arester

Walon (Rifondou)

Etimolodjeye

Tayon-bodje latén « arrestare », adon racuzinåve avou li vî lingaedje d’ oyi « arester » (minme sinse).

Prononçaedje

AFE :
- diferins prononçaedjes : /a.ʀɛs.ˈte/ /a.ʀɛ.ˈte/ /a.ʀɛ.ˈtɛ/
- prononçaedje zero-cnoxheu : /a.ʀɛs.ˈte/
Ricepeures : ares·ter

Viebe

Djin et tins	Codjowa
Cåzant Ind. pr. (dji, dj’)	arestêye
Atôtchî(s) Ind. pr. (vos, vs)	arestez
Cåzants Ind. pr. (nos, ns)	arestans
Rwaitants Ind. pr., nam. (i/il, ele/elle)	arestêynut
Cåzant Ind. fut. (dji, dj’)	arestêyrè
Cåzant D.I.E. (dji, dj’)	arestéve
Cåzant Suddj. pr. (ki dji, dj’)	arestêye
pårt. erirece (dj’ a, vos av)	aresté
Ôtes codjowaedjes	come tchicter

arester (å prono : s’ arester)

(v. sins coplemint) èn pus porshure (on mouvmint, èn ovraedje).
- Arestêye ! Ti m' les peles !
- I n' fijhèt d' må a nolu, ces tchaferlikes la, mågré k' i n' arestèt nén d' marmouzer etot raguidant d' cresse. — Charles Staquet (fråze rifondowe).
- C’ est onk k’ a l’ zapete del tévé dvins ses mwins et ki n’ arestêye nén di passer d’ on fime porno a on fime so l’ pexhe el mer. — Christian Thirion (fråze rifondowe).
(viebe å coplemint) fé k' ene sacwè ni bodje nén.
- Si l' vint candje, s' i shofele d' èn ôte des costés, adon, nos påwions arestèt leu passåjhe, et vos n' les rvoeroz pus k' å prumî bea djoû, wice k' i n' åront pus dandjî do foirci po voler. — Jean Lejeune di Djoupeye, Avå trîhes èt bwès, p. 131 (fråze rifondowe).
- Come ene åme el detresse
  Nouk n' arestêye li pas
  Si ç' n' est l' djonne troufelresse
  Ki s' galant planta la. — Henri Bragard (fråze rifondowe).
- Dj’ aresta l’ oto a l’ edroet do pont. — Robert Mathieu.
- Li temtante ecinse des fleurs l’ aresta. — Émile Wiket, Fruzions d' cour, p.163.
(viebe å coplemint) prinde ene sakî po l' egayoler.
- Les poyous l’ arestît et i fourit codåné a-z esse broûlé vicant. — Philippe Baudoin (fråze rifondowe).
(pus stroetmint) (viebe å coplemint) ratni on likide.
- Les bassins sont todi triviersés på ri, ki les gaméns di m’ tins arestént tot bastixhant on hourlea. — Paul Renson (fråze rifondowe).
- Li foye di coixheure arestêye li sonk cwand on s' a coixhî. — Jean Wisimus (fråze rifondowe).