pleu

Walon (Rifondou)

Etimolodjeye

Svierba do viebe « ployî », adon racuzinåve avou l' vî francès « ploi ».

Prononçaedje

AFE :
- diferins prononçaedjes : /pløː/ (minme prononçaedje cåzu pattavå)
- prononçaedje zero-cnoxheu : /pløː/ 
Ricepeures : nén rcepåve

Sustantif

pleu omrin

dobe k' on fwait dvins on texhou, ene sitofe, on papî.
- Vos v' pwèrtez bin, à çou qu' dji veû,
  èt vosse cou-d'-tchâsse tint bin sès pleûs
  — Bate di dvize inte on catolike ey on protestant.
- Dzo les pleus bén djondous di vosse coirsaedje di soye
  Ké sintumints catchîz vs, djonne feye ås ouys si bleus ?
  Mi cour bate a s’ hiner cwand dji vs trouve so mes voyes,
  Et mes ouys, mågré mi, blawtèt tot come do feu— Martin Lejeune, "L’aveû" (fråze rifondowe).
- Mins dvins les pleus d' noste åbarone,
  Li vî cok, di tos ses pus roeds
  Tchantrè l' rewoeye del tere walone. — Camille Gaspard (fråze rifondowe).
- Dj’ ô bate vosse cour so les pleus di m’ cazake. — Joseph Mignolet, « Al Bèle Fontinne », comèdèye di treûs akes, 1924, p.31 (fråze rifondowe).
roye sol vizaedje k' aparexhe cwand on dvént vî.
- Si vizaedje fwait des pleus — Motî Forir (fråze rifondowe).
- Dji m’ rapinse cisse viye feme å vizaedje rimpli d’ pleus,
  Ki rotéve abaxhowe, on blanc noret so s’ tiesse
  Arinnant Pire et På, vinant dzo les finiesses
  Sititchî s’ vantrin d’ toele et braire sins fé nou pleu. — Joseph Vrindts, ”Vîx Lîge” (1901), p.144, “Li Trô Bottin” (fråze rifondowe).
- On vèyéve tos lès pleûs so s' lêd frèzé vizaedje! — Camille Gaspard.
(imådjreçmint) afaitixhaedje ( Loukîz a : « prinde li pleu », Loukîz a : « piede li pleu ».
- C' est l' djoû edon. El måjhone, mi mame endè fjheut tofer å noyé. Dj' a wårdé ç' pleu la. — Joseph Mignolet, "Li vôye qui monte" (1933), p.37 (fråze rifondowe).

tåvlea da Jan Van Eyk ki s' tchapea a des pleus timpesse
mousseure a môde des Romins avou beacôp des pleus
Viye kimere avou ene djaive pinne di pleus

Ratourneures

fé on pleu e s’ vinte : haper fwin.
- Nos cwate nozés cårpeas,
  Avént sopé, mins, zels ni fjhént k' di s' plinde,
  Et tot m' dijhant k' dji freu-st on pleu e m' vinte,
  Dji vs a rovyî. — Joseph Vrindts, « Pâhûles rîmês » (1897), "Bon cour ni pout minti", p.74 (fråze rifondowe).
li pleu est trop vî
ni nén fé on pleu
- Çoula n' frè nén on pleu — Motî Forir (fråze rifondowe).
- Cwand s' deure cougnêye
  Flaxhe di s' pus roed,
  Åbes et bohêyes
  Ni fèt nou pleu ! — Louis Lagauche, "Les belès-eures" (1928), p. 116 (fråze rifondowe).
on vizaedje ki fwait des pleus: s' rider tot djåzant d' on vizaedje
prinde li pleu ou shure li pleu
sins fé nou pleu: schåynete.
ritoumer e vî pleu.
- Al vesprêye, c' est fiesse å viyaedje. Li vicåreye a rtoumé e bon vî pleu …— Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 50 (fråze rifondowe).
piede li pleu.
- Ta ! Ta ! Lai l’ tins a Andrî do piede ses måvas pleus, valet. (alant viè l’ fond) Ti voerès, ci n’ serè måy k’ ene cope. — Joseph Mignolet, « Li tchèsturlinne dèl Bèle Rotche, 1922, p.17 (fråze rifondowe).
- Dispoy li tins k’ on nel fwait pus cial, on a pierdou l’ pleu… — Joseph Mignolet, « Li Vwè dè Clokî, 1926, p.18 (fråze rifondowe).
- Les pés plins d’ laecea fjhént stitchî leus tetes,
  Et les roedès cawes, po n’ nén piede li pleu,
  Flaxhént leus flantchis, tchessant les moxhetes,
  Ki l’ ombion del shijhe aveut fwait tni coe. — Louis Lagauche, « Li p’tit hièrdî », Tchant I, Hanèsse èt Magrite (fråze rifondowe).