sketer

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
sketer	siketer	esketer

Etimolodjeye

Disfondowe coûtchantrece di « scheter », sipårdowe pa les grevisses do Hinnot dispu les anêyes 1880, pal fråze « et rik et rak ! on va sketer l’ barake ! ».

Prononçaedje

• AFE :
  • diferins prononçaedjes : /skɛte/ /skɛtɛ/ (minme prononçaedje cåzu pattavå)
  • prononçaedje zero-cnoxheu : /skɛte/
• Ricepeures : ske·ter

Viebe

Djin et tins	Codjowa
Cåzant Ind. pr. (dji, dj’)	skete
Atôtchî(s) Ind. pr. (vos, vs)	sketez
Cåzants Ind. pr. (nos, ns)	sketans
Rwaitants Ind. pr., nam. (i/il, ele/elle)	sketnut
Cåzant Ind. fut. (dji, dj’)	sketrè
Cåzant D.I.E. (dji, dj’)	sketéve
Cåzant Suddj. pr. (ki dji, dj’)	skete
pårt. erirece (dj’ a, vos av)	sketé
Ôtes codjowaedjes	sipepieus tåvlea

sketer

1. (viebe å coplemint) casser pår.
2. (viebe å coplemint) schirer, siclefer, hiyî.
   • Enne pinte dé bire pour vous, c’est d’quoé bin vo rimpli ;
     Ét l’moinse pétite goutte dé skidame,
     Qu’in gârçon vèrét vo chiervi,
     Vo frét rinde à s’quetter vo vinte !
     — Léon Bernus, (ratournant Lafontinne).
3. (viebe å coplemint) casser paski ça a stî tinkyî.
   • Al longue di saetchî dsu, tot skete. — Robert Arcq (fråze rifondowe).
4. (viebe å coplemint) casser tot fjhant des schetes.
   • Li påkî a on bwès ki n’ sikete nén, foirt deur.
   • Mins vla k’ l’ åbe s’ a metou a clintchî et a sketer pask’ il estént trop pezants a yeuss deus. — Willy Bal (fråze rifondowe).
   • Waite on pô come l’ air dene: les sapéns vont ttaleure esketer.
5. (imådjreçmint) fé etinde (ene sacwè ki fwait bråmint do brut).
6. (v. sins coplemint) fé bråmint do brut.
   • Les aloumweres dischirnut l’ cir e bokets ; ça bouxhe, ça schete, tot tronne. — Henri Pétrez (fråze rifondowe).
   • Ça aveut stî ene nute abominåve : tot ki pete et ki schete, ki brotche et ki spotche, l’ infier.
7. (v. sins coplemint) si xhiyî, si disdjonde.
   • On condâné qu’a stî mwinrné su l’ pèron po-z-î moru, parèt-i, lî a dit sès pâtêrs èt… sès tchin.nes aurin.n´ sikèté, s’apinse qu’on dit ! Mirauke ! Il a stî r’lachî, d’abôrd !— Françoise Evrard, Li Nanèsse di Bèlgrâde.

Ratourneures

1. Et rik et rak ; on va sketer l’ barake : boerlaedje des grevisses do tins des grandès greves di 1960, et des metingues.
2. sketer les penas d’ ene djonne feye: l’ afroyî, el disflorter .
3. siketer s’ dierinne maronne: risker si dierinne tchance.
4. rire, magnî a sketer s’ botnire : rire, magnî bråmint des masses.
5. a tot sketer
6. è sketer des beles
7. siketer ene air di muzike : el djouwer (nén bén, tot fjhant bråmint do brut).

Parintaedje

• sketaedje, sketeu, sketon
• risketer

Sinonimeye

(casser paski ça a stî tinkyî)

• sicoter
• schorter

(fé bråmint do brut)

• craker

Pwaire minimom

• scoter

Rilomêye do mot

Mot k' a passé e francès d' Beldjike dizo ortografeye « squetter ».

Ortografeyes

Après 1900, foû rfondou (Feller, Feller ricandjî, nén Feller) :

• (è)skèter : O4, O100
• skètè : C13
• skètér : O81

E rfondou walon :

• sketer : R11 ^(lére), R13
• sketer / siketer u esketer : R10 ^(lére)

Ratournaedjes

casser pår

• Francès : casser ^(fr), détruire ^(fr), fracasser ^(fr), briser ^(fr)
• Neyerlandès : vernielen ^(nl)

kischirer

• Francès : déchirer ^(fr)

casser paski ça a stî tinkyî

• Francès : rompre ^(fr)

casser tot fjhant des schetes

• Francès : casser en écharde, en biseau

fé etinde (ene sacwè ki fwait bråmint do brut)

• Francès : lancer ^(fr), laisser éclater

fé bråmint do brut

• Francès : tonner ^(fr), éclater ^(fr)

sketer les penas d’ ene djonne feye

• Francès : dépuceler ^(fr) (une fille)

siketer s’ dierinne maronne

• Francès : jouer son va-tout ^(fr)

siketer ene air di muzike

• Francès : entonner ^(fr)