tuza

Walon (Rifondou)

Etimolodjeye

Do viebe «tuzer», avou l’ cawete « -a »; (noûmot eplaidî pol prumî côp diviè 1880).

Prononçaedje

• AFE :
  • prononçaedje zero-cnoxheu : /tyː.ˈza/ (minme prononçaedje pattavå)
• Ricepeures : tu·za

Sustantif

singulî	pluriyal
tuza	tuzas

1. çou k' est tuzé.
   • C' est l' tuza des båsheles
     Ki l' lepe ni pout ratni — Arthur Xhignesse (fråze rifondowe).
   • Cwand vént l' vesprêye, dj' el voe k' adschind
     Sol tuza ki dj' saye di rashir — Arthur Xhignesse (fråze rifondowe).
2. (camaerådreçmint) cervea (pitite usteye di tuzer).
   • Asteure, tos les spès paltots di houte di Kevrin s' ont metou e leu tuza ki c' esteut pol bén d' l' umanité k' il alént co rdjouwer on ptit tins avou les naweas d' atôme — Lucyin Mahin, (a l' ocåzion do ratacaedje des sayes nawearinnes francesses a Mourourowa, diviè 1995).
3. (noûmot pa stindaedje do sinse) manire di tuzer d' ene djin, d' on peupe.
   • Jean Germain eplaide si idêye sol rifondaedje dins "Toudi", ene rivuwe d' on groupe di cotuzeus ki sont po ene Walonreye dislaxheye, en on tuza republikin — Lucyin Mahin.

Sinonimeye

• (çou k' est tuzé): pinsêye, tuzêye, tuzaedje; Loukîz a : « pinsêye »
• (manire di tuzer eshonne): tuzance

Ortografeyes

Après 1900, foû rfondou (Feller, Feller ricandjî, nén Feller) :

• tûza : E175, G98, S117

E rfondou walon :

• tuza : R10 ^(lére)

Li mot n’ est nén dins : R13

Ratournaedjes

çou k' est tuzé Loukîz a : pinsêye

• Francès : pensée ^(fr)

cervea, camaerådreçmint Loukîz a : cervea

• Francès : tête ^(fr), esprit ^(fr), ciboulot ^(fr)

manire di tuzer eshonne Loukîz a : tuzance

• Francès : esprit ^(fr), génie ^(fr), culture ^(fr)