xhiltant

Walon (Rifondou)

Etimolodjeye

Do viebe « xhilter » avou l’ cawete « -ant ».

Prononçaedje

• AFE :
  • diferins prononçaedjes : /ʃil.ˈtã/ /ʃiːy.ˈtã/ /hil.ˈtã/ /hiːy.ˈtã/ (betchfessî xh)
  • prononçaedje zero-cnoxheu : /ʃil.ˈtã/
• Ricepeures : xhil·tant

Pårticipe prezintrece

xhiltant (nén candjåve)

1. pårticipe prezintrece do viebe « xhilter ».
   • I saye di nos fé vni e xhiltant avou l' sounete di s' velo.

Addjectif

	singulî	pluriyal
omrin	xhiltant	xhiltants
femrin padrî	xhiltante	xhiltantes
femrin padvant	xhiltante	xhiltantès

xhiltant omrin (come addjectif djondrece, metou padvant u padrî l’ no)

1. ki s' kitchoke tot fjhant on brut d' xhilete.
   • Dji vou del xhiltante manoye.
   • Il årè on xhiltant patår al djaive — Motî d’ Vervî (fråze rifondowe et rarindjeye).
2. (imådjreçmint) ki xhiltêye a l' oraye.
   • La on xhiltant resploe — Motî d’ Vervî (fråze rifondowe et rarindjeye).
   • Come tos les fis d' ovrî k' ont stou aclevés e nosse xhiltant patwès, il inme ci-voci come li purnale di ses ouys, pår dispoy li djoû k' i sinta ki l' Muze l' aduzéve di ses aiyes et lyi sussinéve des sacwès ki rmouwént s' cour di tuzeu — Prosper Libert (fråze rifondowe).
   • Mi cour tocta come on xhiltant tchant d' clokes
     Ki trûle sol tere les pieles di cariyon— Louis Lagauche, "L' inmant", Li tchanson del Mouze, (1947), p. 111 (fråze rifondowe).
3. ki dene del djoye, k' on-z a bon di rwaitî, foirt bon.
   • L' ekipe do Barça nos a mostré si xhiltant djeu des grands djoûs.
   • Mi dji di k' vosse Moustafa, c' est on xhiltant sudjet.
   • Did la, li xhiltante idêye da l' Ive Påket, d' ahoukî les politikîs åzès soçnaedjes di Djiblou, des soçnaedjes pår e walon, come di djusse — Lucyin Mahin.
4. k' est todi gaiy, po èn ome.
   • Ké xhiltant diåle, mi-n ome ! — Motî Gilliard (fråze rifondowe).
5. foirt froed(e).
   • Gn a co yeu ene xhiltante djalêye — Motî Forir (fråze rifondowe et rarindjeye).
6. toctant.
   • A panea, les deus mwins djondowes,
     Sayant d' î mete tote si atincion,
     Li loukeure å cir come pierdowe
     Et l' cour xhiltant, li ptit efant,
     Gruzene måfwaitmint l' priyire
     Ki s' mame lyi gruzene mot pa mot. — Martin Lejeune, “ Œuvres lyriques du poète Martin Lejeune” p.145, « L’èfant prèye » (fråze rifondowe).

Mots d’ aplacaedje

1. fé xhiltant : djaler foirt, fé foirt froed.

Sinonimeye

k' on-z inme foirt bén

• clapant; Loukîz a : « clapant »
• zûnant

foirt (froed, djalêye)

• higntant

Ortografeyes

Divant 1900 :

• hietan, hietantt : E203 ^(lére)
• hietan : E212 ^(lére)

Après 1900, foû rfondou (Feller, Feller ricandjî, nén Feller) :

• hiyetant : E1, E212b
• hiltant : E34
• chîletant : C106

E rfondou walon :

• xhiltant, xhiltante : R9 ^(lére), R10 ^(lére)

Li mot n’ est nén dins : C1, C8, R13

Ratournaedjes

ki fwait on brut d' metå tot s' kitchocant

• Francès : sonnant ^(fr), tintant ^(fr), sonore ^(fr)

ki xhiltêye ås orayes

• Francès : musical ^(fr), sonnant ^(fr), tintant ^(fr)

k' on-z inme bén Loukîz a : clapant

• Francès : remarquable ^(fr), formidable ^(fr), génial ^(fr), sensationnel ^(fr), épatant ^(fr), fameux ^(fr)

Adviebe

xhiltant omrin (addjectifs-adviebes prindant on femrin, mins nén l' pluriyal)

1. dins l’ ratourneure : xhiltant noû, xhiltante nouve: tot noû, tote nouve.
   • Il est abiyî tot xhiltant noû — Motî Forir (fråze rifondowe et rarindjeye).
   • I s' a atchté ene moto xhiltante nouve.

Sinonimeye

xhiltant noû

• blincant noû
• clapant noû

Ratournaedjes

xhiltant noû

• Francès : flambant neuf ^(fr)

Sustantif

	singulî	pluriyal
omrin	xhiltant	xhiltants
femrin	xhiltante	xhiltantes

xhiltant omrin

1. (camaerådreçmint) djoyeus ome, mins ene miete sot.
   • C' est on xhiltant, et toursiveus avou ça — Auguste Laloux (fråze rifondowe).
   • C' end est dedja des xhiltants, les Namurwès: fote li curé å mitan d' on parey xhiltant — Auguste Laloux (fråze rifondowe).
2. Loukîz a : « xhiltante ».

Ratournaedjes

djoyeus ome ene miete sot

• Francès : comique ^(fr), drôle ^(fr) gai luron ^(fr)