djeu

Walon (Rifondou)

Etimolodjeye 1

Tayon-bodje latén « jocus » («rireye», «colebreye», «fåve»).

Prononçaedje

• AFE :
  • diferins prononçaedjes : /d͡ʒøː/ /d͡ʒœ/ /d͡ʒɛ/
  • prononçaedje zero-cnoxheu : /d͡ʒøː/
• Ricepeures : nén rcepåve

Sustantif

singulî	pluriyal
djeu	djeus

djeu omrin

1. sacwè po djouwer.
   • On n’ aveu nén tos les djeus des efants d’ asteure.
2. sôre di djouwaedje.
   • L’ djeu des acteurs esteut bon.
3. dinêye ås cwåtes.
   • Ké fayé djeu ! dji n’ a k’ des schinayes.

• 
  (Sinse 1) On djeu d’ cwåtes.

Ratourneures

1. djeu d’ tirlibibi

Parintaedje

• djouwer, djouweu, djouwaedje
• djowe
• djouwasson

Mots d’ aplacaedje

• cwårdjeu, djeu d’ cwåtes

Ortografeyes

Après 1900, foû rfondou (Feller, Feller ricandjî, nén Feller) :

• djeu ( /ʤœ/ ) : C99, O0, O4
• djeû : E1, E21, E34, S0
• djeù : C9, O3
• djœ : C8
• djeu : C8
• djè : C9, C99

E rfondou walon :

• djeu : R10 ^(lére), R11 ^(lére), R13

Ratournaedjes

sacwè po djouwer

• Inglès : toy ^(en)
• Espagnol : juguete ^(es)
• Francès : jeu ^(fr), jouet ^(fr)
• Itålyin : giocattolo ^(it)
• Sicilyin : jucàttulu ^(scn)

djouwaedje

• Inglès : game ^(en), play ^(en)
• Espagnol : juego ^(es)
• Francès : jeu ^(fr), divertissement ^(fr)
• Itålyin : gioco ^(it)
• Sicilyin : jocu ^(scn)

dinêye ås cwåtes

• Francès : jeu ^(fr), donne ^(fr)

Etimolodjeye 2

Tayon-bodje latén « jugum » (minme sinse)

Prononçaedje

• AFE :
  • diferins prononçaedjes : /d͡ʒøː/ /d͡ʒuː/ /d͡ʒu/ /d͡ʒœ/ /d͡ʒɔ̃/ /d͡ʒɔw/ ; miersipepieuzmint e l’ notule ALW 9.115.
  • prononçaedje zero-cnoxheu : /d͡ʒøː/
• Ricepeures : nén rcepåve

Sustantif

singulî	pluriyal
djeu	djeus

djeu omrin (vî mot)

1. (mot des cinsîs) bwès travayî, on mete long, k’ on mete après les coines des boûs (u des vatches) ki saetchèt des tchårs, des tcherowes.
   • Il avént deus boûs po-z ateler å djeu. — Gaston Lucy (fråze rifondowe).
   • Et tot douçmint, pa di drî, tot rotant so ses betchetes do pî po n’ fé nou brut, i leya dischinde li djeu po ki l’ tiestire si metaxhe bén et k’ les crinnas ni fjhénxhe nén må å boû. — Albert Lenfant (fråze rifondowe).
2. (ahesse di manaedje) hårkea (po poirter les saeyea).

• 
  (Sinse 1) On djeu po-z ateler les boûs.

Dizotrins mots

• coyonke
• cossén / tiestire / tchapea / tchapuron

Ortografeyes

Après 1900, foû rfondou (Feller, Feller ricandjî, nén Feller) :

• djeu ( /ʤœ/ ) : G209 p. 245
• djow : G209 p. 245
• djon : G209 p. 245
• djoû : E1, G209 p. 245
• djeû : E1, G209 p. 245
• djou : E34

E rfondou walon :

• djeu : R9 ^(lére), R10 ^(lére), R11 ^(lére)

Li mot n’ est nén dins : R13

Ratournaedjes

bwès ås coines des boûs ki saetchèt des tchårs

• Almand : Joch ^(de)
• Inglès : yoke ^(en)
• Espagnol : yugo ^(es)
• Francès : joug ^(fr)
• Neyerlandès : juk ^(nl)

hårkea poite-saeyeas Loukîz a : hårkea

• Francès : porte-seaux ^(fr) (Walonreye)

Waitîz eto

• Lijhoz l’ årtike djeu (discramiaedje) so Wikipedia
• Lijhoz l’ årtike djeu so Wikipedia
• Lijhoz l’ årtike atelaedje des boûs so Wikipedia