råvler

Walon (Rifondou)

Etimolodjeye 1

Bodje « råve », avou l’ dobe cawete « -ler » des viebes.

• 

Viebe

Djin et tins	Codjowa
Cåzant Ind. pr. (dji, dj’)	råvele
Atôtchî(s) Ind. pr. (vos, vs)	råvlez
Cåzants Ind. pr. (nos, ns)	råvlans
Rwaitants Ind. pr., nam. (i/il, ele/elle)	råvelnut
Cåzant Ind. fut. (dji, dj’)	råvelrè
Cåzant D.I.E. (dji, dj’)	råvléve
Cåzant Suddj. pr. (ki dji, dj’)	råvele
pårt. erirece (dj’ a, vos av)	råvlé
Ôtes codjowaedjes	come shofler

råvler (viebe å coplemint)

1. rinde bén plat, tot gretant avou on råve.
2. rinetyî (l' aisse do for) avou on råve.
   • I fåt råvler comufåt dvant d' eforner. — Motî del Lovire (fråze rifondowe).
3. ramasser avou on råve.
4. ramasser, rashonner.
   • C' ît l' vraiy. Clodimir aveut råvlé insi on moncea di ptitès blankès pîces di nikel. — Félicien Barry (fråze rifondowe).
5. haper çou ki n' est nén da vosse.
6. fé avancî ene barkete avou des rames.
   • C' est on djonne batlî ki n' sait co råvler. — Motî Forir (fråze rifondowe).

Ratourneures

1. råvler des liårds wangnî toplin des cwårs.
2. råvler d' l' ovraedje fé bråmint d' l' ovraedje. råvler d' l' ovraedje : abattre de l'ouvrage

Parintaedje

• råvlaedje
• råvleu
• råvlin
• aråvler

Mots d’ aplacaedje

• råvler evoye

Ortografeyes

Après 1900, foû rfondou (Feller, Feller ricandjî, nén Feller) :

• rôv'lér : O0
• råv'ler : E1 (a råve)
• rauv'ler : O4
• råveler : E170

Li mot n’ est nén dins : O81, R13

Ratournaedjes

rinde bén plat, tot gretant avou on råve

• Arabe marokin : kerret =‎ كرّت
• Inglès : to scrape ^(en)
• Francès : racler ^(fr), aplanir ^(fr), égaliser ^(fr)

ramasser des sacwès

• Arabe marokin : jme3 =‎ جمع = جْمع
• Francès : rassembler ^(fr)

• (barkete) ramer

Etimolodjeye 2

Bodje «råv-» (reve, come dins «råvion»), avou l’ dobe cawete « -ler » des viebes.

Viebe

Djin et tins	Codjowa
Cåzant Ind. pr. (dji, dj’)	råvlêye
Atôtchî(s) Ind. pr. (vos, vs)	råvlez
Cåzants Ind. pr. (nos, ns)	råvlans
Rwaitants Ind. pr., nam. (i/il, ele/elle)	råvlêynut
Cåzant Ind. fut. (dji, dj’)	råvlêyrè
Cåzant D.I.E. (dji, dj’)	råvléve
Cåzant Suddj. pr. (ki dji, dj’)	råvlêye
pårt. erirece (dj’ a, vos av)	råvlé
Ôtes codjowaedjes	come tchicter

råvler (viebe å coplemint)

1. aveur des imådjes k' aspitèt e si tuza, dabôrd k' on doime.
   • I n' lyi va nén bén, i n' a fwait ki d' råvler tote nute. — Motî Forir (fråze rifondowe).
   • - Mins ns estans e l’ ivier ! Dj’ a råvlé come todi … — Jules Claskin, « Airs di flûte et autres poèmes wallons », édition critique de Maurice Piron, 1956, « Råvions d’ hanteû », 1923, p.103 (fråze rifondowe).
   • Mareye (ki råvlêye) : « I fwait tchôd amon mes parints… » — Andrée Sougnez (fråze rifondowe).
   • Est çki vs m' etindoz, binamé copleu,
     Cwand c' est k' dji råvlêye, et k' dji djåze tot seu? — Jacques Lefebvre (fråze rifondowe).
   • Lèyîz-ve adîre èt à råveler, vos nn'arivez à tûzer come mi — Guy Fontaine, Vos mi come has' èt roy.
2. pinser tolminme cwè.
   • Des rôzes sins spenes . Ti råvlêyes, mi fi, ti råvlêyes !... T’ es d’ ene doûce creyance.— Joseph Mignolet, « Li tchèsturlinne dèl Bèle Rotche, 1922, p.20 (fråze rifondowe).

Parintaedje

• råvleu
• råvlea
• råvion

Sinonimeye

• rever
• sondjî

Ortografeyes

Divant 1900 :

• râvlé : E203 ^(lére)

Après 1900, foû rfondou (Feller, Feller ricandjî, nén Feller) :

• råveler : E170
• råv'ler : E1 (a råve)

E rfondou walon :

• råvler : R10 ^(lére)

Ratournaedjes

vey des imådjes, tot doirmant Loukîz a : rever

• Arabe marokin : 7lem =‎ حلم = حْلم
• Inglès : to dream ^(en)
• Francès : rêver ^(fr)
• Neyerlandès : dromen ^(nl)