banåve

Walon (Rifondou)

Etimolodjeye

Bodje « ban » avou l’ cawete « -åve » (kécfeye forcoridjeye di « -åle » metou po « -å »).

Prononçaedje

• AFE :
  • diferins prononçaedjes : /ba.ˈnɔːf/ /ba.ˈnaːf/ /ba.ˈnoːl/ (waitîz cial ådzo e hagnon «ortografeye») (betchfessî å)
  • prononçaedje zero-cnoxheu : /ba.ˈnɔːf/
• Ricepeures : ba·nåve

Addjectif

	singulî	pluriyal
omrin	banåve	banåves
femrin padrî	banåve	banåves
femrin padvant	banåve	banåvès

banåve omrin (come addjectif djondrece, metou padvant u padrî l’ no)

1. (Istwere) da tertos, wice ki les djins polèt aler tertos, tot sujhant sacwantès rîles.
   • On banåve for ; on banåve molén, on banåve bwès, ene banåve voye.
   • Après l’ awousse, les waides sont sovint banåves.
   • Li foresse n’ est pus banåve tins del tchesse.
2. (Istwere) nén sårté, tot cåzant d’ ene trîxhe.
3. (pa stindaedje do sinse) abandné, leyî hatche et matche (po ene måjhon, evnd).
   • Li tere del Walonreye est ele divnowe banåve ? — Isi Steinweg (fråze rifondowe).
4. k’ on n’ aconte nén, k’ on lait tot seu e-n ene coine.
   • C’ est des efants banåves, i n’ toûnront nén bén.
5. poenneus, sins alant, disbåtchî.
   • Dispu ki s’ feme est moite, il est tot banåve.
   • Si ptit cour k' e-st eco banåve,
     E m' haerna djel vôreu rclaper— Martin Lejeune, "Œuvres lyriques du poète Martin Lejeune" p. 108, "Lu hèrna" (fråze rifondowe).
   • Li disparicion di nos fels soçons X et Y nos leye tot banåves eyet lairè on fameus vude dins nosse binde. — ETaq (fråze rifondowe). (E. Taquet).
   • El cinsî avou s’ fotche frontåle,
     Li mene tote banåve,
     Va kerdjî des gros ronds boteas
     Po les dner ås vatches ey ås veas…
     Todi fé tot a rascaré ;
     Djamåy fini, måy ripoizé,
     Djamåy binåjhe, djamåy contin,
     El mawe banåve
     Avå l’ eståve. — Lucyin Mahin, dizo l’ no d’ pene di Gina Spirito (fråze rifondowe).
   • On s’ riwaite tot banåve, gn a bén des cis ki låtchnut ene couyonåde, n’ espaitche k’ on a l’ pepete. — Henri Pétrez (fråze rifondowe).
   • I saetchive so s’ pupe, (…) et nos cobôrer sol costé avou sacwants metchants mots ki nos métént foû do djeu et nos leyî tot banåves. — Joseph Bodson (fråze rifondowe).
6. sins rén a pårt ki s’ î passe.
   • On banåve djoû.

Ratourneures

1. On banåve torea : gayet metou dins on viyaedje, po les ptitès djins î aler fé potchî leus vatches. F. taureau de monte.
2. leyî banåve : leyî la, sins î rwaitî.
   • I leyèt leu måjhone banåve po-z aler vijhner (ramexhné pa J. Haust).
3. tot est banåve : cwand on mousse en ene måjhon, po dire k’ i gn a nolu, k’ on mousse come on vout. Franwal : ahåyant po : on entre comme dans un moulin.
4. roter avou ses bresses banåves : avou les bresses ki pindèt berlike berloke. F. bras ballants.
5. on tchén banåve : sins mwaisse. F. chien errant.

Sinonimeye

• (da tertos, istoricmint) : kimon.
• (poenneus): dizôrné, reyusse, disbåtchî
• (k’ on lait tot seu): disseulé

Ortografeyes

Divant 1900 :

• banave : E212 ^(lére)
• banâf : E203 ^(lére)

Après 1900, foû rfondou (Feller, Feller ricandjî, nén Feller) :

• balône : O4 ^{(sinse 5)}
• banauve : C13
• banal : C9 (a « for »)
• banål : E1 (a « banåve »)
• banôle : O3, O4, O5
• banåhe : E1 (a « banåve »)
• bayâne : E145
• banau : C9 (a « for »)
• banâl : C1
• banôl : JBod
• banåve : E1, E34
• banâve : E21
• banaule : O0, O2

E rfondou walon :

• banåve : R9 ^(lére), R10 ^(lére)

Li mot n’ est nén dins : C8, R13

Ratournaedjes

da tertos, istoricmint

• Francès : banal ^(fr), public ^(fr), communal ^(fr), commun ^(fr)

nén sårté, tot cåzant d’ ene trîxhe

• Francès : en friche ^(fr)

abandné

• Francès : abandonné ^(fr), à l’abandon ^(fr)

k’ on n’ aconte nén

• Francès : délaissé ^(fr), isolé ^(fr), esseulé ^(fr)

poenneus

• Francès : triste ^(fr), affligé ^(fr), décontenancé ^(fr), déconcerté ^(fr), désemparé ^(fr), désorienté ^(fr)

sins rén a pårt ki s’ î passe

• Francès : banal ^(fr), ordinaire ^(fr)

Adviebe

1. feneyanmint.
   • I dmore todi banåve å cwén di s’ feu.
2. sins sawè edou.
   • Endaler banåve.
3. sins k’ on polaxhe comprinde.
   • Divizer banåve.
4. catchiveuzmint.
   • Ponre banåve.

Mots vijhéns

(catchiveuzmint)

• ponre pierdou. F. pondre dans un endroit caché.

Ratournaedjes

feneyanmint

• Francès : oisivement ^(fr)

feneyanmint

• Francès : à l’aventure ^(fr)

sins k’ on polaxhe comprinde

• Francès : délirer ^(fr)