assoti

Walon (Rifondou)

Etimolodjeye

Bodje « sot » avou l’ betchete « a- » des viebes ey avou l’ dobe cawete « -i » des viebes.

Prononçaedje

• AFE :
  • diferins prononçaedjes : /a.sɔ.ti/ /a.sɔ.tɪ/ /a.su.ti/
  • prononçaedje zero-cnoxheu : /a.sɔ.ti/
• Ricepeures : as·so·ti

Viebe

Djin et tins	Codjowa
Cåzant Ind. pr. (dji, dj’)	assoti / assotixh
Atôtchî(s) Ind. pr. (vos, vs)	assotixhoz
Cåzants Ind. pr. (nos, ns)	assotixhans
Rwaitants Ind. pr., nam. (i/il, ele/elle)	assotixhnut
Cåzant Ind. fut. (dji, dj’)	assotirè / assotixhrè
Cåzant D.I.E. (dji, dj’)	assotixheu
Cåzant Suddj. pr. (ki dji, dj’)	assotixhe
pårt. erirece (dj’ a, vos av)	assoti
Ôtes codjowaedjes	come prusti

assoti

1. (v. sins coplemint) piede li råjhon, divni sot.
   • Il assotixh après les cmeres. — Motî Gilliard (fråze rifondowe).
   • I court ki po-z assoti. — Motî Gilliard (fråze rifondowe).
   • Loukîz, dj’ assotixh cial e m’ pea, tot dvant co fé l’ bele mene divant les djins !— Henri Simon, « Li bleû-bîhe » 1886, (eplaidaedje da Jean Haust e 1936), p.19-20 (fråze rifondowe).
2. (v. sins coplemint) si spiyî l' tiesse po ene sacwè.
3. (v. sins coplemint) esse måvlé, araedjî.
   • Vos-avoz d'dja r'mârqué, dandj'reû, qui dj' faî voltî assoti lès djins. — Chantal Denis, Quî ç' qu'a touwé J.F.K.?.
   • Catrene, leye, k’ a pierdou ås cwårdjeus tote li shijhe, assotixh di colere, et fwait on vizaedje come ene seure peme. — Georges Alexis (fråze rifondowe).
   • Ele assotixh cint feyes
     Mins ûreuzmint por mi, dj' a ene peme pol soe
     — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
4. (viebe å coplemint) rinde ene sakî foû d' leye-minme.
   • I m' assotixh avou totes ses biestreyes. — Motî Gilliard (fråze rifondowe).

Ratourneures

1. fé assoti : taener, hushtiner, tijhner
2. assoti après : inmer a-z è divni sot
   • Les biesses assotixhèt après les carotes di mayisse dins l' essilaedje — Båze di dnêyes di l’ Årdene nonnrece, a "assoti" (fråze rifondowe).
3. ki po-z assoti : felmint, (aprume tot djåzant d' ene sacwè ki fwait må)
4. fåt assoti : c' est nén creyåve

Mots d’ aplacaedje

• assoteymint, assotixhaedje, assotixhant

Sinonimeye

• (piede li råjhon) : piede ses djaeyes
• (fé assoti) : moenner foû scwere

Contråve

• (mete foû d' lu) : acoejhi, aswadjî, rapåjhter

Ortografeyes

Divant 1900 :

• asotti : E212 ^(lére)
• assoti : E177a ^(lére)

Après 1900, foû rfondou (Feller, Feller ricandjî, nén Feller) :

• asoti : C9
• assoti : C1, C8, C13, E1, E21, E34, O0, O2
• assouti : E2, E165

E rfondou walon :

• assoti : R13

Ratournaedjes

piede li råjhon

• Francès : devenir fou ^(fr), perdre la tête ^(fr), , perdre la raison ^(fr)

assoti après

• Francès : être obsédé par ^(fr)

fé piede li råjhon

• Francès : rendre fou ^(fr)

fé assoti

• Francès : faire enrager ^(fr)

ki po-z assoti

• Francès : à en perdre la raison ^(fr)

rinde ene sakî foû d' leye-minme

• Francès : énerver ^(fr), taquiner ^(fr), ennuyer ^(fr)

Pårticipe erirece

assoti omrin

1. Pårticipe erirece omrin do viebe "assoti".
   • Ene fråze d’ egzimpe est co a radjouter.

Codjowas

	Dobès rfondowes
assoti		assotixh

Do viebe «assoti»

1. indicatif prezintrece, prumire djin do singulî
2. kimandeu prezintrece, deujhinme djin do singulî, fôme camaerådrece

Addjectif

	singulî	pluriyal
omrin	assoti	assotis
femrin padrî	assoteye	assoteyes
femrin padvant	assoteye	assoteyès

assoti omrin

1. k' a pierdou s' tiesse.
2. (imådjreçmint)

Ratournaedjes

k' a pierdou l' råjhon

• Francès : fou ^(fr), sot ^(fr), timbré ^(fr), taré ^(fr)

k' a pierdou l' råjhon (imådjreçmint)

• Francès : passionné ^(fr), obsédé ^(fr)

Sustantif

assoti todi singulî

1. sakî k' a pierdou l' tiesse.
   • Al façon d’ ene sôlêye, li tchminêye del machene
     Triyanéve, barlokéve, e djouwant l’ pantomene
     Soucant, tucant, s’ clintchant, dins des djesses d’ assoti
     — Louis Henrard, dins Li bidete da Colas, p. 37 (fråze rifondowe).
   • Mins on tûtléve ôte tchoi k’ del bire,
     Et sins esse gote èn ebusti,
     Tchåle, t’ esteus pé k’ èn assoti !
     — Henri-Joseph Raxhon (fråze rifondowe).
2. (imådjreçmint)
   • On vrai assoti après tot ç' ki poite des cotes. — Motî Gilliard (fråze rifondowe).
   • C' e-st on assoti ås cåtes. — Motî Gilliard (fråze rifondowe).

Sinonimeye

fô, sot

• Loukîz l’ motyince : dimey-doûs

Ratournaedjes

sakî k' a pierdou l' råjhon

• Francès : fou ^(fr), sot ^(fr), timbré ^(fr), taré ^(fr)

sakî k' a pierdou l' råjhon (imådjreçmint)

• Francès : passionné ^(fr), obsédé ^(fr)