trîxhe

Walon (Rifondou)

Etimolodjeye

Tayon-bodje vî francike * « threosk » (minme sinse), racuzinåve avou l' neyerlandès « dries ».

Prononçaedje

• AFE :
  • diferins prononçaedjes : /tʀiːç/ /tʀiːh/ /tʀiːʃ/ (betchfessî xh)
  • prononçaedje zero-cnoxheu : /tʀiːç/
• Ricepeures : nén rcepåve

Sustantif

singulî	pluriyal
trîxhe	trîxhes

trîxhe omrin et femrin (mot bikebok)

1. (toponimeye) tere k' on n' tcherowe nén, mins k' on-z î pout aler avou les biesses.
   • E bwès et so les trîxhes, ås tchamps come e l' laetche,
     Tot rprindeut vigueur amon les Ådneus — Louis Lagauche (fråze rifondowe).
   • Li comene contéve des ectåres di trîxhes, di hés et d' brouwires, k' ont stî sårtêyes po fé des tchamps a coûtiver.
   • Les teres eralént e trîxhe avou des djniesses, des ronxhes et des suzons plin — Lucyin Mahin.
   • Ci n' esteut k' on pôve trîxhe, kissemé di djniesses et d' pekets — Jean-Pierre Dumont (fråze rifondowe).

Ratourneures

1. avå trîxhes et bwès

Parintaedje

• triyot
• trîxhea
• trîxhler
• trîxhlaedje
• trîxhner
• distrîxhî
• distrîxhner
• kitrîxhner

(minme sourdant etimolodjike)

• Drwexhe

Mots d’ aplacaedje

nos d' famile

• Detrîxhe
• Detrî

Rilomêye do mot

Li mot dins on tite di live, di gazete, di soce, di marke

• Avå trîxhes et bwès: live sa Jean Lejeune di Djoupeye

Ortografeyes

Après 1900, foû rfondou (Feller, Feller ricandjî, nén Feller) :

• trî : E145
• trîhe : E1, E170

E rfondou walon :

• trîxhe : R10 ^(lére), R13

Ratournaedjes

tere k' on n' tcherowe nén

• Almand : Brache ^(de), Brachland ^(de)
• Inglès : fallow ^(en), fallow land ^(en)
• Francès : friche ^(fr), lande ^(fr), terrain inculte ^(fr)
• Lussimbordjwès : Brooch ^(lb)
• Neyerlandès : dries ^(en)