lanwi

Walon (Rifondou)

Etimolodjeye

Tayon-bodje latén « languere » (minme sinse) çou ki dene on mot avou l’ cawete di codjowaedje « -i » des viebes.

Prononçaedje

AFE :
- diferins prononçaedjes : /lã.ˈwi/ /lãw.ˈji/ /lã.ˈɡi/ (minme prononçaedje cåzu pattavå)
- prononçaedje zero-cnoxheu : /lã.ˈwi/
Ricepeures : lan·wi

Viebe

Djin et tins	Codjowa
Cåzant Ind. pr. (dji, dj’)	lanwi / lanwixh
Atôtchî(s) Ind. pr. (vos, vs)	lanwixhoz
Cåzants Ind. pr. (nos, ns)	lanwixhans
Rwaitants Ind. pr., nam. (i/il, ele/elle)	lanwixhnut
Cåzant Ind. fut. (dji, dj’)	lanwirè / lanwixhrè
Cåzant D.I.E. (dji, dj’)	lanwixheu
Cåzant Suddj. pr. (ki dji, dj’)	lanwixhe
pårt. erirece (dj’ a, vos av)	lanwi
Ôtes codjowaedjes	come prusti

lanwi (v. sins coplemint)

ratinde tot s' pelant.
- Dj' î lanwixheu d' anoymint.
- Schoûtez don l' powete ki sospire,
  Voloz vs k' i lanwix et k' i mourt?
  Ene låme blawtêye a vosse påpire !
  Cisse plouve la fwait mori d' amour ! — Martin Lejeune, BSLLW (fråze rifondowe).
- On poleut londjiner,
  Dåvyî des eures etires, scheure les coixhants mås d’ tiesse
  K’ on rascoye hår et hote et ki nos fjhèt tant lanwi. — Joseph Vrindts, ”Vîx Lîge” (1901), p.101-102, “Pâhûlisté” (fråze rifondowe).
- Vass ås meyes diåles si t' vous ovrer, u lanwixh cial, el capitåle — Daniel Droixhe (fråze rifondowe).
- Contintez vs, vos marlatchas, di vey clair divins vosse vijhnåve, do boere kékès gotes di m' laecea, do lanwi on moumint so l' forçale di m' sitoumak, adonpwis do mori sins cnoxhe vosse mame ou vosse nourice. — Paul Lefin, ratournant Voltaire (fråze rifondowe).
ratinde avou håsse (dins l' tourneure "fé lanwi").
- Sepoz k' les ptits chagrins d' amour
  Ki vs fjhèt lanwi, sont si vîs k' tere. — Camille Gaspard (fråze rifondowe).
- Alez, ni m’ fwai nin lanwi ! Mostere mu çk' i gn a dins l’ cado rewalpé — Båze di dnêyes di l’ Årdene nonnrece (fråze rifondowe).
- I l' pout bén maryî: i l’ a fwait lanwi assez — Motî d’ Cînè (fråze rifondowe).
(mot d’ medcén) amwinri et tourner a rén a cåze d' ene pardurante maladeye.
- Cist efant la m' frè lanwi — Motî d’ Vervî (fråze rifondowe).
- I våt meyeu mori ki d' lanwi — Motî d’ Nivele (fråze rifondowe).
- Poes-d'-Tchene avizéve èn ome ki vikéve so blancs poes. Lu k' aveut stî aclevé so pås so fotches, n' åreut polou ôtmint ki d' esse cråwé et dmani come li plante ki lanwixh — Joseph Vrindts, "Racontules et råtchåds" (1920), p.139; "Peûs-d'-Tchène" (fråze rifondowe).