biesse

Walon (Rifondou)

Etimolodjeye

Tayon-bodje latén « bestia » (minme sinse).

Prononçaedje

• AFE :
  • diferins prononçaedjes : /bjɛs/
    • (pa picårdijhaedje) /bjɛt/ /bet/
  • prononçaedje zero-cnoxheu : /bjɛs/
• Ricepeures : nén rcepåve

Sustantif

singulî	pluriyal
biesse	biesses

biesse femrin

1. vicante sacwè, ki bodje.
   • Çoula, c' est seur po houkî s' niyêye
     Ele voet seur ene biesse k' a l' creva. — Henri Simon, "Li pan dè bon Diu", "L’aguèsse" (fråze rifondowe).
   • Ni vént i nén blaguer m' laide tiesse,
     Mes ouys, mi vinte, mes pîs, mes mwins,
     Lu k' a moens l' cogne d' ene djin k' ene biesse !
     Bén vla on råle, edon surmint ! — Jean Bury, Joyeux rèspleus (1899), "Bin v’la st-on râre èdon surmint" (fråze rifondowe).
   • Ene sacwè vént do bodjî; ene biesse si winne inte les coxhetes c' est ene lovresse — Marcel Fabry, "Li hatche di bronze" (1937), p. 58 (fråze rifondowe).
   • Padecô, avou les atoumances del tchesse, i dveut leyî si tchvå e plan dins l' bwès, ca, po n' nin piede li cier, li tchivroû, ubén l' singlé porshû pa les tchéns, il endaléve a pî po trover li biesse catchêye dins les coxhes. — Dimitri François (fråze rifondowe et rarindjeye).
   • Li biesse k' el shuveut, c' esteut beazebén on leu; ene hoûlåjhreye la pus lon, vla k' il estént zels deus; on pô dvant lu, co onk ki l' atindeut — Louis Nisen (fråze rifondowe).
2. (pus stroetmint) di ptite taye.
   • Dji pasrans co a l’ inspeccion des pûs et l’ målureus k’ on lyi årè trové ene biesse serè dispûslé al froede aiwe — Arthur Schmitz, On-Ârdènès foû di s’ payis, t. 1, p. ? (fråze rifondowe).
3. (pus stroetmint) (mot des cinsîs) aclevêye al cinse.
   • On cinsî k' a beacôp des biesses. — Motî Haust (fråze rifondowe).
   • Gn a ene malådeye ki court divins les biesses. — Motî Forir (fråze rifondowe).
   • Dji m’ va sognî nos troes biesses et serer les ståves. — Joseph Mignolet, « Al Bèle Fontinne », comèdèye di treûs akes, 1924, p.14 (fråze rifondowe).
4. (no d’ tolu) ewaerante creyateure.
   • La, so l' crestea ki boute å mitan des deus vås
     Fén parey a li screne d' ene viye adjeyante biesse;
     L' åbe a crexhou, foirt et vigreus, droet come èn I — Henri Simon, dins Li moirt di l' åbe (fråze rifondowe).
   • Dj' a veyou des biesses do diåle ki sbrotchént d' tere come des molons wôr del viye tchå, pattavå l' payis ! — Jean-François Brackman (fråze rifondowe).
   • Fåreut co ki l' måle biesse tchåsreut ces botes la ! … et ki l' hårpixhe ki dj' a metou dvins freut l' afwaire …— Paul-Henri Thomsin, ratournant e walon Walon’rèye, tére di lédjindes, 1998, p. 35 (fråze rifondowe).
5. (pus sovint eployî å pluriyal) formagnantès biesses (pious, wandions, viers evnd).
   • Ces biesses k' il aveut-st atrapé, don ! c' esteut ene biesse dins l' lét — Sintake Rimåke (fråze rifondowe).
   • Ns avéns do monde, tos les pious, totes les biesses,
     Ns avéns l' narene et les doets edjalés ; — Charles Duvivier de Streel, "Li pantalon trawé" (1849) (fråze rifondowe).
6. (rabaxhanmint) haeyåve djin.
   • C' est ç' poureye biesse la k' a sayî di vs fé houmer tolminme cwè. — Paul-Henri Thomsin, ratournant Maigret èt l’danseûse d’å Gai-Moulin, 1994, p. 33 (fråze rifondowe).

Ratourneures

1. esse sô come ene biesse
2. fé tourner a noere biesse : fé araedjî.
3. i n’ court nou risse so ene måle biesse
4. i n’ fåt k’ ene måle biesse po pûni tot on ståve
5. kitchessî come ene biesse
6. n’ a nou måva côp so ene måle biesse
7. on n’ rimete nén djin a biesse
8. riprinde do poyaedje del biesse
9. tourner a biesse

Mots d’ aplacaedje

• a biesse
• biesse a cint djambes
• biesse ås balowes
• biesse ås tetes
• biesse di boledjî
• biesse di feu
• biesse di for
• biesse di gregne
• biesse d’ oraedje
• cropante biesse
• live ås biesses
• måle biesse
• noere biesse
• rodjès biesses

Ortografeyes

Divant 1900 :

• biess : E177a ^(lére), E203 ^(lére)
• biesse : E212 ^(lére)

Après 1900, foû rfondou (Feller, Feller ricandjî, nén Feller) :

• byèsse : E165
• bièsse : C1, C8, C9, C13, E1, E2, E21, E34, E165, O0, O2, O3, O4, O5, O51

E rfondou walon :

• biesse : R10 ^(lére), R13

Ratournaedjes

biesse

• Almand : Tier ^(de) neute
• Inglès : animal ^(en)
• Espagnol : animal ^(es)
• Francès : animal ^(fr) omrin, bête ^(fr)
• Itålyin : animale ^(it) omrin
• Djaponès : dōbutsu ^(ja)
• Neyerlandès : dier ^(nl) neute
• Polonès : zwierzę ^(pl) neute

Addjectif

	singulî	pluriyal
omrin	biesse	biesses
femrin atribut	biesse	biesses
femrin epitete (todi padvant)	biesse	biessès

biesse omrin et femrin (come addjecif djondrece, todi metou padvant l’  no)

1. nén foirt malén.
   • Il est pus biesse ki calin. — Motî Haust (fråze rifondowe).
   • I n' est nén ossu biesse k' il avize. — Motî Haust (fråze rifondowe).
   • Li pé d’ tot, avou l’ ortografeye francesse, c’ est k’ tertos dit k’ elle est biesse mins, tchaeke côp k’ on-z a asprové d’ el candjî, on-z a fwait berwete. — Willy Bal (fråze rifondowe).
   • Coschirer s’ tins a dmostrer ki l’ francès est on biesse lingaedje, c’ est furler li pont d’ foice ki ns avans co. — Lorint Hendschel.
   • I m’ a fwait bele po k’ vos m’ hantexhe … et assez biesse po ki dji m’ laiye adire ! — Paul-Henri Thomsin, ratourtnant Tchantchès, c'èst po rîre, 2023, p.38 (fråze rifondowe).

Ratourneures

1. biesse a magnî do four
2. biesse come ses pîs, biesse come ses pates, biesse a magnî do four : foirt biesse.

Parintaedje

• biesmint
• biestreye, biestrijhe
• ebiessî, ebiessant (ambêter, ambêtant)

Sinonimeye

Loukîz a : «Motyince:biesse/walon»

Fås amisse

L' inglès B.S. (cåzu l' minme prononçaedje) est foirt grossir, do moens e Canada; c' est les prumirès letes di bull shit (stron d' gayet).

Ratournaedjes

Loukîz a : Motyince:biesse/walon

• Inglès : dum ^(en), stupid ^(en)
• Espagnol : bestia ^(es), tonto ^(es)
• Francès : bête ^(fr), stupide ^(fr), con ^(fr)
• Latén : brutus ^(la)
• Neyerlandès : dom ^(nl), zot ^(nl)
• Rûsse : глупый ^(ru) =‎ gloupy

Sustantif

singulî	pluriyal
biesse	biesses

biesse femrin

1. onk k' est biesse.
   • Baltusse e-st ene grosse biesse. — Motî Forir (fråze rifondowe).
   • On djoû, nos nos rvoerans la-hôt.
     Kî nel croet nén, c' e-st ene grosse biesse. — Henri Forir, Blouwett lîgeoiss, Po beûr on kô al fiess, 1843, p.23 (fråze rifondowe).
   • Mi prindoz vs po ene biesse ? Dabôrd si vos n’ mi creyoz nén, alez vey il est åjhey a ricnoxhe avou s’ rossete tiesse. — Louis Lagauche, Cåse d'on comichonaire, 1904, p.36 (fråze rifondowe).

Sinonimeye

• Loukîz a : «Motyince:dimey doûs/walon»

Ratourneures

1. fé l’ biesse

Ratournaedjes

Loukîz a : Motyince:biesse/walon

• Inglès : dummy ^(en), idiot ^(en)
• Francès : idiot ^(fr), imbécile ^(fr)
• Latén : brutus ^(la)
• Neyerlandès : dommerik ^(nl), zot ^(nl)
• Rûsse : глупец ^(ru) =‎ gloupiéts