maton

Walon (Rifondou)

Etimolodjeye

Tayon-bodje latén « mattus » (mate), avou l’ cawete « -on » (boket d' ene mate sacwè); mot cité dins l’ FEW 6/1 522a.

Maton dvins ene vôte (blanc rond al copete a droete)

Prononçaedje

• AFE :
  • prononçaedje zero-cnoxheu : /ma.tɔ̃/ (minme prononçaedje pattavå)
• Ricepeures : ma·ton

Sustantif

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

maton [o.n., sovint pl.]

1. groumiote k' arive cwand l' laecea toûne.
   • Vosse boleye toûne a matons.
   • Li tonire fwait tourner l' laecea a matons — Motî d’ Vervî (fråze rifondowe).
   • Cwand l' laecea est bolou, l' prumire tcholeur k' i sint, i toûne; il est tot a groumiotes, a nuketes; i vént des matons ki toumnut å fond do pailon (ramexhné pa J.J. Gaziaux).
   • Li stofé n' est nén reyussi : il est a gurzeas, a groujhletes, come a matons (ramexhné pa J.J. Gaziaux).

   F. grumeau, flocon.

   stofé d' matons : stofé rifwait avou do laecea k' a tourné.

   F. fromage de lait caillé.

   tåte ås matons : gozåd (rascrovowe tåte) fwait avou del makêye, des amandes, des masteles et del påsse di peme.

2. groumiote dins do rvômixhaedje, dins del schite, ki vént do laecea må didjeré.
   • Li laecea toûne télfeye a matons so li stoumak — Motî Forir (fråze rifondowe).
   • I vômit des matons (Motî d' Andene).
   • Il a l' diyarêye ås matons (Motî d' Andene).

   F. grumeau, coagulum.

3. groumiote, come do blanc d' oû cût, ki vént dins l' laecea ås vatches k' atrapèt del mamite.
   • C' est on gros maton ki ristope li tete.
   • I n' pasreut dedja grand matons: li pés est tot deur: li mamite est trop viye. (L. Remacle).
   • Dj' irans cweri des tubes di mamite : nosse vatche ra des matons — Motî d’ Bastogne (fråze rifondowe).
   • Cwand ene vatche a les mamites, ele dene des matons, des tchaplets d' matons (ramexhné pa J.J. Gaziaux).
   • E m' aprotchant, dj' a avizé do côp k' li biesse fijheut del mamite, ca pa des côps, t' aveus li tete ki s' sitopéve, et pus des matons ki stritchént foû avou l' laecea — Lucyin Mahin.

   F. grumeau, caillot.

   maton d' asmeteure : agloumyî bet.

   F. colostrum durci.

4. matons [t.pl.] mannestés ki vnèt so del bire k' a flori.
   • Nosse bire est seure; elle est a matons — Motî del Lovire (fråze rifondowe).

   Loukîz a : faflote, matner.

   bire ås matons : bire k' i gn a des matons dsu.

   On dit eto: bire ås faflotes, ås fleurs, matnêye bire.

5. groumiote dins l' sonk (po fé les tripes).
   • Ti n' såreus reyussi tes tripes avou do sonk ås matons.
6. no des fleurs u grinnes di sacwantès plantes :

   a) ronde blanke fleur do matonî.

   • On bouket d' matons — Motî Forir (fråze rifondowe).

   F. boule de neige.

   b) grinne do froumidjoû, ki l’ sincieus no, c’ est : Malvea alcea F. mauve.

   c) schite d' agaece,ki l’ sincieus no, c’ est : Cardamine pratensis F. cardamine des prés.

   maton d' djårdén plante des cortis a blankes u violêyès fleurs, ki l’ sincieus no, c’ est : Hesperis matronalis.

Parintaedje

• matonî
• matner

Omofoneye possibe

• minton (maton après Bastogne)

Ortografeyes

Divant 1900 :

• maton : E203 ^(lére)
• matons (pl) : E212 ^{([[:oldwikisource:fr:Dictionnaire wallon-françois (Villers)/matons (pl)|lére]])}

Après 1900, foû rfondou (Feller, Feller ricandjî, nén Feller) :

• maton : C1, C9, C13, C18, C100, E1, E34, O0, O2, O3, O100, S0, S25, S28, S117
• matons (pl) : E213

E rfondou walon :

• maton : R10 ^(lére), R11 ^(lére)

Li mot n’ est nén dins : C5, C8, E2, E145, O4, S24, S40.

Waitîz eto

Lijhoz l’ årtike maton (discramiaedje) so Wikipedia