discovri

Walon (Rifondou)

Etimolodjeye

Do viebe « covri », avou l’ betchete « dis- » di disfijhaedje des viebes et l' avou l’ cawete d’ infinitif « -i » des viebes; dedja abocté insi dispu l' tayon-bodje latén « discooperire », adon racuzinåve avou l' espagnol « descubrir », l' occitan « descubrir », li portuguès « descobrir », l' catalan « descobrir », li roumin « descoperi » et l' itålyin « discoprire ».

Prononçaedje

• AFE :
  • diferins prononçaedjes : /dis.kɔ.vʀi/ /dis.kɔ.vʀy/ /dys.kɔ.vʀi/ /dys.kɔ.vʀy/ /dis.ku.vʀi/ /dis.ku.vʀy/ /dɛs.ku.vʀi/ /dɛs.ku.vʀy/ /dœs.ku.vʀœ/ /di.hɔ.vʀi/ /dy.hɔ.vʀi/ /dy.kɔ.vʀi/ /dɛ.çu.vʀi/ /dis.hɔ.vʀi/ /dis.ku.vjɛ/ /dɛs.ku.vjɛ/ (36 prononçaedjes)
  • prononçaedje zero-cnoxheu : /dis.kɔ.vʀi/
• Ricepeures : dis·co·vri

Viebe

Djin et tins	Codjowa
Cåzant Ind. pr. (dji, dj’)	discove / discovere
Atôtchî(s) Ind. pr. (vos, vs)	discovroz
Cåzants Ind. pr. (nos, ns)	discovrans
Rwaitants Ind. pr., nam. (i/il, ele/elle)	discovnut / discovernut
Cåzant Ind. fut. (dji, dj’)	discovrè / discoverrè
Cåzant D.I.E. (dji, dj’)	discovreut
Cåzant Suddj. pr. (ki dji, dj’)	discove / discovere
pårt. erirece (dj’ a, vos av)	discovrou / discoviet

discovri (å prono : si discovri)

1. (viebe å coplemint) rissaetchî l’ coviete di.
   • (Fårè bénvite) discovri li mote di crompires — Motî d’ Bastogne (fråze rifondowe).
   • Li ptit est discovrou, racovroz l’ — D.T.W.
2. (viebe å coplemint) (mot d’ boskiyon) saetchî l’ tere åtoû di (on stok d’ åbe).
   • (I fårè) discovri les sokes — Motî d’ Bastogne (fråze rifondowe).
3. (viebe å coplemint) trover (ene sacwè nén cnoxhowe).
   • I gn a kékes ans k’ on discovere li pôle Nôr — Motî Toussaint (fråze rifondowe).
   • On-z aprins å scolîs tot on tins ki c’ esteut Stanley k’ aveut discovrou l’ Aiwe do Congo — Émile Sullon (fråze rifondowe).
   • On a discovrou l’ coupåbe — D.T.W.
   • Poqwè-ç’ qu’il a falu
     Qu’on discouve leû catchète ?
     Poqwè-ç’ qu’il ont tchèyu
     Moûdris d’vant l’ mitraliète ?
     — Andrée Bacq.
   • Po l' ci k' dj' a fwait fruzi l' åme,
     Lyi discovrant çou k' ele a d' catchî,
     K' a sintou tot m' léjhant, ene douce låme,
     Ene låme di fré, di s' cour brotchî— Martin Lejeune, Bultén del Societé d' Lidje, "Por zèls !", tome 44, p. 409 (fråze rifondowe).
4. (viebe å coplemint) vey pol prumî côp; cweri a cnoxhe et trover.
   • Di ci crestea, on discovere on bea payis — Motî Toussaint (fråze rifondowe).
   • Li veye, c’ est on mistere, discovroz lu ! — Henri-Thomas Maron, ratournant Mere Tereza (fråze rifondowe).

Ratourneures

• discovri l’ potêye

Parintaedje

• discovraedje
• discovreu
• discovrou
• discove
• discoviete

Sinonimeye

• (rissaetchî l’ coviete) : drovi, discatchî
• (saetchî l’ tere åtoû d’ on stok d’ åbe) : disnaivyî
• (cweri a cnoxhe et trover) : trover, edvinter
• (rissaetchî s’ tchapea) : bodjî s’ tchapea, si discwefer

Contråve

• (mete ene coviete): covri, ascovri, rascovri

Ortografeyes

Divant 1900 :

• ducovri / d’covri : E177a ^(lére)
• dicovier / d’covier : E177a ^(lére)
• duxhovri : E212 ^(lére)

Après 1900, foû rfondou (Feller, Feller ricandjî, nén Feller) :

• dihovri / d’hovri : E1, E170
• duhovri / d’hovri : E21, E212b
• ducovri / d’covri : E34
• duscovri : S0
• duscovru : S117
• discovri : E170
• dèhyouvri : E200
• dishovri : E170
• discoviè : C1, C9
• dicovri / d’covri : E1, E170
• dèscouvri : O0, O4
• discouviè : C8, C9, C106

E rfondou walon :

• discovri : R9 ^(lére), R10 ^(lére), R11 ^(lére), R13

Li mot n’ est nén dins : E165

Ratournaedjes

rissaetchî l’ coviete

• Almand : abdecken ^(de), entdecken ^(de)
• Inglès : to discover ^(en)
• Espagnol : descubrir ^(es)
• Francès : découvrir ^(fr)
• Itålyin : scoprire ^(it)
• Neyerlandès : ontdekken ^(nl)
• Sicilyin : scupriri ^(scn)

saetchî l’ tere åtoû di on stok d’ åbe

• Francès : dégager ^(fr)

cweri a cnoxhe et trover

• Inglès : to discover ^(en)
• Francès : découvrir ^(fr), détecter ^(fr), déceler ^(fr), révéler ^(fr)
• Neyerlandès : ontdekken ^(nl)

rissaetchî s’ tchapea

• Francès : découvrir ^(fr), ôter ^(fr) son couvre-chef ^(fr)