abandner

Walon (Rifondou)

Etimolodjeye

Bodje vî francès « mettre a bandon », lu-minme do tayon-bodje vî francike * « ban » (lwè ki s' on nel schoûte nén va fé s' acweri ene poenne), adonpwis li mot francès « abandon » et l' viebe francès « abandonner ».

Prononçaedje

• AFE :
  • diferins prononçaedjes :
    • /a.bɑ̃n.ˈne/ /a.baːn.ˈne/
    • (pa rfrancijhaedje) /a.bɑ̃.dɔ.ˈne/ /a.bɑ̃.dɔ.ˈnɛ/
  • prononçaedje zero-cnoxheu : /a.bɑ̃n.ˈne/ (avou assimilaedje di lete dirîtrin dn ⇨ nn)
• Ricepeures : aband·ner

Viebe

Djin et tins	Codjowa
Cåzant Ind. pr. (dji, dj’)	abandnêye
Atôtchî(s) Ind. pr. (vos, vs)	abandnez
Cåzants Ind. pr. (nos, ns)	abandnans
Rwaitants Ind. pr., nam. (i/il, ele/elle)	abandnêynut
Cåzant Ind. fut. (dji, dj’)	abandnêyrè
Cåzant D.I.E. (dji, dj’)	abandnéve
Cåzant Suddj. pr. (ki dji, dj’)	abandnêye
pårt. erirece (dj’ a, vos av)	abandné
Ôtes codjowaedjes	come tchicter

abandner

1. (viebe å coplemint) leyî la (ene djin, ene biesse) sins pus s’ end ocuper.
   • Elle a-st abandné ses efants — Motî Haust (fråze rifondowe).
   • Lès-oûhês, tot foû d’ zèls, aband’nèt leû niyêye,
     s’èvolèt tot pîlant, dismètant qu’eune a eune
     lès ramayes s’abatèt djus dè bôr covrou d’ plåyes,
     qui drèsse fîr’mint so l’ cîr si cwér tot mèsbrudjî — Henri Simon.
   • Dji n' rigrete nén l' calin ki m' abandnêye. — Jean Bury, Joyeux rèspleus (1899), "Pauve kimére" (fråze rifondowe).
   • Dispoy ki si ome l’ a-st abandné,
     Mareye-Djihinne est tot kipiceye. — Joseph Vrindts, ”Vîx Lîge” (1901), p.39, “Qui fait mâ trouve mâ” (fråze rifondowe).
   • Vo n’ la-t i nén k’ el mwami Moutara tchait moirt å moes d’ djulete après awè stî å medcén bedje ki lyi dveut fé ene pikeure. Ey el brut court ki c’ est on côp des Bedjes ki lyi ont dné l’ bouyon d' onze eures, sene ki l’ Beldjike abandnéve les Toutsi — André Chauvaux (fråze rifondowe).
2. (viebe å coplemint) tot djåzant d' agayons.
   • Dji dva fé ene croes so m' liberté.
     Sol liberté ki dvént schayisse,
     Si d’frågne* et n' est pus k' on tchinisse
     Cwand on-z abandnêye ses tourneas.
     Ki les måyes rôlèt po des ôtes. — Louis Lagauche, "L' inmant", Li tchanson del Mouze, (1947), p. 102 (fråze rifondowe).
3. (viebe å coplemint) cwiter ene plaece.
   • Metans k' l' Ambleve ditoumaxhe. Rade, les ptits blancs pexhons abandnèt les boirds et s' aler mete e roede aiwe, å mitan do corant — Jean Lejeune di Djoupeye, Avå trîhes èt bwès, p. 169 (fråze rifondowe).
4. (v. sins coplemint) arester on djeu, ene bate k' on n' pout ou pout pus continouwer.

Parintaedje

• abandné
• abandnêye
• abandon
• abandonmint

Sinonimeye

• cwiter
• fé l’ abandon
• leyî åresse
• leyî hatche et matche
• tourner l’ cou

arester on djeu, ene bate k' on n' pout ou pout pus continouwer

• taper å diåle
• taper djus
• taper evoye
• taper l’ ouxh sol beur

Ortografeyes

Divant 1900 :

• abânné : E178, E203 ^(lére)

Après 1900, foû rfondou (Feller, Feller ricandjî, nén Feller) :

• abandonè : C1, C13, C99
• aban.n'nè : C13
• abann'ler : E200
• abann'ner : E1, E170
• abandoner : C99, C106, E21, S0
• aband'ner : C9, C99, C106, E1, E21, E34, O3
• aban.nnè : C13
• abandner : E34
• abandnè : C1

E rfondou walon :

• abandner : R10 ^(lére), R13

Ratournaedjes

leyî la (ene djin, ene biesse) sins pus s’ end ocuper

• Francès : abandonner ^(fr), délaisser ^(fr)
• Neyerlandès : verlaten ^(nl), opgeven ^(nl)

tot djåzant d' agayons

• Francès : abandonner ^(fr), délaisser ^(fr)
• Neyerlandès : verlaten ^(nl)

cwiter ene plaece

• Francès : abandonner ^(fr), quitter ^(fr)
• Neyerlandès : verlaten ^(nl)

arester on djeu, ene bate k' on n' pout ou pout pus continouwer

• Francès : abandonner ^(fr), jeter l’éponge ^(fr)
• Neyerlandès : opgeven ^(nl)