tchene

Walon (Rifondou)

Etimolodjeye 1

Tayon-bodje latén « cannabis »

Sustantif

tchene femrin

1. (plante) plante semêye po ses montants k’ on fjheut des coides et des toeles avou, et po ses grinnes, ki l’ sincieus no, c’ est : Cannabis sativa.
   • On seméve del tchene dins tos les viyaedjes — Motlî d’ Tchonveye (fråze rifondowe).
   • Djihan et Djhene
     Ki coyént l’ tchene;
     Djihan trota; Djhene s’ ewaera — Louis Remacle (fråze rifondowe).
   • On smincive del tchene po les oujheas — Louis Remacle (fråze rifondowe).
   • Ça s’ a fwait li 14 di djulete 1748: les Bôhinots ont dvou payî å signeur li tiraedje å dozinme, nén seulmint sol grin, mins ossu sol lén, li tchene, li toubak et les canadas — Louis Baijot (fråze rifondowe).
2. grinne di ç’ plante la, eployeye po sognî les oujheas et come amoice po les pexhons.
   • Conte les halenes, mete del tchene al tere åtoû des cabus.
   • Dj’ aveu on bea ptit soverdea;
     Dj’ el nourixheu avou del tchene — Louis Sonveaux (fråze rifondowe).
   • Les royteas estént ki pepiént les grinnes di tchene dins leu ptit batchea — Lucyin Mahin.
   • Dji m’ tchedje di l’ amoirçaedje, des viers, del tchene et des molons — Félicien Barry (fråze rifondowe).
   • Il aveut on cwåtron d’ belès rossetes escrotêyes al tchene — Félicien Barry (fråze rifondowe).
3. filasse et fis k’ on-z a après l’ broyaedje et li spindjaedje del plante.
   • C' est del coide di tchene — Motî d’ Cînè (fråze rifondowe et rarindjeye).
   • Elle aveut rapicî s’ rôbe di toele a ses hantches avou ene pitite coide di tchene — Guillaume Smal (fråze rifondowe).
4. sicoreye fwaite avou ces coides la.
5. çou ki tome djus di l’ aprestaedje des fis.
   • On fwait des djwints avou on rond plonk et del tchene di ttåtoû — Motî d’ Cerfontinne (fråze rifondowe).

• 
  foyes di tchene

Ratourneures

1. diner ene tchene: bate, bouxhî so (ene djin, ene biesse); On dit eto : tchener, diner ene dobleure.
2. atraper del tchene; u aveur del tchene; u ramasser del tchene : esse batou; Loukîz a : Motyince:volêye di côps/walon #: Loukîz a: dobleure; loukîz a: tchene
3. diner del tchene a les pénsons po les estchåfer u a on lignroû pol mete so feu : nourixhaedje des oujheas tchanteus, des colons, po les fé cover.
4. awè mindjî del tchene : esse amoreus.

   F. amoureux.

5. gn a spès come del tchene : c’ est des plantes ki vnèt bén spès.

   F. pousse touffue, drue.

6. pwin d’ tchene : çou ki dmeure del grinne di tchene cwand on l’ a pressé po-z aveur l’ ôle.
   • Cwand on dnéve des pwins d’ tchene ås biesses, les vatches ni savént veler et crevént (ramexhné pa L. Boulard).

   F. tourteau de chanvre.

7. rascoyî del tchene : el code.
8. broyî u spindjî l’ tchene : bouxhî dso po broyî li schoice.

   F. teiller.

9. sercyî l’ tchene : pårti l’ filasse avou on seri.
10. toide del tchene : aprester les fis tot les toirdant.

    F. cordonner.

11. tresson, ficele di tchene, coide di tchene : prodûts do toirdaedje.

    F. tresse, corde, cable.

12. fi d’ tchene : prodût do serciaedje.
    • Ele fijheut co ses lénçoûs avou des fis d’ tchene (diviè 1860).
13. tchetea d’ tchene : fi d’ tchene trimpé dins del hårpixhe.
    • El coibjhî fwait do tchetea e passant del tchene dins d’ l’ hårpixhe — Motî del Lovire (fråze rifondowe).
    • Fé on djeudfi avou del tchene (A. Balle).

Parintaedje

• tchenvire
• tchenveuse
• tchener

Mots d’ aplacaedje

• tchenôle, tchene-simince
• baståde tchene
• tchene d’ Inne (tchedinne)

Sinonimeye

sicoreye di tchene

• mårtinet
• chlake
• scoreye, scorijhe, scordjire

çou ki tome djus di l’ aprestaedje des fis

• stope

Ortografeyes

Divant 1900 :

• chanv : E177
• chenne : E212 ^(lére)
• chenn : E177a

Après 1900, foû rfondou (Feller, Feller ricandjî, nén Feller) :

• tchanve : G201 p. 93, S109, S117
• tchane : G201 p. 93, O0, O4
• tchame : G201 p. 93
• tchanwe : C8
• tchène : C13, C62, E212b, G201 p. 93, O4
• tchambe : G201, S117

E rfondou walon :

• tchene : R10 ^(lére), R13

Ratournaedjes

plante semêye po ses filasses et po s' grinne

• Arabe marokin : كيف ^(ary) =‎ kif
• Francès : chanvre ^(fr)

grinne del plante

• Francès : chènevis ^(fr)

filasse del plante

• Francès : fibre ^(fr)

scoreye

• Francès : fouet ^(fr)

Etimolodjeye 2

Femrinne cogne di tchén.

Sustantif

tchene femrin

1. lexhe.
   • Fefeye, c’ est m’ tchene, dji vos l’ avowe Tos ls ans ele shût on rossea tchén — Bob Dechamps (fråze rifondowe).
   • El tchene est co dislaxheye. — Franwal di Cerfontinne (fråze rifondowe)..

   F. chienne.

Ortografeyes

Divant 1900 :

• chinne : E212 ^(lére)
• cheinn : E177a ^(lére)
• chînne : G8

Après 1900, foû rfondou (Feller, Feller ricandjî, nén Feller) :

• tchine : C8, C23

E rfondou walon :

• tchene : R10 ^(lére)

Etimolodjeye 3

disfondowe di "tchene"

Sustantif

tchene femrin

1. å djeu d’ bale, plaece do djouweu k’ est å dbout do rectingue.
   • I fåt on bon casseu po djouwer al tchene — Motî d’ Cerfontinne (fråze rifondowe).

Ortografeyes

Ôtès ortografeyes (avou des sourdants nén rkinoxhous) :

• tchane : ?

I gn a cåzu rén dins ci hagnon ci, mins si vos irîz rnaxhî dins des ôtes motîs, et trover l’ mot « tchene », riherez ciddé li scrijha do mot ki vos î avoz trové, et l’ rahouca do motî el Djivêye des motîs do walon.