halcoter

Walon (Rifondou)

Etimolodjeye

Tayon-bodje vî francike * « hariôn » ‎(« gåter, spiyî ») Modele:ris-K avou l’ dobe cawete « -oter » des viebes; mot cité dins l’ FEW 16 166b.

Prononçaedje

AFE :
- diferins prononçaedjes : /hal.kɔ.ˈte/ /hal.kɔ.ˈtiː/ /al.kɔ.ˈte/ /al.kɔ.ˈtɛ/ (H prumrece)
- prononçaedje zero-cnoxheu : /hal.kɔ.ˈte/
Ricepeures : hal·co·ter

Viebe

Djin et tins	Codjowa
Cåzant Ind. pr. (dji, dj’)	halcote
Atôtchî(s) Ind. pr. (vos, vs)	halcotez
Cåzants Ind. pr. (nos, ns)	halcotans
Rwaitants Ind. pr., nam. (i/il, ele/elle)	halcotnut
Cåzant Ind. fut. (dji, dj’)	halcotrè
Cåzant D.I.E. (dji, dj’)	halcotéve
Cåzant Suddj. pr. (ki dji, dj’)	halcote
pårt. erirece (dj’ a, vos av)	halcoté
Ôtes codjowaedjes	sipepieus tåvlea

halcoter

(v. sins coplemint) aler d' tos les costés, dins tos les sinses.
- Les tabeurs a farene halcotént come des carioles (R. Dedoyard)
- Li galant, pindou après on sômî, halcotéve dins les arincrins. — José Schoovaerts (fråze rifondowe).
- C' esteut-st ene grande tcherete a tchéns ki halcotéve, presse a rvierser. — Jean-Pierre Dumont (fråze rifondowe).
- Et s' rindèt i conte ki l' vint a divni waeraxhe, et k' i sorlive des waxhletes ki vnèt fé halcoter li vwele siconte del plantche. — Lucyin Mahin, Vera.
- Mès djins... dju sowe... dju mamouye... dju halcote...
  Ozès-orèyes, dj'a come on djeû d' rudion— Camille Gaspard.
(v. sins coplemint) bodjî, po ene sacwè ki n' divreut nén.
- Gn a vosse tcheyire ki halcote.
- Li vint shofele so l' ouxh et gn a tot ki halcote.
- Dj' a on dint ki halcote.
- Iy ! Ki dj' arawe ! Come il est maigue !
  I halcote å vint tot rotant. — Jean Bury, Joyeux rèspleus (1899), "Ji sos trop p'tit magneu" (fråze rifondowe).
- Ele diveut co fé cint råjhons
  Po siervi les djonnes haguetes,
  Ki dbitént totes sôres di råtchåds,
  Et fjhént halcoter si estalaedje. — Joseph Vrindts, ”Vîx Lîge” (1901), p.43, “Li Plèce Grétry” (fråze rifondowe).
- Å mitan des bouteures ki l’ solo shonne waitî,
  Ene noere croes halcote,
  Et l’ noer casse kil yi sieve di corone
  A co l’ air do mancî. — Jules Claskin, « Airs di flûte et autres poèmes wallons », édition critique de Maurice Piron, 1956, « Dixmude », 1916, p.25 (fråze rifondowe).
- Tot rivnant d' av' sitî ovrer, Nestor a boevou kékès gotes Portant i tuze a ndè raler, Mågré k' po l' moumint, i halcote. — Marcel David.
- Sol crestea do toet, les schayes î sont ele co totes ? Probåbmint k' i gn end a ene ou l' ôte ki halcote ! — Odon Fabry (fråze rifondowe).
(v. sins coplemint) Modele:st roter londjinnmint et målåjheymint.
- I gn a m’ cour ki halcote,
  Dji sin k’ i va cahin-caha,
  Come après ene ribote. — Martin Lejeune, "Marguèrite, si vos m’aimez…" (fråze rifondowe).
(v. sins coplemint) roter tot berlondjant.
- Tchén d' corote, twè ki halcote avå l' pavêye, I sereut tins k' on t' fiestixh (A. Gadisseur).
- Å bresse do pôve diåle k’ el remoenne,
  Li sôlêye si lait halcoter,
  I ploye so ses djambes po roter
  Come onk ki n’ tént pus pîces eshonne. — Joseph Vrindts, « Pâhûles rîmês » (1897), «Li jou d’l’ an», p.96 (fråze rifondowe).
- A fwèce d’avu trîmé tot l’timp di s’pèneuse vèye,
  Et d’avu, sins d’fali, pwerté l’tchèdje di ses creux,
  Li vîle grand’mére qui rote â bresse di si p’tite fèye,
  Halcote, et bahe li tiesse come ine potèye qu’à* seû… — Joseph Mignolet, "Les håyes sont rfloreyes", "Li viye grand-mere", 1921, p. 29.
- Pwis, come èn ome ki halcote so ses djambes,
  Dj' end erala hinkeplink e mi ombion. — Louis Lagauche, "L' inmant", Li tchanson del Mouze, (1947), p. 111 (fråze rifondowe).
F. déambuler.
(v. sins coplemint) (imådjreçmint) awè todi on må u l' ôte.
Loukîz a: pete ou vesse.
(v. sins coplemint) èn nén saveur cwè.
- Roteure halcote et n' sait trop cwè Inte vinous-d'-ôte-påt et Lidjwès. — Marcel Slangen.
(viebe å coplemint) må fé (èn ovraedje).