tocter

Walon (Rifondou)

Etimolodjeye

Mot-brut « tok » («tok tok»), avou l’ dobe cawete « -ter » des viebes.

Prononçaedje

• AFE :
  • diferins prononçaedjes : /tɔk.te/ /tɔk.tɛ/ /tɔk.tiː/ (minme prononçaedje cåzu pattavå)
  • prononçaedje zero-cnoxheu : /tɔk.te/
• Ricepeures : toc·ter

Viebe

Djin et tins	Codjowa
Cåzant Ind. pr. (dji, dj’)	toctêye
Atôtchî(s) Ind. pr. (vos, vs)	toctez
Cåzants Ind. pr. (nos, ns)	toctans
Rwaitants Ind. pr., nam. (i/il, ele/elle)	toctêynut
Cåzant Ind. fut. (dji, dj’)	toctêyrè
Cåzant D.I.E. (dji, dj’)	toctéve
Cåzant Suddj. pr. (ki dji, dj’)	toctêye
pårt. erirece (dj’ a, vos av)	tocté
Ôtes codjowaedjes	come tchicter

tocter (viebe å coplemint)

1. toker tot doûçmint.
2. bate foirt (tot djåzant do cour, a cåze di l’ amour).
   • Mins ele trova, dvins ses grands ouys,
     Tant d’ boune frankisté,
     Ki s’ cour, tot divnant berdouye,
     Si mete a tocter— Martin Lejeune, "Djônèsse, prétimps" (fråze rifondowe).
   • Djhan-Pire esteut rcwerou di totes les djonnès feyes
     Mins l’ crolé passeu d’ aiwe riyeut (bén) d’ leus amours
     Et djamåy nole di zeles n’ aveut fwait tocter s’ cour. — Joseph Vrindts (fråze rifondowe).
   • El påjhûlisté del vesprêye,
     Mi cour a si sovint tchanté
     K’ i m’ arive di cmoudri m’ pinsêye
     Po rtrover l’ andje k’ el fwait tocter. — Émile Wiket (fråze rifondowe).
   • Djamåy ene comere n’ a fwait tocter s’ cour, paski l’ bele macrale ni lyi a seu dner l’ fameus trezôr k’ a fwait s’ måleur. — Anatole Marchal, Li Dérène Chîje, p. 99 (fråze rifondowe).
   • Les djonnès feyes, al prumire eure,
     Loyît l' djon sol verdeure,
     Avou l' nåle ki fwait tocter l' cour,
     Des cis k' ont l' må d' amour,
     Et ki dveut dire a må ene hapêye
     Li scret d' leus destinêyes
     — Louis Lagauche, "Mayon" (1923), p. 75-76 (fråze rifondowe).
3. fé tic tac tot djåzant d' ene ôrlodje.
   • I ploctèye co su lès câraus,
     I ploctèye à mèseure, plic, ploc, plic, ploc
     tic, tac, tic, tac, l’ôrlodje toktèye èto
     — Joseph Dewez.
4. (mot d’ medcén) bate avou l’ arivêye do sonk, tot djåzant d’ on boket do coir efouwé (purade li doet).
   • Dj’ a ene schete di bwès dins m’ doet. Ça fwait bén do må. I toctêye. — José Schoovaerts (fråze rifondowe).

Sinonimeye

• (bate avou l’ arivêye do sonk) : bouxhî
• (bate disrîlêymint): bate drole
• (pol cour, bate foirt di saizixhmint, di vir-voltî): frapyî

Ortografeyes

Après 1900, foû rfondou (Feller, Feller ricandjî, nén Feller) :

• tok’ter : O4

E rfondou walon :

• tocter : R13

Ratournaedjes

bate foirt tot djåzant do cour, a cåze di l’ amour

• Francès : palpiter ^(fr), battre la chamade ^(fr) (nén ratournåve direk e francès)