doet

Walon (Rifondou)

Etimolodjeye 1

Tayon-bodje latén « digitus » ‎(« dĭgĭtus ») (minme sinse).

Prononçaedje

• AFE :
  • diferins prononçaedjes : /dwɛ/ /døː/ /dø/ /dɛ/ /dœ/ /dwa/ /duː/ /dyː/ (betchfessî oe)
  • prononçaedje zero-cnoxheu : /dwɛ/
• Ricepeures : nén rcepåve

Sustantif

singulî	pluriyal
doet	doets

doet omrin

1. (antomeye) dibout des mimbes dizeutrins d' ene djin, k' i gn a cénk a tchaeke bresse.
   • Louke a ti di n' ti nén raclaper les doets.
2. (antomeye des biesses) dibout del pate des biesses å tetes, des oujheas, des cwarpeces, k' i gn a onk a cénk a tchaeke pate.
   • C' est mi k' acsegnive les maladeyes do doet des bovrins.
3. pitite cwantité.
   • Rimetoz on doet d' sé.
4. (muzeure) muzeure di spexheur del lårdjeur d' on doet.
   • I mete deus doets d' boure so ses mitches.
   • Mins on bouxhreut bén djus l’ ome ki fwait l’ fricasseu d’ feves et ki rmonte si col di troes doets po fé l’ yane. — Arthur Xhignesse, « Bwègnes mèssèdjes & pititès gotes » (1905), p.13 (fråze rifondowe).

Ratourneures

1. on lyi dene li doet et i prind l' bresse
2. si dner l’ doet
3. toumer å doet di
   • I sait k' dj' inme do fé des clignetes
     Et d' rinde sots come des lamponetes,
     Les djonneas ki toumèt-st a m' doet,
     Afîsse do rire ene eure ou deus. — Jean Bury, Joyeux rèspleus (1899), "Mi galant" (fråze rifondowe).

Parintaedje

• doetea, doetî, doetion, doetoe
• doetrece

Mots d’ aplacaedje

• erî-doet; blanc doet, doets-d'-leu, doet-d'-trûtche
• bon doet, doet d' pî, doet a l' anea, grand doet, pitit doet
• a rletche-doets

Dizotrins mots

• Peutchet, Laridet, Grande Dame, Djan d' l' assô, Pitit courtåd (nos des doets dins les rime-rames d' efant)

Ortografeyes

Divant 1900 :

• deu : E177a ^(lére)

Après 1900, foû rfondou (Feller, Feller ricandjî, nén Feller) :

• doût : O3
• dè : S109
• dwèt : C9, C62, O0, O4
• doûgt : O5
• dègt : S17
• deût : E1, E21
• deugt : C13
• dœt : C8
• deû : E165
• dèt : C8, S117
• deut : O81
• dwègt : C100
• = dœ̆́t (deut) : E145

E rfondou walon :

• doet : R9 ^(lére), R10 ^(lére), R13

Ratournaedjes

dibout do bresse

• Almand : Finger ^(de)
• Inglès : digit ^(en)
• Espagnol : dedo ^(es)
• Francès : doigt ^(fr)
• Djaponès : yubi ^(ja)
• Neyerlandès : vinger ^(nl)

Waitîz eto

Lijhoz l’ årtike doet so Wikipedia

Etimolodjeye 2

Do viebe « diveur »

Prononçaedje

• AFE :
  • diferins prononçaedjes : /dwɛ/ /dɛ/ /døː/ /dyː/ /dœ/ /dwa/ /dɔ/ (betchfessî oe)
  • prononçaedje zero-cnoxheu : /dwɛ/
• Ricepeures : nén rcepåve

Codjowa

doet

1. indicatif prezintrece, troejhinme djin do singulî, do viebe « diveur » «diveur».
   • Cwè çk' on vs doet?
   • I doet fé tchôd, asteure, dins ces payis la.
   • Ele doet esse so s' buro tos les djoûs a ût eures å matén.

Ratournaedjes

riwaitant do viebe «diveur» å prezint

• Almand : muss ^(de)
• Inglès : must ^(en)
• Espagnol : debe ^(es)
• Francès : doit ^(fr)
• Neyerlandès : moet ^(nl)