aswadji

Walon (Rifondou)

Etimolodjeye

Bodje "suavis" (doûs, soucré, vayant, djinti), avou l’ betchete « a- » des viebes, avou l’ cawete di codjowaedje « -i » des viebes; rinde pus doûs. Loukîz a : aswådjî.

Prononçaedje

AFE :
- diferins prononçaedjes : /aswad͡ʒi/ /aswad͡ʒiː/ /aswɔːd͡ʒiː/ /aswaːd͡ʒi/
- prononçaedje zero-cnoxheu : /aswad͡ʒi/
Ricepeures : as·wa·dji

Viebe

Djin et tins	Codjowa
Cåzant Ind. pr. (dji, dj’)	aswadji / aswadjixh
Atôtchî(s) Ind. pr. (vos, vs)	aswadjixhoz
Cåzants Ind. pr. (nos, ns)	aswadjixhans
Rwaitants Ind. pr., nam. (i/il, ele/elle)	aswadjixhnut
Cåzant Ind. fut. (dji, dj’)	aswadjirè / aswadjixhrè
Cåzant D.I.E. (dji, dj’)	aswadjixheu
Cåzant Suddj. pr. (ki dji, dj’)	aswadjixhe
pårt. erirece (dj’ a, vos av)	aswadji
Ôtes codjowaedjes	come prusti

aswadji (viebe å coplemint)

fé baxhî (ene poenne, ene doleur).
- (c' est on rméde po-z) aswadji l' doleur — Motî Forir.
- Grand-pere aswadjixh avou pacyince
  Les enondêyes des djonnès djins— Martin Lejeune, "Œuvres lyriques du poète Martin Lejeune" p. 126, "Lu famile èst-one île ureûse" (fråze rifondowe).
- Les Rwès Mådjes prezintèt tot çou k' i fåt po-z aswadji l' mizere — Isy Cavraine.
- Des blancs omes tot s' clintchant avå gonxhires et vås Soyént les yebes k' aswadjixhèt et rwerixhèt — Albert Lovegnée.
rinde påjhûle.
- Et l’ blame ki coteye,
  Aswadjixh li ptit gueus — Martin Lejeune, “ Œuvres lyriques du poète Martin Lejeune” p.131, « Prumî riselèt» (fråze rifondowe).
- Li rôzé solo pleure do n’ poleur aswadji
  Totes ces ptitès måjhones k’ ont l’ air di l’ ahoukî. — Jules Claskin, « Airs di flûte et autres poèmes wallons », édition critique de Maurice Piron, 1956, « Tåv’lê d’iviér », 1912, p.23 (fråze rifondowe).
- C' est pocwè on k' on dvreut dner, po-z aswadji l' noer boy,
  Pus d' åjhmince, pus d' friscåde, pus d' djoye a cisse tere la— Louis Lagauche, "L' inmant", Å neûr payîs dè l’ hoye, (1947), p. 130 (fråze rifondowe).
aspaler ene sakî k' est dvins les transes.
- On l’ veyeut patrafter
  Po-z les cis k’ estént dvins l’ målmezåjhe. — Joseph Vrindts, ”Vîx Lîge” (1901), p.66, “Dihâv’lêye” (fråze rifondowe).
fé baxhî l' poenne di (ene djin k' est målureuse), .
- Aswadji co tes efants si ene poenne u l' ôte les ctchesse — Louis Lagauche.
- (...) Et dj' rivoe Madlinne. Awè, djel rivoe, et c' est la m' måleur. N' è pôrè dj' don måy aswadji m' pinsêye ? Sovnance ki m' fwait må, ca por mi l' bouneur N' est pus k' on bea sondje, ene doûce djoye passêye — Émile Wiket.
arester (l' sonk).
- (I fåreut) aswadji l' sonk — Motî Forir.
(viebe å prono) fé baxhî s' poenne, si hodance.
- Agnusse, po s’ aswadji cwand ene poenne el sipråtchive,
  Si meteut dvins ene coine di l’ ovroe, s’ abaxhive
  Tot loucant-st åtoû d’ lu. — Joseph Vrindts, ”Vîx Lîge” (1901), p.46, “Agnuss” (fråze rifondowe).