xherbin

Walon (Rifondou)

• 
• 
  toet d' xherbins
• 
  toet d' xherbins
• 
  meur di xherbins

Etimolodjeye

Bodje almand « Scherbe » (spiyeure di pot) avou l’ cawete « -in »; mot cité dins l’ FEW 17 33b

Prononçaedje

• AFE :
  • diferins prononçaedjes : /ʃɛʀ.ˈbɛ̃/ /hɛʀ.ˈbɛ̃/ /hɛʀ.ˈbæː/ /hɛʀ.ˈvɛː/ /ʃɛʀ.ˈpɛː/ (betchfessî xh)
  • prononçaedje zero-cnoxheu : /ʃɛʀ.ˈbɛ̃/
• Ricepeures : xher·bin

Sustantif

singulî	pluriyal
xherbin	xherbins

xherbin omrin (pus sovint eployî å pluriyal)

1. boket d' pot, di veule.
   • On spiyive des xherbins azès poyes po leu djezî — Motî Toussaint (fråze rifondowe et rarindjeye).
   • On casse des xherbins po les poyes fé leu schåve e l' ivier — Mots du « Dictionnaire liégeois » et du « Glossaire de La Gleize » annotés par Camille Gaspard (fråze rifondowe et rarindjeye).
2. (mot do bastimint) pitit cwåré d' ceramike metou so on meur.
   • Amon Matagne, tot esteut gårni avou des xherbins — Motî del Hesbaye (fråze rifondowe).
3. (ahesse di manaedje) pot u ôte sacwè sins grande valeur metowe po gårni ene måjhon, u k' on vout fote evoye.
   • Cwand ti n' as pus po boere,
     Ti cmince a t' acweri
     Onk po k' ti poyes ti cscheure
     Et ti t' fwais tot kixhiyî
     Après fåt k' dji t' rakeuze
     Ti n' as k' tos vîs xherbins
     Pus tård fåt k' dji voeye
     Vini foû tes kuînais* (?)
     — Li camrade dè l'joie, Chanchet Barillié, 1852 (fråze rifondowe).
   • N a todi on xherbin po onk ki dvént po èn ôte ene pîce ki merite si plaece sol djivå — Marcel Slangen (fråze rifondowe).
   • Del coujhene å gurnî, tot rlût, minme les xherbins — Émile Pècheur (fråze rifondowe).
   • Après aveur rôbalé dvant tos ces xherbins do muzêye, dji m' ashia, moirt nåjhi del tiesse, divant sacwantes viyès posteures di porçulinne, et dji tuza, tuza lontins — Louis Lagauche, Prindez vosse Bordon, p. 11 (fråze rifondowe).
   • —Tins, atrape, Beau Nuage!!
     Patch! ine savate après l’ sôlêye. Ci fout l’ signâl, èt les hèrvês di totes les cognes aplovît so li s’crène dè pauve potince, qui n’ sét wice si hèrer èt houkî s’ feume— Joseph Vrindts, Tot tûsant (1924), Beau nuage, p.300.
4. (mot do bastimint) grosse sipesse eschaye, k' on fjheut les toets avou, divant l' arivêye des fenès schayes et des eternites.
   • Il ont rfwait on toet d' xherbins come dinltins — Motî d’ Bastogne (fråze rifondowe et rarindjeye).
5. (mot des mnujhîs et scrinîs) grosse schete di bwès, kécfeye po fé les toets come avou les gros boket di schaye.

Ratourneures

1. fé des xherbins (fé des bokets)
2. vî xherbin

Mots d’ aplacaedje

• banc ås xherbins (Architecture rurale en Wallonie, Fagne et Famenne - Page 167)

Sinonimeye

• (pot k' on håynêye po gårni): cantea, taexhon, casson, testea
• (sacwè k' on vout fote evoye): rikete, trigu, rahisse, vizreye

Dizeutrins mots

schaye, edjåjhe

Omofoneye

• /ʃɛʀpɛː/: xherpea

Ortografeyes

Divant 1900 :

• hervai : E203 ^(lére), G0

Après 1900, foû rfondou (Feller, Feller ricandjî, nén Feller) :

• hyèrpê : E200
• cherbin : S45
• chèrbin : S0, S200, Architecture rurale en Wallonie, Fagne et Famenne, Mardaga, Lidje, 1988, page 167
• sherpê : E165 p. 73
• herbin : Architecture rurale en Wallonie, Fagne et Famenne, Mardaga, Lidje, 1988, page 167
• hèrvê : E1, G205 p., E213
• hèrbin : E1, E181

E rfondou walon :

• xherbin : R10 ^(lére)
• xherbea : R9 ^(lére), R11 (rifondaedje ricandjî enawaire) ^(lére)

Li mot n’ est nén dins : C13, C60, C106, O0, R13

Ratournaedjes

boket d' casson

• Francès : tesson ^(fr), débris de faïence ^(fr)

viye sacwè k' on wåde

• Francès : bibelot ^(fr), objet décoratif ^(fr)

plaque de schiste utilisé comme toiture

• Inglès : slate ^(en)
• Francès : fendis ^(fr), cherbin ^(fr) (Wallonie)