nukete

Walon (Rifondou)

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

ene nukete (court baston avou on nuk å dbout)

Etimolodjeye : bodje nuk, cawete -ete.

Sustantif

nukete femrin

1. pitite bole di boure k' on prind avou l' dibout del coyire.
   • Ni voloz vs nén ene grosse nukete di boure po cure vosse piou ? — Jean-Pierre Dumont (fråze rifondowe).
   • Ele meteut a boure et racaboure di l' aiwe avou do souk et deus troes nuketes di boure tant k' ça divneut foirt sipès; adon ele vudive li maxhåd sol marbe del finiesse pol rafroedi. — Henry Matterne (fråze rifondowe).
   • Ene piceye di sé, on pô do poeve, ene bone nukete di boure, c' est l' vraiy ki c' est foû bon les petêyès crompires ! — Lisa Chastelet (fråze rifondowe). #* I gn aveut deus ptitès casroles sol costé avou do maigue lård kitaeyî, et ene grosse nukete di boure, et des echalotes. — Rodolphe Dedoyard (fråze rifondowe).
2. pitite masse di diele, di sirôpe, di savon.
   • Et ele meta-st avou ene grosse nukete di vert savon. — Jean-Pierre Dumont (fråze rifondowe).
3. pitite masse di diele, di tere.
   • On hawéve des ptits royons, ou soxhe, po-z aveur del tere po rascovri les pos, et nd aveur assez ki po leyî des grossès nuketes on pô tot costé; ces nuketes la dinént ene pitite åvrûle a djonne rigon e l' ivier. — Serge Fontaine (fråze rifondowe).
   • Ele aveut ene narene come ene pitite nukete di diele et vos årîz djuré k' on aveut fwait s' boke avou ene miyete di rodje coleur ; — Joseph Vrindts, « Li pope d'Anvers » (1896), p.63 (fråze rifondowe).
4. grosse groumiote di farene dins l' påsse, li pwin, li såce.
   • Li boleye est a nuketes.
   • Li farene toûne a nuketes.
5. (mot d’ medcén) (mot d’ årtisse des biesses) sôre di houzaedje dizo l' pea.
   1. sacwè d' deur ki vént dizo l' pea.
   2. pitit rodje nucrê ki vént dins l' nateure des vatche, dins sacwantès maladeyes.
      • Riwaitîz todi s' i gn a des nuketes el nateure.
6. pitite crote.
   • I n' a fwait k' ene pitite nukete di stron.
   • Ca sins amoice, nos pexhans des nuketes ezès aiwes di Vervî.
7. court baston avou on nuk å dbout.
   • Elle a dit bonswer e bêlant, mins elle a dmoré sol soû d' l' ouxh, aspoyeye so ene nukete di hoûsset. — Gaston Lucy (fråze rifondowe).
8. pitite cwantité.
   • D' å lon, si figueure aveut l' air bén nete; mins asteure di tot près, e l' astocant, el veyeut enûlé, tot mol, sins ene nukete di sintimint a-z î vir. — José Schoovaerts (fråze rifondowe).
9. (imådjreçmint) pitite båshele.
   1. tot l' aduzant. Ki vouss djåzer, don, pitite nukete ki t' es ! F. mazette.
   2. (tinrûlmint) poyon.
   • Dijhoz mu cwè, vos, mi ptite nukete, mi ptit trezôr.
   • Dji vs inme come on inme e walon, poyon, poyete, nukete, kerton. — Guy Cabay (fråze rifondowe).

Ratourneures

1. leyî s’ nukete : (mot d' houyeu) nén bén fini si ovraedje (d' èn abateu, d' on hertcheu).
2.  Nokete : no metou (martchande ki dit todi l' mot "nokete"; pitite djin. Tevozè, mi et l' Fredi, dji coréns amon l' Nokete, ene pitite viye feme k' odéve les bablutes eyet l' poude di riz et ki tneut botike e coulot (G. Denis, rat. pa L. Mahin).
3. nuketes des tchifes : bokets des tchifes ki vnèt foû, come deus pititès boles. F. pommettes.
4. ele a todi l’ låme a l’ ouy et l’ nukete å cou : dijheye po on pîlåd (ene pîlåde). F. pleurnicheur (-euse), geignard(e).

Sinonimeye

pitite masse di diele, di tere

• ruke
• rukete

grosse groumiote di farene dins l' påsse, li pwin, li såce

• groubiote
• groumiote
• maclote
• maton
• mônion

pitite crote

• nucale

court baston avou on nuk å dbout

• brigonea
• warokea

pitite cwantité

• barbôjhe
• faflote
• gote
• letchete
• miyete
• rawete
• tchitche

Ortografeyes

Divant 1900 :

• nukète : C9a ^(lére)
• nokett : E203 ^(lére)

Après 1900, foû rfondou (Feller, Feller ricandjî, nén Feller) :

• nokette : JVri
• nikète : O0
• nukète : C1, C13, O0, O4
• nokète : C1, C8, C13, E1, E34, O4, S0

E rfondou walon :

• nukete : R10 ^(lére), R13

Li mot n’ est nén dins : E89

Ratournaedjes

pitite bole di boure k' on prind avou l' dibout del coyire

• Francès : noix de beurre ^(fr)

pitite masse di diele, di sirôpe, di savon

• Francès : bout, petite quantité d'argile, de sirop, de savon

pitite masse di diele, di tere

• Francès : petite motte ^(fr), fragment ^(fr) de terre, d'argile

grosse groumiote di farene dins l' påsse, li pwin, li såce

• Francès : grumeau ^(fr)

sacwè d' deur ki vént dizo l' pea

• Francès : tumeur ^(fr), dureté ^(fr), abcès ^(fr)

pitit rodje nucrê ki vént dins l' nateure des vatche, dins sacwantès maladeyes

• Francès : nodule ^(fr), follicule ^(fr)

pitite crote

• Francès : [[#Francès|]] ^(fr), [[#Francès|]] ^(fr), [[#Francès|]] ^(fr), [[#Francès|]] ^(fr)

court baston avou on nuk å dbout

• Francès : cane ^(fr), bâton ^(fr)

rawete

• Francès : petite quantité ^(fr), fragment ^(fr), petit bout ^(fr), soupçon ^(fr), once ^(fr)

pitite båshele

• Francès : petite fille ^(fr), fillette ^(fr)