hougne

Walon (Rifondou)

• 
  hougnes di waeyén

Etimolodjeye

Tayon-bodje vî francike * «hûnia», mot cité dins l’ FEW 16 265b.

Prononçaedje

• AFE :
  • diferins prononçaedjes : /huɲ/ /hɔɲ/ /hɔ̃ɲ/ /hyɲ/ /hœɲ/ /huj/ /uɲ/ /yɲ/ /œɲ/ (36 prononçaedjes)
  • prononçaedje zero-cnoxheu : /huɲ/
• Ricepeures : nén rcepåve

Sustantif

singulî	pluriyal
hougne	hougnes

hougne femrin

1. (mot des cinsîs) rôlea d' four (ou d' waeyén) u di strin di tote li longueur do tchamp, ramassé å rustea ou al machine, po k' i rsowe, ou pol picuber.
   • On meteut l' four a hougnes — Motî d’ Bastogne (fråze rifondowe).
   • Il a rploû sol four; i fåt disfé les hougnes — Motî d’ Bastogne (fråze rifondowe).
   • S' i rploveut so vos hougnes, vos estîz cwite a ristramer l' four pattavå, por lu rsouwer: on djheut k' on dzandneuve.
   • Li four fåtchî, i l’ faleut tourner (…) Pu on l’ meteut a hougnes avou l’ grand rustea å tchvå po fé des hopirons po kékes djoûs — Roland Georges (fråze rifondowe).
   • S’ i fzéve bon li treûzime djoû, on-aléve rahougner avou l’ ristê an bwès d’ côrî. Padrî, avou one grande fotche, on fzéve dès moulots tos lès dîj ou cwinze mètes d’après li grosseûr dès hougnes — Fernand Barvaux, Li fènâ mwès do bon vî tins, Singuliers, 1-2009.

Parintaedje

• hougnete, hougntea
• rahougner, rahougnaedje, rahougneuse

(minme sourdant etimolodjike)

• hoye, houyeu, houyire

Mots d’ aplacaedje

hougne di nive (consire)

Sinonimeye

• andon, andea, miersipepieuzmint e l’ notule ALW 9.151 .
• role, roye, royon, guinde, boyea miersipepieuzmint e l’ notule ALW 9.154 .

Mots vijhéns

• bate (lene di four, di dinrêye fåtchîs)

Dischindance

• Walon hoye, houyeu, houyire
  • Francès houille

Ortografeyes

Après 1900, foû rfondou (Feller, Feller ricandjî, nén Feller) :

• hógne : G209 p. 355
• heugne : G209 p. 355
• hougne : S0, G209 p. 355
• eugne : G209 p. 355
• hogne : G209 p. 355
• houye : G209 p. 355
• ugne : G209 p. 355
• hongne : G209 p. 355
• ougne : G209 p. 355
• hugne : S117, G209 p. 355

E rfondou walon :

• hougne : R9 a "hoye" ^(lére)

Li mot n’ est nén dins : E23, R13

Ratournaedjes

rôlea d' four

• Almand : Schwade ^(de)
• Inglès : windrow ^(en)
• Espagnol : hilera ^(es)
• Francès : andain ^(fr)
• Neyerlandès : zwad ^(nl), zwade ^(nl)

Waitîz eto

Lijhoz l’ årtike hougne so Wikipedia