bisteu

Walon (Rifondou)

Etimolodjeye

Tayon-bodje latén « bestia » (biesse) avou ene cawete teyorike -oe ki dmeure a môde di disfondowe lidjwesse (-eû), çou ki rshonne a ene cawete « -eu » acawêye a on no; mot cité dins l’ FEW 1 340a.

Prononçaedje

• AFE :
  • prononçaedje zero-cnoxheu : /bis.tøː/ (minme prononçaedje pattavå)
• Ricepeures : bis·teu

Sustantif

bisteu omrin (nén contåve) (cåzu todi singulî)

1. (mot des cinsîs) totes les biesses d’ aclevaedje, foiravant les vatches.
   • L’ eritaedje diveut dmorer ås efants, li bisteu eto — vîs papîs d’ 1450 (fråze rifondowe).
   • I gn a pus wêre di bisteu so l’ Fagne — Motî d’ Vervî (fråze rifondowe).
   • Pitit, li domestike del cinse, n’ a rén d’ ôte a fé ki d’ sognî l’ bisteu — Joseph Calozet (fråze rifondowe).
2. (tchesse) gros djibî (bixhes, tchivroûs, singlés).
   • C’ est s’ plaijhi d’ s’ acahouter drî on bouxhon et do ratinde li bisteu ki distrût les dinrêyes — Joseph Calozet, Li crawieûse agasse (fråze rifondowe).
   • Les shabotîs ki baraként tote l’ anêye e bwès, c’ est bén dazår s’ i n’ årént nén aduzé l’ bisteu — Båze di dnêyes di l’ Årdene nonnrece (fråze rifondowe).
3. pititès mwaijhès biesses.
   • (Dj’ a dvou coûtchî dins) on lét plin d’ bisteu — Motî d’ Vervî (fråze rifondowe).
   • Aspite ene nûlêye di coirbås K’ ramexhnèt tot l’ måva bisteu Ki l’ eraire vént d’ abouter foû. — Henri Simon (fråze rifondowe).
4. (contåve) (rålmint eployî) biesse.
   • Ci tchvå la, c’ est on bea bisteu — Motî d’ Vervî (fråze rifondowe).

• 

  bisteu d’ totes les coleurs

Mots d’ aplacaedje

• pitit bisteu
• måva bisteu

Sinonimeye

• (totes les biesses d’ aclevaedje) : tcheté, ståve, biesses
• (bovrins) : grossès biesses, rodjès biesses
• (gros djibî) : djibî

Sipårdaedje do mot

Basse Årdene, w. do Levant

Ortografeyes

Après 1900, foû rfondou (Feller, Feller ricandjî, nén Feller) :

• bisteû : E1, E21, E34, S0, S17 p. 149, S117

E rfondou walon :

• bisteu : R10 ^(lére), R13

Li mot n’ est nén dins : S109

Ratournaedjes

totes les biesses d’ aclevaedje

• Arabe marokin : بهايم ^(ary) = بْهايم =‎ bhaym; كسيبة ^(ary) = كْسيبة =‎ ksiba
• Almand : Vieh ^(de)
• Inglès : livestock ^(en), cattle ^(en) (bovrins)
• Espagnol : ganado ^(es)
• Francès : bétail ^(fr)
• Itålyin : ganado ^(it)
• Neyerlandès : vee ^(nl)
• Portuguès : gado ^(pt)
• Kimon amazir marokin : ⵓⵍⵍⵉ ^(zgh) =‎ olli (purade motons et gades)

Addjectif

bisteu omrin

1. biesse (nén sûti).
   • Il est si bisteu — Motlî del Gléjhe (fråze rifondowe).
   • Bisteu k’ t’ es !

Ortografeyes

Après 1900, foû rfondou (Feller, Feller ricandjî, nén Feller) :

• bisteû : E2

E rfondou walon :

• bisteu : R10 ^(lére)

Li mot n’ est nén dins : R13

Ratournaedjes

totes les biesses d’ aclevaedje

• Francès : bête ^(fr), idiot ^(fr)

Waitîz eto

Lijhoz l’ årtike bisteu so Wikipedia