello ^(it)
• Gåmès : bé
• Neyerlandès : mooi ^(nl)
• Picård : biau ^(pcd) (biô ^(pcd))
• Sicilyin : beddu ^(scn)
• Kimon amazir marokin : ⴰⴼⵓⵍⴽⵉ ^(zgh) =‎ afolki

Adviebe

bea (nén candjåve)

1. (epolyî inte l' aidant viebe « aveur » et l' mwaisse viebe) mostere ki l' fråzlete n' overe nén come ele li divreut.
   • On a bea tuzer, ratuzer,
     Po s’ rissovni d’ çou k’ est passé,
     Li tins nos fwait piede li sovnance— Joseph Vrindts, ”Vîx Lîge” (1901), p.26, “Vîle air” (fråze rifondowe).
   • Li pere a bea houmer do peket, end a todi e trefond do buzea. — Arthur Xhignesse, « Boule-di-Gôme », 1912, p.12 (fråze rifondowe).
   • Ouy å matén, mågré m’ noûve batroûle, dji n’ pola fé k’ do sot boure, et dj’ ava bea taper del benoete aiwe e m’ pot, mi boure si fjha-st a mirmote. — Joseph Mignolet, « Li tchèsturlinne dèl Bèle Rotche, 1922, p.24 (fråze rifondowe).
   • On-z årè bea préjhî l’ borgogne
     Ou tos les ôtes véns ki vnèt d' ôte pårt;
     Li gosse etrindjir mi cafogne,
     Ossu c' n'est nén çoula k' i m' fåt. — Louis Lagauche, "L' inmant", (1947), Li briyolet, Tchanson d’on vî Hutwès, p. 143 (fråze rifondowe).

Ratourneures

1. djåzer bea

Ratournaedjes

bea

• Francès : beau ^(fr), quand bien même ^(fr)