toû

Walon (Rifondou)

Etimolodjeye

Svierba do viebe «tourner».

Prononçaedje

• AFE :
  • diferins prononçaedjes : /tuː/ /tuːʀ/ /toːʀ/
  • prononçaedje zero-cnoxheu : /tuː/
• Ricepeures : nén rcepåve

Sustantif

singulî	pluriyal
toû	toûs

toû omrin

1. bodjaedje complet so lu-minme.
   • Il a fwait l' toû del måjhon po vey s' i gn ♫reut nén èn uxh u ene fignesse å lådje, mins broke di gade !
2. pormoennåde po s' distreyî.
   • Vén, on irè fé on toû sol dicåce.
3. (mot d' ciclisse) coûsse pa estapes dins tot on payis.
   • C' esteut l' ci k' aveut wangnî cénk côps l' toû d' France.
4. sacwè ki dmande d' esse adroet Loukîz a : « aveur li toû ».
5. laide kénte.
   • C' est co on toû do fayé Miyin.
   • Tos les toûs, totes les calinreyes,
     K’ on rtrouve e fond del crapulreye,
     Ki fjhèt les voleurs, les moudreus,
     S’ abatît come on côp d’ tonire,
     So les deus djonnes priyesses mankés— Joseph Vrindts, ”Vîx Lîge” (1901), p.85, “Li Vôye di l’Eglise” (fråze rifondowe).
6. moumint k' on passe ene sawice, et k' on a ratindou avou ds ôtes.
   • Intrez, c' est vosse toû !
   • Dji m’ a-st acoûtchî cial el måjhone d’ ene vijhene…
     L’ andje e-st evoye a s’ toû… — Joseph Mignolet, « Li Vwè dè Clokî, 1926, p.25 (fråze rifondowe).

Ratourneures

1. aveur li toû.
2. toû a toû
3. li ci ki n' a k' on toû n' vike k' on djoû
4. fé l' toû d' l' ôrlodje
5. toûs et ratoûs, des toûs et des ratoûs
6. èn nén aveur on bon toû el camizole
7. aveur on toû dpus ki l' diåle
8. aveur fwait dpus d' toûs ki d' miråkes

Parintaedje

• catoû, cotoû, ritoû, distoû
• Loukîz a : « tourner »

Mots d’ aplacaedje

• toû di mwin
• toû d’ rossea tchén

Sinonimeye

• (pormoennåde po s' amuzer) : djirete, tournêye, virêye
• (adroete manire di fé) : piceure
• (laide kénte) : Loukîz a : « kénte »

Mots vijhéns

• (bodjaedje etir so lu-minme) : rond, ceke

Omofoneye possibe

• /tuːʀ/ & /toːʀ/ : tour (grand hôt bastimint, machine)

Ortografeyes

Après 1900, foû rfondou (Feller, Feller ricandjî, nén Feller) :

• toû : C1, O0
• toûr : E1, S0, S117
• tôr : E165

E rfondou walon :

• toû : R13

Li mot n’ est nén dins : C13

Ratournaedjes

bodjaedje complet so lu-minme

• Arabe marokin : دورة ^(ary) =‎ dora
• Almand : Umdrehung ^(de)
• Inglès : revolution ^(en)
• Espagnol : revolución ^(es)
• Francès : tour ^(fr)

pormoennåde

• Arabe marokin : دورة ^(ary) =‎ dora
• Francès : tour ^(fr)

coûsse ciclisse pattavå on payis

• Arabe marokin : دورة ^(ary) =‎ dora
• Espagnol : vuelta ^(es)
• Francès : tour ^(fr)
• Itålyin : giro ^(it)
• Neyerlandès : ronde ^(nl)

adroete manire di fé

• Arabe marokin : منيرة ^(ary) =‎ menira
• Francès : tour ^(fr)

kénte Loukîz a : kénte

• Arabe marokin : 7ila (Hila) =‎ حيلة
• Francès : (sale, vilain, mauvais) tour ^(fr)

moumint k' on passe ene sawice, et k' on a ratindou avou ds ôtes

• Arabe marokin : noba (Hila) =‎ نوبة
• Inglès : turn ^(en)
• Francès : tour ^(fr)