djaler

Walon (Rifondou)

Etimolodjeye

Tayon-bodje latén « gelare » (minme sinse), avou a-divnance del voyale do prumî pî, çou ki dene on mot avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /d͡ʒa.ˈle/ /d͡ʒa.ˈlɛ/ /d͡ʒɛ.ˈle/
  • prononçaedje zero-cnoxheu : /d͡ʒa.ˈle/
• Ricepeures : dja·ler

Viebe

Tins	Codjowa
Ind. pr. : i	djale
Ind. fut. : i	djalrè
D.I.E. : i	djaléve
Suddj. pr. : k' i	djale
Pårt. er. : il a	djalé

djaler

1. ((v. sins djin)) fé on tins wice ki l' aiwe toûne a glaece.
   • I va djaler del nute: les stoeles xhinèt des dints.
   • Schoyoz l' feu, Zabele, Pu vnoz dins mes djnos; Po nos tni tchôd cwand i djale, Recoulotans nos — Jacques Bertrand (fråze rifondowe).
   • Gn-a l’ timps qu’èst tot cu d’zeû, cu d’zo,
     I djale à l’uch, bolant en d’dins,
     Dimoroz vêla dins l’ culot,
     Dj’ rabroke d’lé vos pwârté pa l’ vint
     — Jacques Desmet.

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

II. [v.s.c.]

1. dins les djeus d' efant, end aler pus lon erî di çou k' on doet trover.
   • Ti djales… asteure ti broûles.

   rl a: broûler. F. s'éloigner.

2. (uzaedje disconsyî) edjaler.
   • Mes fleurs djalèt l' ivier.

III. (uzaedje disconsyî) [v.c.] edjaler. Li froed a djalé mes canadas.

Ratourneures

1. djaler tot blanc : djaler et k' on croet k' on-z a spårdou ene blanke poure totavå.

   On dit eto: reler, mårler. F. gelée blanche.

2. djaler a furlotches : djaler et k' gn a come des furlotches ki pindèt ås coxhes.

   On dit eto: djivronde. F. givrer.

3. djaler a tchandeles; djaler a glaece : djaler foirt, et k' gn a des tchandeles di glaece après les toets.
4. djaler a biesse u : djaler a pire finde : djaler foirt.

   rl a: fé xhiltant.

5. pus djale-t i, pus strénd-t i : dijhêye cwand ça va todi pus må.
6. i n' djale nén so l' mårlaedje : cwand il a mårlé (relé), et k' ça dmeure, li nute ki vént, i n' ridjalrè nén.
7. raetchîz dsu et priyîz l' Bon Diu k' i djale ! : dijhêye po balter ene sakî k' a spiyî on casson: s' i djale, les bokets si vont rcoler.
8. djaler a finde les pires : djaler timpesse.

Parintaedje

• djalant, djalaedje, djalêye
• djalter, djaltiner
• edjaler, edjalé, edjalaedje, edjaloe
• disdjaler, disdjalaedje
• ridjaler, redjaler, redjalé

(minme sourdant etimolodjike)

• djelêye, djelatene

Sinonimeye

• (djaler tot blanc) : reler, mårler
• (waire djaler) : djalter, djaltiner

Ortografeyes

Après 1900, foû rfondou (Feller, Feller ricandjî, nén Feller) :

• djèler : O0, O3, O4
• djalè : C1, C8, C13, S117
• djaler : C9, E1, E21, E34, O2, S0, S117

E rfondou walon :

• djaler : R9 ^(lére), R10 ^(lére)

Ratournaedjes

djaler

• Inglès : to freeze ^(en)
• Espagnol : helar ^(es)
• Francès : geler ^(fr)
• Itålyin : gelare ^(it)
• Sicilyin : jilari ^(scn)