vedje

Walon (Rifondou)

Etimolodjeye

Bodje "virga" (coxhe).

Prononçaedje

• AFE :
  • diferins prononçaedjes : /vɛʧ/ /vɛːʧ /vɛʀʧ/ /vɛʀk/
  • prononçaedje zero-cnoxheu : /vɛt͡ʃ/ (minme prononçaedje pattavå)

Sustantif

singulî	pluriyal
vedje	vedjes

vedje femrin

1. fén et long baston, ki ploye åjheymint (sovint eployeye po bouxhî so ene sakî, ene biesse).
   • C' est mes mwaisses, zels, et dji les rmerceye voci, (…) d’ aveur prins li vedje po m' sicoryî di n' les nén todi bén schoûter. — Pierre-Joseph Dosimont (fråze rifondowe).
   • Dins l' tins, li djoû del Sint-Nicolès, li pere Fwetård leyive des vedjes trimpêyes dins do vinaigue po les pus démons des efants. — Motî Gilliard (fråze rifondowe).
2. (pus stroetmint) cane pexhrece.
   • Li pexheu ni doet måy baxhî s' vedje adon.
   • Ås meurs, des portraits d' famile. Des vedjes, on banstea d' pexheu. — Joseph Mignolet, "Milionêre !" (1934), p.2 (fråze rifondowe).
3. Modele:claw baguete di fier ki l' clawtî côpe po fé ses clås.
4. muzeure di longueur, d' a pô près 4 metes et dmey.
   • I mzurént al vedje. — Motî d’ Bastogne (fråze rifondowe).
5. muzeure di stindêye d' a pô près 20 m².
   • Mi, dj' a tcheryî ostant so ostant d' vedje. — Jean-Jacques Gaziaux (fråze rifondowe).
   • Nos n' avéns k' ene vedje di djårdén. — Motî Gilliard (fråze rifondowe).
6. vé (organe do coir di l' ome, po pixhî et s' mopliyî).

Ratourneures

1. (fén et long baston)
   1. vedje di macrea baston po on macrea fé des toûs.
   2. Li Bon Diu a ene longue vedje. ou Li Bon Diu a des lonkès vedjes: li bon Diè a bén l' tins po fé çou k' i vout.
      • Vos ki voet çou k' i s' passe, vos, di-st on, k' a ene longue vedje
        N' abandnez nén les pôves k' ont mostré tant d' coraedje
        Et k' on khustene tant. — Joseph Vrindts, « Pâhûles rîmês » (1897), "Li neûr lîve", p.41 (fråze rifondowe).
   3. tchivå di dzo vedje dins ene atelêye di deus tchvås, li ci metou a droete.
   • Vosse gade di dzo vedje bwete di drî, Pere Noyé. — Yves Paquet (fråze rifondowe).
2. (muzeure di longueur)
   1. vedje corante 4,67 metes sol Principåté d' Lidje).
   2. vedje canadyinne li minme muzeure ki l' "yard" des Inglès (0,9144 m).
3. (muzeure di stindêye)
   1. pitite vedje cwåré d’ ene vedje di costé (21 a 23 metes cwårés).
   2. grande vedje cwåré di 20 vedjes di costé (4,35 a 4,73 åres).

Parintaedje

• verdjinete
• verdjî, verdjant
• verdjale
• verdjea
• verdjon
• verdjolete

Mots d’ aplacaedje

• cou-d’-vedje
• vedje d’ ôr

Sinonimeye

• (fén et long baston) trike, baguete
• (organe do coir) Loukîz a : vé

Ortografeyes

Divant 1900 :

• veg : E178

Après 1900, foû rfondou (Feller, Feller ricandjî, nén Feller) :

• vèrke : O3
• vêdje : O0
• vèrje : O4
• vèrtche : O3
• vèdje : C99, C106, E34, O0, S0, S109
• vèrgue : O3
• vèdge : E165

E rfondou walon :

• vedje : R10 ^(lére), R11 ^(lére), FR13 (a "long")

Ratournaedjes

fén et long baston

• Arabe marokin : 3ça =‎ عصى
• Inglès : rod ^(en)
• Espagnol : verga ^(es)
• Francès : verge ^(fr); vedje di macrea : baguette ^(fr) magique.
• Neyerlandès : roede ^(nl)

organe di l' ome : Loukîz a : vé

vedje canadyinne, unité d' longueur

• Inglès : yard ^(en)
• Espagnol : yarda ^(es)
• Francès : verge ^(fr), yard ^(fr)
• Itålyin : iarda ^(it)

unité di stindêye

• Inglès : Walloon ^(en) square yard ^(en)
• Francès : verge carrée wallonne

Waitîz eto

Lijhoz l’ årtike Vedje (discramiaedje) so Wikipedia