ståve

Walon (Rifondou)

• 
  Pitit vî ståve.

Etimolodjeye

Tayon-bodje latén « stabulum » (minme sinse).

Prononçaedje

• AFE :
  • diferins prononçaedjes : /stɔːf/ /staːf/ /stoːf/ /stɔː/ /staː/ /staːl/ /stoːl/ /stal/ (betchfessî å)
  • prononçaedje zero-cnoxheu : /stɔːf/
• Ricepeures : nén rcepåve

Sustantif

singulî	pluriyal
ståve	ståves

ståve omrin (djinre diferin do sfwait mot e francès)

1. (mot des cinsîs) (mot do bastimint) bastimint k’ on-z î lodje les biesses (vatches, tchivås, mins eto les pourceas, les motons, les poyes).
   • C’ est ene grosse cinse avou, d’ on costé, li måjhone po les djins, et d’ l’ ôte, les ståves ås vatches, les cis ås tchvås et l’ gregne. — Francis Drugmant, (sourdant a recråxhî) (fråze rifondowe).
   • On blankixheut les ståves tos ls ans. — Båze di dnêyes di l’ Årdene nonnrece (fråze rifondowe).
   • Si pasmint d’ tins, c’ est les tchvås ; i ndè tént todi set, ût, divins des ståves k’ il a fwait basti tot å coron di s’ djårdén. — Jean-Pierre Dumont.
2. (pa stindaedje do sinse) li contnou, dj’ ô bén totes les rodjès biesses d’ on cinsî.
   • I vos fårè médyî tot li ståve, po vs mete cwite di cisse rogne la.
   • Faleut vey, valet, ké prumî ståve amon ces djins la. Totès vatches tournêyes. — Lucyin Mahin, la p’tite coumére avu la blantche camisole.
   • Si c’ est del cocote, vosse sitåve serè epestiferé dins les deus djoûs. — Båze di dnêyes di l’ Årdene nonnrece (fråze rifondowe).

Ratourneures

(prôpmint)

1. e ståve u : e li ståve u : so li ståve : dins li ståve
2. tchivå so li ståve : tchivå k’ on n’ fwait nén ovrer
3. riwårni li ståve : : ratchter des biesses.

(imådjreçmint)

1. ene måjhon come on ståve / on manaedje come on ståve / ståve di tchén
   • I n’ ont pont d’ aleure; leu måjhon, c’ est on vraiy ståve — Motî del Fagne et del Tieraxhe (fråze rifondowe).
   • Ké ståve di tchén ! — Motî del Hesbaye (fråze rifondowe).
2. dimorer so l’ eståve
3. sinti li ståve : si dispaitchî cwand on s’ raprepeye di s’ måjhon

(spots et ôtes ratourneures)

1. c’ est e ståve k’ on vind les bons tchvås / ene boune biesse s’ atchtêye so si ståve / on vént cweri les bounès vatches e ståve
2. awè oyou boerler on vea mins n’ pus sawè dins ké ståve
3. li tchvå e li ståve et l’ pourcea e ran
4. i n’ fåt k’ ene mwaijhe biesse po gåter on ståve
5. tchaeke biesse ritrouve si ståve
6. des pareys a lu, il è fåt ddja sacwants po bouter on vea foû do ståve : c’ est on nawe.

Parintaedje

• ståvlêye / ståvurlêye (E165), ståvlî (O0), ståvulreye (C106,E178)

(minme sourdant etimolodjike)

• Ståve, (gåmès) Etale
• eståvlixhmint
• astaler, astalaedje, astaleu

Sinonimeye

• (bastimint) : stabulåcion, ran, biedjreye, poyî, poytreye
• (totes les biesses d’ on ståve) : ståvurlêye
• (totes les biesses d’ on cinsî) : bisteu

Mots d’ aplacaedje

• ståve des pourceas : ran
• ståve des poyes : poyî / poli (pitit), poytreye (grand)
• ståve des motons / ståve des bedots : biedjreye
• ståve des gades
• moxhe di ståve (Stomoxys spp.)

Dizotrins mots

• stamon, stok
• batch, staminêye, staminire, crepe, continne
• ruslî, ruslire
• djeter, rinetyî, saetchî, monder, smonder, handler : saetchî l’ ansene evoye
• stierni : rimete do strin après
• fôrer

Dizeutrins mots

• cinse

Ortografeyes

Divant 1900 :

• stauf : E178
• stafe : E212 ^(lére)
• stâfe : E212 ^(lére)

Après 1900, foû rfondou (Feller, Feller ricandjî, nén Feller) :

• stå : E1, E211, E213
• ståle / sutåle : S117
• stâ : FE1 (a « étable »)
• stauve / sitauve : C8, C62, C99
• stôle : O102, S104, S109
• stanve : E165
• stâve / sutâve : E212b, S0
• stale : E1 (a « ståve », prins po on mot tîxhon stal)
• stauve : C1, C13, C60, C106, O0, O81
• stôve : C65
• stâle / sètâle : S0
• stâle : S40
• staule / èstaule : O3, O4, O100
• stâve : S44
• staule : O0, S17 p.206, S25
• ståve : E1, E34, E170
• stâle / sitâle : S0
• = stọl (stôle) : S38 hagnons 50 & 72

E rfondou walon :

• ståve / sitåve u eståve : R10 ^(lére), R11 ^(lére)
• ståve : R13

Li mot n’ est nén dins : E2, E200

Ratournaedjes

bastimint k’ on-z î lodje les biesses

• Arabe marokin : كوري ^(ary) =‎ kori
• Almand : Stall ^(de), Kuhstall ^(de) (vatches), Pferdestall ^(fr) (tchivås)
• Inglès : stable ^(en), cowshed ^(en) (vatches, nén bén basti), stall ^(en)
• Espagnol : cuadra ^(es), establo ^(es)
• Francès : étable ^(fr) femrin (vatches), écurie ^(fr) femrin (tchivås)
• Gåmès : ètalle
• Neyerlandès : stal ^(nl)
• Roumin : staul ^(ro), grajd ^(ro)

totes les vatches d’ on cinsî

• Arabe marokin : بهايم ^(ary) =‎ bhaym
• Inglès : cattle ^(en)
• Francès : cheptel ^(fr)

Waitîz eto

Lijhoz l’ årtike ståve (cinse) so Wikipedia