hårkea

Walon (Rifondou)

• 
  el Walonreye, diviè 1950
• 
  e Turkestan, diviè 1870

Etimolodjeye

Bodje tîxhon * « hark- » (loukîz a : håke), avou l’ cawete « -ea », pitit rustea ås steules (dandjreus a cåze di ptits dints po pinde les saeyeas, so les prumîs modeles).

Prononçaedje

• AFE :
  • diferins prononçaedjes : /hɔːʀ.kɛː/ /haːʀ.kɛː/ /haːʀ.kæː/ /haʀ.kɛː/ /hɔʀ.kɛː/ /haː.kɛː/ /haːl.kɛː/ /hoːʀ.t͡ʃa/ /hoːʀ.kaː/ /hoːʀ.pja/ /hoːʀ.tja/ /oːʀ.tja/, miersipepieuzmint dins l' live Rimåke so les hårkeas; (betchfessî å), (betchfessî ea).
  • prononçaedje zero-cnoxheu : /hɔːʀ.kja/ (waire u nén prononcî insi å 20inme sieke)
• Ricepeures : hår·kea

Sustantif

singulî	pluriyal
hårkea	hårkeas

hårkea omrin (vî mot)

1. (usteye) travayî bwès, on bon mete long, k' on poite so les spales, et k' gn a deus saeyeas ki pindèt après, so les deus costés do poirteu (del poirteuse).
   • Dji rabresse a picete l' binamé valet ki poite mi hårkea. — Georges Ista (fråze rifondowe).
   • On meteut les veas dins l' eclôs di tchvå et, po-z aler abuvrer å matén et al nute, avou popa ou m' mame, dji prindéns nos hårkeas et dji lzî poirténs tchaeke deus ou troes saeyeas d' laecea. — Louis Remacle, Proses wallonnes, p. 115 (fråze rifondowe).
2. (pa stindaedje do sinse) sôre di triyingue di bwès k' on meteut å cô des boûs e pasteure, por zels èn nén passer les håyes.
3. pitite håre (loyén) po les faxhenes u po loye-cô åzès vatches.

Ratourneures

1. mete li hårkea (a kéconk) : li tni a cabasse (lî passer s' bresse ttåtoû di s' cô).
2. Les Hårkeas : sipotaedje des cis d' Håre.

Parintaedje

• håke, hårker, hårkeler
• håcner, håcneu
• hårcot
• hårkêye
• Loukîz a : « håre »

Sinonimeye

• (bwès po poirter deus saeyeas) : gorea, lamea, coube, colé, haminte, djeu
• (triyingue metou å cô des boûs) : båkea, gorea, colé, lamea

Mots vijhéns

• poitrê, tinåd

Sipårdaedje do mot

w. do Levant

Ortografeyes

Divant 1900 :

• horkai : G0
• harkai : G0
• hârkai : E203 ^(lére)

Après 1900, foû rfondou (Feller, Feller ricandjî, nén Feller) :

• hârkê : E21, LRsov 115
• hårkê : E1, E34, E213

E rfondou walon :

• hårkea : R9 ^(lére), R10 ^(lére), R11 ^(lére), R13

Li mot n’ est nén dins : C8, E200, E212

Ratournaedjes

usteye po poirter deus saeyeas

• Inglès : yoke ^(en), carrying pole ^(en)
• Francès : porte-seaux ^(fr) (Beldjike), jouguet ^(fr)

triyingue metou å cô des boûs

• Francès : tribart ^(fr)

Waitîz eto

Lijhoz l’ årtike hårkea so Wikipedia