crexhe

Walon (Rifondou)

Etimolodjeye

Tayon-bodje latén « crescere » (minme sinse), adon racuzinåve avou l' espagnol « crecer » et l' vî francès « creistre ».

Prononçaedje

• AFE :
  • diferins prononçaedjes : /kʀɛh/ /kʀɛç/ /kʀɛɦ/ /kreχ/ /kʀɛʃ/
  • prononçaedje zero-cnoxheu : /kʀɛʃ/
• Ricepeures : nén rcepåve

Viebe

Djin et tins	Codjowa
Cåzant Ind. pr. (dji, dj’)	crexhe
Atôtchî(s) Ind. pr. (vos, vs)	crexhoz
Cåzants Ind. pr. (nos, ns)	crexhans
Rwaitants Ind. pr., nam. (i/il, ele/elle)	crexhnut
Cåzant Ind. fut. (dji, dj’)	crexhrè
Cåzant D.I.E. (dji, dj’)	crexheu
Cåzant Suddj. pr. (ki dji, dj’)	crexhe
pårt. erirece (dj’ a, vos av)	crexhou
Ôtes codjowaedjes	come mete

crexhe

1. (v. sins coplemint) ou (v. sins djin) grandi tot cåzant d' ene biesse, d' ene djin, des pwels.
   • Ti lais crexhe ti båbe et cmeler tes croles — Martin Lejeune, "Œuvres lyriques du poète Martin Lejeune" p. 113, "L'infifélité d' Catrène" (fråze rifondowe).
   • On n' tineut nén conte di l' apetit k' on djonne coir pout-st awè cwand k' i n' a nén fini d' crexhe. — Émile Sullon (fråze rifondowe).
   • I s' lait crexhe li båbe.
   • Fait′-a-fait′ qu’i crèhéve,
     lès-autes-åbes s’ont r’sètchî come po lî fé dèl plèce,
     èt, d’zos sès bassès cohes, i n’ crèh qui dès bouhons
     qu’èles-avisèt voleûr warandi d’ leû fouyèdje — Henri Simon, Li mwért di l'åbe.
   • I crèha dès måles crompîres,
     sins compter lès-ôtes pitits mås — w:Joseph Mousset, Joseph Mousset.
   • Inte les pires di pavêye, i n' crexhe nén des djotes. — Louis Lagauche, "L' inmant", (1947), A ‘n-ancyin payîsan, p. 152 (fråze rifondowe).
2. (v. sins coplemint) grandi tot cåzant d' ene plante.
   • Fré, k' a motoit ndalé cåse d' ene ingråte crapåde
     Ou po wangnî l' payele ki nos crexhe foû del påte — Louis Lagauche, "L' inmant", Po Nameûr, (1947), p. 139 (fråze rifondowe).
   • Après k' on-z a yeu passé l' rôlea, li grin djermêye et crexhe Modele:MoTch
   • Les tcherdons crexhént avou les dints-d'-tchén, les pas-d'-ågne et les ôtes crouwins ki stofént les crompires u les betråles — Edouard Peraux (fråze rifondowe).
3. (v. sins coplemint) grandi tot cåzant d' ene sacwè (ritchesse, comiece, djoû, lune, evnd.).
   • Por vos, Prince, nosse payis walon
     Est awoureus la k’ Diè vis texhe
     Des djournêyes la ki vs veroz crexhe
     Li bouneur et l’ djoye tot do long. — Joseph Vrindts, ”Vîx Lîge” (1901), p.51, “Hureux Jous” (fråze rifondowe).
   • Li walon, come li francès, vént po s' pus grande pårt do latén, mins s' n' a-t i nén yeu l' tchance di poleur crexhe et si spåde come lu. — André Lamborelle (fråze rifondowe).
   • Ca nozôtes, les Walons, nos vnans, azår, å monde dizo l' sene del Lune, ki n' dimeure djamåy li minme mins ki candje todi, crexhant on côp et rastrindant l' ôte côp. — Jean-François Brackman (fråze rifondowe).

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

1. (imådjreçmint)si måvler.
   • Dji crexhe cwand dj' end etind des cis ki mådixhèt l' cok k' elzès dispiete trop timpe — Maggy Frisée (fråze rifondowe).

   Loukîz a : monter, boure.

   F. s'irriter.

II. fé crexhe [vierbire a coplemint] fé grandi. I fwait crexhe si niyåd. On dit eto: acrexhe, racrexhe, diswalper. F. accroître, augmenter, développer.

III. crexhe di (+ sustantif) [viebe di divnance] divni pus (+ addjectif).

1. crexhe d' ådje : monter dins ses ans (po fé l' diferince avou «crexhe di grandeur».

IV. si crexhe [v.pr.] waitî d' passer po pus grand k' on-z est. I saye di s' crexhe. F. se grandir, se valoriser.

Ratourneures

1. {{dismetant k’ l’ avoenne crexhe, li tchvå mourt}}, sol tins k' l' avoenne crexhe, li tchvå creve
2. il a l' hikete: c' est k' il est co po crexhe : u
3. c' est ki l' cour crexhe : ervazî k' on dit a ene djin k' a l' hikete.
4. Il (elle) a crexhou so on tonea : espot k' on dit d' èn efant k' a les djambes tchamlowes pa manke di tchåsse.

   "il a les jambes arquées, il fait du rachitisme".

5. S' il (elle) a crexhou inla so ene nute, il esteut tins ki l' djoû s' leve : ervazî k' on dit tot veyant ene grande pîce (on grand, ene grande).

   Franwal: ahåyant po: "c'est un grand échalas, une grande asperge".

6. crexhe come les cawes di vatches: après l' tere : raptiti tot divnant vî (cwand les poys des cawes des vatches crexhèt, i s' raprotchèt d' tere). On djheut sovint ça d' ene feme ki rotéve a baxhete a cåze di l' osteyoporôze.

   F. se tasser.

7. rwaitî crexhe les rcenes did padzo : esse moirt et eteré.

   Franwal: ahåyant po: "sucer les pissenlits par la racine".

8. nosse cour crexhe : on s' recrestêye, on-z est fir.
   • Et nosse cour crexhe cwand c' est k' on tuze al glwere. Di nos vîs peres ki n' avît måy pawou (Li Tchant des Walons).

   F. se gonfle.

9. Al Sinte-Luce, les djoûs crexhèt do sôt d' ene pouce : Li Sinte-Luce, c' est l' 13 di decimbe, mins dinltins, divant l' calindrî grigoryin, c' esteut viè l' 21 di decimbe.
10. crexhe di saedjesse : divni pus råjhnåve.
    • C' est nén l' tot d' crexhe d' ådje, savoz, mes parants, i fåt ossu crexhe di saedjesse !

    F. grandir en âge et en sagesse.

Parintaedje

• crexhant, crexhance
• crexaedje, crexhince, crexhoûle, crexhinne, crexhåjhe
• crexhyî (!!! a-z aveuri), crexhioûle
• discrexhe, discrexhaedje, discrexhance, discraxhant
• forcrexhe, forcrexhance
• acrexhe
• racrexhe
• ricrexhe, ricrexhaedje

Sinonimeye

screfyî

Ortografeyes

Divant 1900 :

• creh : E177, E203 ^(lére)

Après 1900, foû rfondou (Feller, Feller ricandjî, nén Feller) :

• crèchî : O4
• crèhe : E1
• crére : C8
• crèshe : E165
• crèche : C8, O4

E rfondou walon :

• crexhe : R9 ^(lére), R10 ^(lére), R13

Ratournaedjes

grandi tot cåzant d' ene vicante sacwè

• Francès : croître ^(fr), grandir ^(fr), se développer ^(fr)

• F. croître, pousser.
• F. se développer, croître.

Codjowas

crexhe

1. indicatif prezintrece, prumire et troejhinme djins do singulî, do viebe « crexhe ».
2. suddjonctif prezintrece, prumire et troejhinme djins do singulî, do viebe « crexhe ».
3. kimandeu prezintrece, deujhinme djin do singulî, fôme camaerådrece, do viebe « crexhe ».