souke

Walon (Rifondou)

Etimolodjeye 1

Bodje arabe « سُكَّر » (sukkar), lu-minme do piersan.

Prononçaedje

• AFE :
  • diferins prononçaedjes : /suk/ /syk/ /sœk/
  • prononçaedje zero-cnoxheu : /suk/
• Ricepeures : nén rcepåve

Sustantif

singulî	pluriyal
souke	soukes

souke omrin

1. (amagnî) prodût foirt doûs saetchî foû des betråles u des canassoukes, lomé tchimicmint li sacarôze.
2. (tchimeye) prodût tchimike parint do sacarôze, ki les biesses et les plantes broûlèt po viker.
3. (pus stroetmint) (tchimeye) prodût, di fôrmule tchimike C₆H₁₂O₆, li mitan del moleure do souke di betråle, ki c’ est l’ dierin boket d’ leu ctaeyaedje dins l’ coir.
4. (pa stindaedje do sinse) (mot d’ medcén) maladeye ki fwait monter li livea do glucôze, onk di ces prodûts la, dins l’ sonk.
   • Come il aveut do souke, i lyi faleut ene pilule d’ insulene totes les 6 eures.
5. bouboune.

Ratourneures

1. rodje souke, noer souke, cou d’ souke : souke a piretes, k’ on suce.
2. souke a bokets : souke vindou dins des pakets, a cwårés bokets.
   • Dj’ aveu todi on boket d’ souke el potche po si dj’ åreu yeu ene mwaijhe fwin.
3. fén souke : souke come del poure, vindou dins des saetchots.
4. souke di pot : sôre di brun souke e poure, k’ on pout mete so s’ pwin.
5. souke vanilé : fén souke come del farene, po mete so les wåfes, evnd.
6. dorêye å souke, tåte å blanc souke, tåte å souke di pot ki glete : sôre di tåte sins fruts.
7. matante di souke
8. boutche å souke: onk (ene) ki magne voltî des soucrådes.
9. la k’ on magne do souke al loce : la k’ il î fwait åjhey viker.
10. ça s’ vind come do souke : ça s’ vind bén.
11. cwand i påle, c’ est tot souke : i n’ mostere ki les beas costés d’ ene sacwè. On dit eto promete dipus d’ boure ki d’ froumadje : c’ est on platchteu.
12. Vloz do souke ? dimande l’ onk ; Neni, dji souke assez, respond l’ ôte: djeu d’ mot avou souker.
13. casser do souke so
14. souke di bateme, poes d’ souke: sôre di longou souke avou do tchocolåt u ene aminde divins, k’ on dene ås batemes.
15. esse come do souke

Parintaedje

• soucråde, soucreye
• soucrer, soucraedje

Mots d’ aplacaedje

• canassouke
• croxhe-souke
• soucrapaye

Sinonimeye

(bouboune)

• kinike
• gougouye
• soucreye
• soucråde

Ortografeyes

Divant 1900 :

• souck : E212 ^(lére)
• souk : E203 ^(lére)

Après 1900, foû rfondou (Feller, Feller ricandjî, nén Feller) :

• suc : C8, O4 (dins « cu d’suc »)
• souk : E213
• suke : O4
• souke : E1, E34, E170
• = sic (souke) : C74

E rfondou walon :

• souke : R10 ^(lére), R13

Ratournaedjes

prodût d’ coujhene ki dene on doûs gosse

• Arabe : سكّر ^(ar) = سُكَّر =‎ soukkar
• Arabe marokin : سكّر ^(ary) =‎ sekker
• Almand : Sucher ^(de)
• Inglès : sugar ^(en)
• Espagnol : azúcar ^(es)
• Francès : sucre ^(fr)
• Gåmès : suke
• Neyerlandès : zuiker ^(nl)
• Kimon amazir marokin : ssekkʷar ^(zgh), assekkʷar ^(zgh)

ci prodût la, tchimicmint

• Francès : saccharose ^(fr)

• F. sucre, glucide.
• F. sucre, glucose.
• F. diabète.

rodje souke, noer souke, cou d’ souke

• Francès : sucre candi

souke a bokets

• Francès : sucre scié, sucre en morceaux

fén souke

• Francès : sucre en poudre, sucre semoule

souke di pot

• Francès : cassonade ^(fr)

ça s’ vind come do souke

• Francès : ça se vend comme des petits pains

souke di bateme, poes d’ souke

• Francès : dragée ^(fr)

Etimolodjeye 2

Svierba do viebe « souker ».

Prononçaedje

• AFE :
  • diferins prononçaedjes : /ˈsuk/ /ˈsyk/
  • prononçaedje zero-cnoxheu : /ˈsuk/
• Ricepeures : nén rcepåve

Sustantif

singulî	pluriyal
souke	soukes

souke omrin u femrin

1. côp dné del tiesse.
   • Dji m’ a dné on si fwar souke ki dj’ a-st atrapé on boursea. — Motî Pirsoul (fråze rifondowe).
2. pitit côp setch avou li dbout d’ ene sacwè.
   • Ene pitite souke d’ ene rame di vagons et vla l’ machine, k’ on-z aveut rovyî d’ mete li frin, evoye tot belmint. — Henri Pétrez (fråze rifondowe).
   • Li ptit påpåd dene des soukes. — Motî d’ Nivele (fråze rifondowe).

Parintaedje

• soukete

Ortografeyes

Divant 1900 :

• souk : E203 ^(lére)

Après 1900, foû rfondou (Feller, Feller ricandjî, nén Feller) :

• suke : O4 omrin
• suk : C9 omrin
• souke : E1 omrin

E rfondou walon :

• souke : R9 femrin ^(lére), R10 femrin ^(lére)

Ratournaedjes

souke

• Francès : choc ^(fr), heurt ^(fr), collision ^(fr)

Codjowas

souke

1. indicatif prezintrece, prumire et troejhinme djins do singulî, do viebe « souker ».
2. suddjonctif prezintrece, prumire et troejhinme djins do singulî, do viebe « souker ».
3. kimandeu prezintrece, deujhinme djin do singulî, fôme camaerådrece, do viebe « souker ».

Omofoneye possibe

• souk (sûna do stoumak, do pancreyasse)